في فيلا الكيلاني.
يجلس أربع شباب علي كنبة كبيرة تتسعهم.
غيث بوجع :آه يا دماغي هموت من الصداع مش قادر.
سيف بوجع أيضاً :ومن سمعك انا خلاص دماغي هتتفرتك.
مهند بوجع هو الآخر وضرب أحمد علي قفاه :ما كله من إبن الجذمة ده حد قاله يعاكس البت انت كنت طلعت من البيضة علشان تعرف تعاكس.
نظر له أحمد بسخط :شوف مين اللي بيتكلم ده أنت أول بت خدت رقمها مش عكستها كنت في الحضانة.
مهند بغيظ :وأنت مين اللي قالك.
أحمد :وهو يرقص حواجبه له :أمك.
مهند :ياروح أمك وربنا ما أنا سايبك علشان انت السبب في اللي إحنا فيه انا مفيش كلبة هتبص في وشي بعد كده.
غيث بغيظ :هو ده اللي همك، مش همك هنعمل ايه في الإجتماع اللي بعد ساعة، هنروح إزاي ودماغتنا مفتوحة كده.
سيف بغضب :أنا اللي قاهرني أنها كلها شبر ونص يعمل فينا إحنا كده وبنت الكلب ضربتني تحت الحزام (تعيش وتاخد غيرها 😂😂😂😂😂)
أحمد بغيظ منها :وانا بهدلتلي وشي وفتحتلي دماغي زيكوا.
غيث :وانت عكستها قولتلها إيه.
أحمد ببساطة :قولتلها سكر محلي محطوط علي كريمة كعبك محلي والعود عليه القيمة.
مهند وبدأ الغناء والرقص معا :وتجيلي تلاقيني لسه بخيري مش هتبقي لغيري أيوة انا غيري مفيش.
سيف وهو يقتلع حذائه ويقذفه في إتجاه مهند وأحمد :ده وقته يابن الكلب منك ليه، ده وقته، والأهم من كده هنعمل ايه مع العيلة لو شافونا وإحنا بالمنظر ده هنفسرلهم إزاي.
غيث وهو يخبط جبهته :اوف تاهت عن بالي إزاي، أهو بسبب الكلب اللي هناك ده هنبقي مسخرة العيلة، ها هنعمل ايه.
مهند وسيف وأحمد بصوت واحد :مش عارفين.
#عند شمس
شمس :مين ياروح أمك، ولاد عيلة الكيلاني اللي انتي فتحتي دماغهم.
جميلة :للأسف آه.
شمس وقد نفذ صبره :يابرودك ياختي انتي كل يوم جيالي بمصيبة وانا اقول ماشي معلش لسه صغيرة بس كده كتير أوي نفسي مرة تكوني قد المسئولية أنا تعبت بجد تعبت انا ماشي.
سهر بقلق :رايح فين.
شمس بخنقة :رايح في داهية وخرج.
سهر غضب :أنتي اتمديتي أوي ياجميلة، بتعملي كده ليه، دايماً عملة مشاكل وعمرك ماريحتي شمس هو بيعمل اي حاجة علشان يسعدنا وانتي بتعملي العكس.
زينة :سهر عندها حق ياجميلة، انتي لازم تصلحي من نفسك مش علشان حد، علشان نفسك علشان تقدري تتعاملي مع الناس في المستقبل.
قمر :انا زعلانة منك يا جميلة علشان ضايقتي أبيه شمس.
جميلة بحزن : أنا مش عارفة انا بعمل كده ليه مش بقدر اتحكم في عصبيتي وايدي دايما سابقة لساني، انتوا فاكرني مبسوطة اني كل شوية بضايق أبيه شمس، لأ طبعاً انا بحبه أوي، بس اوعدكم اني احاول اغير من نفسي، أنا رايحة لشمسي.
سهر :ريحالوا فين.
جميلة :مكانوا الأساسي، خرجت وطلعت في آخر دور في البيت فهذا مكان عزلة شمس يعتبر مملكته الخاصة لا يمكن لأحد أن يقتحمه إلا بإذنه.
يسمع عدة خبطات علي الباب.
شمس :سيبيني لوحدي ياجميلة.
جميلة ببكاء :علشان خاطري ياابيه خليني أدخل.
شمس لم يتحمل سماع صوتها الباكي قام بفتح الباب إلكترونيا.
شمس :ادخلي انا فتحت الباب.
دخلت جميلة وهي منكسة رأسها وتقول بخجل :أنا آسفة يا ابيه، أوعدك اني مش هعمل كده تاني واني هحاول اتحكم في أعصابي، انت مش بترد عليا ليه، رفعت رأسها لتتسمر مكانها :أنتي أخويا ولا أختي.
شمس بضحك :ما أنتي عارفة ياجميلة لما بكون في مملكتي برجع لاصلي بس إيه رأيك في اختك مزة مش كده.
جميلة :مزة إيه، ده انتي جامدة فشخ يخربيت حلاوتك ياشيخة، ده انتي أجمل من ايشواريا راي، انتي المفروض يتعملك تمثال المفروض السياح يجوا يسيحوا هنا علشان يتصوروا معاكى.
