هلال وَقِيعَة المختار

الوَقِيعَة السابعه والثلاثون

الجزء الثاني البارت السابع والثلاثون

هلال وَقِيعَة المختار

الكاتبه:هاله _الـ_جبور

لا تنسون التصويت لطفاً

بارت طويل لعيونكم

         --------------------

هلي خذلوني 💔 گلت نجرب الغربه بلكت بيهم احد يدعي من گلبه
وانا والله اعرف روحي خوش انسان لتخلون هاي الوادم تخربه

------

هلال: من بعد كلام حارث وياي عرفت الكل تعب مني بس مو بيدي مرات اندم على تصرفات وافعال بس من اراجع افعالي مگدر اضبط نفسي شي بداخلي يخنگني ماجاي اگدر اتخلص منه بس حقهم ما مجبورين يتحملوني مثل ماگال حارث ضحيت بعمري بسببج
لويش ابقه عاله علي او على غيره

لهذ قررت ابتعد عن الكل ما اريد احد يمي كلهم ميحبوني كلهم متعاطفين وياي لاني مريضه او مثل ميگول حارث ما تكبرين لشوكت تبقين عايشه بهذ عقلج تعبت منج كلماته محفوره بگلبي ماتوقعت بيوم هيج يسوي بيه بس ارجع أكول هم حقه تعب مني

خابرت أكثر شخص اعتبرني أخته جان دائما من نلتقي يگعد يحجيلي عن مغامراته وافعاله وحته صاحباته ودائما يردد علي انتِ اختي الجبيره والج معزه جبيره بگلبي هيثم كلش يعزني وما يرفضلي طلب
وگتله اريد اشوفه بدون محد يعرف وأمنته واخص شي ملاك وتميم لان خلال هاي الفتره همه مهتمين بيه وتحاول ملاك تحجي وياي عن الصار بس أني ما الي خلگ احجي شي اكتفيت من الكلام وما بيه فايده حارث اكثر واحد يعرفني بدون كلام  هيج سوه بيه بعد شحجي والناس تفهمني

طلعت من البيت على السوبر ماركت وهناك شفته

هلال:حجيتله انو اريد ابتعد عن الكل اني والاطفال وما اريد احد يعرف حته ملاك واريد مكان بعيد وما يخطر على بال احد بالبدايه اعترض ورفض لان يعرف وضعبي بس گوه قنعته
وافق وگال باجر ادبرلج مكان امن ومحد يلگالج اثر هو جان خايف علي بس من شاف وضعي وافق
وبالفعل ثاني يوم خابرني وگلي امنتلج المكان وهوه يوصلني
انتضرت يمام الحد ما راح للشغل طبعا طول هل فتره اني ما احجي ويه احد حته يمام حدي بس اطفالي
تركتله رساله وحده لان اعرف من ما يشوفنه راح يجي للشقه يطمن عنه كتبت بيهه

( انتو تعبتو مني بما فيه الكفايه  لا تدورون علي اريد ابقه وحدي واني اسفه لان راح احرمك من شوفة سند وسما بس ما أگدر بدونهم )

اخذت فلوس تكفيني فتره طويله كل فلوسي الجنت جامعته وملابس اللي ولسند وسما واللعاب الهم وطلعت لگيت هيثم ينتضرني بسيارة صديقه حته ما يشكون بي صعدنه بالسياره 
ويه تسائلات سند وسما وين رايحين وليش بابا مو ويانه اريد اجاوبهم ما أگدر گوه أقنعهم هيثم المكان الراح نروحله حلو بقو يحجون ويه هيثم وين رايحين وهوه يوصفلهم المكان واني صافنه بمكان ثاني