هلال وَقِيعَة المختار

الوَقِيعَة الثالثه

البارت الثالث

هلال وَقِيعَة المختار

الكاتبه: هاله_الـ_جبور

وليشهد الله .....
أننا لم نأخذ من فترة شبابنا
سوى الهم والتعب

لا تنسون الدعم

--------------------------------------------------------

هلال:
انتبهت واكفين كدام عماره حجه حازم

حازم:اعتذر خويه بس ردت اكلج وصلنه هذ مي غسلي وجهج ملاك تنتضرج فوك وحارث من يكمل شغله يجيج واني راح افرشلج الشقه واتسوكلج لبين ما يجيج حارث تمام
هلال:محجيت بس هزيت راسي 

 

هلال: صعدنه فوك الطابق الثاني شقة الجماعه اللي حجالي عنهم حارث وبالمقابل. منهم شقه حازم من دك الباب كال هذ واشر ع الشقه راح تصير الج مشتريهه حارث

فتح الباب رجال بكد حارث شوي اكبر معرف استقبله وطبينه جوه جنت خايفه حيل ومتردده رجفت ايدي حيل واضحه استند ع الحايط وامشي كأني عجوز عمري تجاوز 70 سنه بضعفي وحنية ضهري ومرضي واوجاعي. استند بأيد ترجف حته اعين رجلي الهزيله اتطمنت شوي من شفت مريه كدامي عرفتهه ملاك اللي. حجه عنهه حارث وحازم ذكرهه من نزلنه من شافت وضعي دخلتني ع غرفه مبينه غرفة أطفال مددت ع السرير سئلت اذا محتاجه شي اكتفيت بهز راسي بمعنه لا تركتني وطلعت

بقيت فتره طويله صار يومين ما نايمه بس مكدرت انام مكدر اغمض عيوني مو حاسه بالامان معنو محد نضرلي بنضره مو زينه واستقبلونه استقبال حلو بس المريت بي بحياتي مستحيل يخليني احس بأمان ابد

ثاني يوم كمل حازم الشقه هي مفروشه بس تنضيف ومسواك وانتقلت عليهه.   تميم وملاك حاولو انو ابقه الحد ما يجي حارث. بس مقبلت لازم اعتمد على نفسي اني طلبت من حارث بس يطلعني ما اريد اكون حمل ثقيل على احد اخاف يمل ويتركني مثل الكل

ليش دائما عندي مخاوف شكد اتمنه اعيش بمكان ما بي خوف من اي شي مثل خوفي هسه راح يقتلوني راح يرجعوني للمستنقع راح يتخله عني سندي راح اخسر املي اللي بعده ما نور الدنيا راح يغدرون بيه الجماعه اللي امني حارث عندهم كل هل مخاوف مسيطره علي اريد اخلص منه

بقيت اسبوع بالشقه ما محتاجه شي كل يوم العصر يجون تميم وملاك يزوروني ويطمنون علي ويمشون بس ولا مره سئلو عن قصتي وليش اجيت وليش احجي كلمه او كلمتين واسكت معقوله حازم حاجيلهم عني  معرف. ولا سئلت معاد يهمني احد اذا عرفو او لا اخر همي او بالاصح اخر همي الحوالي اريد اكون انانيه افكر بس بنفسي وطفلي شحصلت من الجنت. مقدمتهم على نفسي شو الكل تخله عني واولهم اقرب الناس اللي

يراسلني حارث كل هذ الاسبوع محجالي او مقبل يحجيلي شنو جاي يصير بيت المختار بس يكلي مكدر اتصل عليج خاف احد شاك او يتبع وراي خليني مراسلات الحد ما أأمن واجيج