شمس باستغراب :للدرجادي انا كنت وحشة وانا ولد علشان تقولي كده.
جميلة :وحشة إيه ده انتي في الحالتين جامدة انتي عارفة انتي مش هتبوري عارفة ليه، علشان وانتي وولد النسوان عليكي بالكوم، و انتي وبنت الرجالة عليكى هيبقوا بالكوم كل اللي ناقص بس انك تشاوري.
شمس :طب نتكلم جد شوية.
جميلة :اتفضلي.
شمس :إحنا لازم نروح نعتذر العايلة الكيلاني على اللي انتي عملتيه.
جميلة :اللي تشوفه ياشمس انا معاك فيه، معاكي أووفف ماترسيلك علي بر يابنت ياولد متقعديش تزاولي اللي خلفوني.
شمس :بس يالمضة، خلاص ماشي، النهاردة باليل هنروحلهم انزلي قولي لاخواتك علشان هيجوا معايا وبالمرة علشان يجهزوا.
جميلة :حاضر، وانتي مش هتنزلي.
شمس :لأ سيبيني انا هتمرن شوية وبعد كده ارجع لشخصية أبيه واجهز وانزلكوا علشان نروح، يالا انزلي.
جميلة :ماشي، باي.
شمس :باي.
نتكلم شوية عن مملكة شمس :هو عبارة عن مكان الكتروني من تصميم شمس متحاوط بأكمله من الازاز هي ترى من بالخارج ولكن الذي بالخارج لا يرى أي شئ، فيه أربع غرف، الغرفة الأولي :غرفة الجيم مخصص بجميع الأدوات الرياضية.
الغرفة الثانية :غرفة النوم والملابس والتنكر.
الغرفة الثالثه :هذا الحمام ولكنها مخصصاه بدقة منظره خيالي.
الغرفة الرابعة :فهذه الغرفة لا أحد يعرف ما بداخلها سواها وسنكتشف ما بداخلها في الرواية.
تجري الأحداث في فيلا الكيلاني.
علي العشاء حيث تجتمع العائلة.
جاسر الكيلاني :أومال فين الشباب مشوفتهمش النهاردة في الشركة.
حسام :ولا انا يابابا والله واتصلت بيهم تلفونتهم متقفلة.
ريهام :ثواني ياعمي هطلع اشوفهم يمكن في اوضهم، وقبل أن تصعد نزل كل من غيث ومهند وأحمد وسيف.
جاسر بصدمة :مالكم ياولاد، مربطين دماغتكم كده ليه وإيه الشعر المدلدل منكم ده أنتوا عملتوا لنفسكم ديل حصان.
كل اللي قاعدين على السفرة ماتوا من الضحك.
أحمد وهو بيكتم ضحكته :لا أبدا ياجدو دي فكرة مهند.
مهند وهو يزغت أحمد بالكوع في بطنه :ماله ياجدو ما اهو حلو اهو ده إحنا حتي زي الاجانب عملين سابيكي.
عمر :وأنتو ناقصين سابيكي، طب دول مجانين واتوقع منهم أي حاجة، إنما انت ياغيث إيه ياحبيبي بهتوا عليك ولا إيه، طب ده انت عندك بنت المفروض تاخدك قدوة وضيعتوا اجتماع النهاردة علشان الهبل ده.
غيث بغضب مكتوم :الله يجازي اللي كان السبب، قطع كلامهم صوت الخادمة.
الخادمة :جاسر بيه في ضيوف عايزينك.
جاسر باستغراب :ما قالولكيش هما مين.
الخادمة أعطته كارت :لأ يابيه هو قالي اديك الكارت ده.
اخذ جاسر الكارت وقرأه :شمس أحمد الرفاعي، تمام خليهم يتفضلوا في الصالون، رحلت الخادمة لتنفيذ كلام سيدها.
جاسر :تعالوا نشوف عايزين إيه دول.
اتجه الجميع الي الصالون وعندما دخلوا تسمروا باكملهم فرأوا أربع حوريات وفارس أو حورية لا يعرفون هذا الشخص من يكون ولكنه شخص ممبز وجذاب جداً، آفاقوا من سرحانهم على صوت شمس الذي اتجه إلي جاسر وقام بتقبيل يده وصافحه باحترام.
جاسر:أهلًا أكيد حضرتك أستاذ شمس صح.
شمس بابتسامة خطفت قلوب الفتيات وشخص آخر :أيوة ياجاسر بيه أنا شمس، شمس أحمد الرفاعي.
______________________________________
انتهي البارت الثاني واتمني أنا اعجابكم انتظروني في البارت الثالث.
أنت تقرأ
هوس العاشقين
Hành độngهذه الرواية لن تكون مثل أي رواية قمت بقرائتها هذه الرواية ليها سحرها الخاص ستجذبك إلي عالم ثاني، حتى إنكم من الممكن أن تتخيلوا نفسكم ابطالها ولا أنكر أنه سيكون هناك جانب من الكوميديا ولكني أتمني أن أنال اعجابكم من الرواية. بقلم /"العنقاء"
