هلال وَقِيعَة المختار

الوَقِيعَة التاسعه

البارت التاسع

هلال وَقِيعَة المختار

الكاتبه:هاله _الـ_جبور

لطفآ لا تنسو التصويت

         --------------------
هلي وموش بهلا الينكاد خسران
هلي اكثر من زعلكم گلبي تعبان
شربت الشوك زحمه بنضرة الناس
وشربت الليل كله بضيجة الكاس
هلي ولماله اهل ما عنده عنوان
شمرتوني بعمر بيه يستحي الشيب
وتخليتو بوكت ما يعرف العيب
هلي وكون الگه روحي هواي وهمان
امس ناغيتكم غافي بوكتها
شيسكت بنيه يم تابوت اختها
شكثر كاتب رسايل شگگتها
هلي شرخص البواجي المالها حنان
توالمنه ومشينه براي التهون
الحبر دمعه الحجي وبي ريحة عيون
هلي هوايييي الحمل وشويه المتون
             -----------------------

حارث: بيوم باقي بالبيت خايف هلال ترجع تكرر محاولة الانتحار اخص شي هي من عرفت نفسه حامل ما نطت اي ردة فعل مثل المو مستوعبه او مصدومه او على معرفتي بهلال ما تعرف شنو يعني حامل لان هي ماله معرفه بسوالف الحمل والزواج ابد حته اذكر مره كاعدين سوه عمره تقريبا 10سنوات كاعد ادرسه بالحديقه فشافت مرة اخويه قاسم حامل

هلال:حروثي

حارث:ها هليله

هلال: حروثي بطن. مها ليش كبير خطيه خاف مريضه وما ياخذهه قاسم للطبيب وصايره بطنه هيج

حارث: صراحه انصدمت بسؤاله اعرف بيه عقله طفولي وما تعرف بهيج اشياء او صح هي مشافة مره حامل هي من البيت للمدرسه ومن امي جابت سراج جانت زغيره ما تتذكر

حارث:حبيبتي هلال مها حامل يعني ابطنه طفل ازغير ومن ايصير عمر الطفل تسع اشهر تسوي عمليه وتطلع الطفل يعني هم احنه جنه ابطن ماما

هلال: هااا يعني من يصير بطنه كبيره تجيب طفل زغير

حارث:اي حبيبتي بس كولي الله يكومه بالسلامه خوش

هلال: تمام ان شاء الله تشوف السلامه

حارث:وراهه بفتره تمرضت هلال وامي بالشغل وهي من تتمرض الفلونزه الموسميه تتخربط علينه فاول ما بلشت بيه وصخنت اخذته للمستوصف قريب  كاعدين واجه رجال بس اله بطن مبينه يعني كبيره ما احس اله هلال كامت لان اغلب المقاعد كاعده عليه اوادم ومكان زغير

هلال:عمو تعال اكعد هنا خطيه الطفل خاف يصير بي شي

حارث:الرجال فاتح حلكه يا طفل الاوادم انتبهت المكان هدوء وهي حجت

هلال: عمو انت اي شهر تكوم بالسلامه

الرجال: شبيج بابا شنو طفل شنو شهر

هلال: عمو مو بطنك كبيره يعني بيهه طفل

حارث: اريده تسكت ماكو الوادم السمعت الله ذب عليه ضحك والله دنك بس اجتافه تهتز ولج هلال شصخمتي شهل اللسان احد عاتب عليج تكومين