هوس العاشقين

البارت الثالث

شمس بابتسامة خطفت قلوب الفتيات وشخص آخر :أيوة يا جاسر بيه أنا شمس، شمس أحمد الرفاعي.
جاسر بحرج :طب ممكن سؤال.
شمس باحترام :طبعاً حضرتك اتفضل أسأل.
جاسر :انت ولد ولا بنت.
شمس باندهاش :نعم، هو مش باين عليا ولا إيه.
جاسر :صراحة لأ انا مش عارف أحدد انت مين بالضبط.
شمس :لأ ولد حضرتك، بس ليه السؤال الغريب ده.
جاسر بصراحة :أصل بصراحة شكلك ملفت للنظر جسمك جسم راجل وتصرفاتك إنما ملامحك ملامح مزة والله أنت لو بنت لكنت اتجوزتك.
ضحك الجميع علي صراحة جاسر لشمس.
شمس بخجل :إحنا طالعين حلوين لأهلينا.
جاسر :هي مامتك عايشة.
شمس باستغراب :لأ حضرتك هي وبابا متوفيين بس حضرتك بتسأل ليه.
جاسر :كنت اتجوزتها.
شمس :نعم.
حسام بارتباك :إيه اللي بتقوله ده يابابا، معلش يا أستاذ شمس بابا بيحب يهزر.
أحمد بخوف وهو ينظر لجميلة ويتكلم بخفوت :غيث الحقني البت جات وجابتلي أخوها زي ما قالت هعمل ايه خبيني أروح فين.
غيث برفعة حاجب :نبقي إحنا المضروبين وكمان نستخبي، ده إيه الجبروت ده.
أحمد بلطم :ما علشان كده بقولك خبيني انت نسيت هي عملت فينا إيه أومال أخوها هيعمل ايه.
مهند بغضب :أثبت يالا ميقدرش يعمل معانا حاجة، شكله عيل طري، ولا إيه ياسيف، سيف، سيف ماترد يالا.
سيف وهو ينظر لزينة بهيام :ياعم حل عن اللي خلفوني، سيبني في الجنة اللي أنا فيها، اظاهر أحمد كان عنده حق يعاكس البت ده العيلة كلها مزة يابا، حتى اخوهم جامد آخر حاجة، ده إحنا جمبه ولا حاجة، مش شايف ياغيث الواد قمر إزاي شايف خدوده اللي شبه الطماطم ولا شفايفه اللي زي الكرز ولا عيونه اللي زي...
قاطعه غيث بغضب :ما كفاية ياض متضبط مالك انت شوية، شوية هتتحرش بالواد.
سيف :ياعم انا مالي وماله هو عنده أمانة وأكمل وهو ينظر لزينة المندمجة مع البنات هي وأخواتها، وأنا عايزها.
مهند وغيث فهموا قصده.
جاسر :مقولتليش يابني، إيه سبب الزيارة.
شمس :الحقيقة يا جاسر بيه أنا جاي أعتذر انا وأختي الصغيرة لاحفاد حضرتك بسبب اللي عملته.
جاسر باستغراب :وهي عملت ايه يابني في احفادي.
شمس باحراج :فتحت دماغتهم.
غيث ومهند وسيف وأحمد بصوت واحد :أحيه.
جاسر بصدمة :نعم، ونظر الي أحفاد :ده بجد.
أومأ كل من غيث ومهند وسيف وأحمد بنعم.
جاسر :يافرحتي بيكوا، طب وأنهى واحدة في اخواتك يابنى اللي عملت كده.
أشار شمس علي جميلة :هي دي يا جاسر بيه، اللي قبل الأخيرة.
جاسر بصدمة أكبر وهو ينظر إلى أحفاده :كمان عيلة اللي عملت فيكوا كده ياخيبتكوا وأنا أقول عليكم رجالة العيلة وحماية العيلة طلعتوا في الآخر سابيكي العيلة، ده انا هخليكوا سابيكي للصبح بس اصبروا.
شمس باحراج أرجوا أن زيارتنا متسببش أي مشكلة، على العموم اختي هتعتذر وهنمشي علطول، يلا ياجميلة اعتذري.
ذهبت جميلة أمام الشباب وبهدوء وخجل :أنا آسفة ياعمو غيث، أنا آسفة يا عمو مهند، أنا آسفة يا عمو سيف.
كان شكلها لطيف للغاية فسامحوها علي الفور.
جاسر باستغراب :وبالنسبة للزتونة اللي واقفة جمبيهم ملوش اعتذار.
شمس وهو ينظر لأحمد :لأ يا جاسر باشا إحنا جينا علشان نعتذر من الكبار لأنهم معملوش حاجة إنما ده يستاهل ولو كان من سني وربنا كنت دخلتوا في غيبوبة.
جاسر :ليه يابني كل ده عمل إيه.
شمس يغضب :يرضيك حضرتك احمد يعاكسها علشان كده هي فتحت دماغوا وأنا فخور بيها علشان جابت حقها.
جاسر باندهاش :عاكسها، ونظر إلى أحمد :تعاكسها يابن الكلب ده انت مطلعتش من البيضة يخربيتك والبيت اللي جمب بيتك، انت ياواد متقعدش جمب مهند تاني.
أحمد بطاعة :حاضر ياجدو.
مهند باندهاش :دلوقتي حاضر ياجدو، ماشي ماشي لينا اوضة تلمنا.
جاسر وهو ينظر لقمر :تعالي ياقمر ياعسل ياحلو أنت ياصغير.
ذهبت عنده قمر وقام جاسر باحتضانها.
جاسر :وأنتي إسمك ايه ياقمر.
قمر بطفولة :أسمي قمر وانت إسمك إيه يا جدو.
جاسر :الله إسم على مسمى، وأنا ياستي أسمى جاسر، أجبلك حاجة حلوة.
قمر :لأ ميرسي، شمسي بيجبلي كل حاجة.
جاسر :ربنا يخليكوا لبعض، أنا آسف يابني علي اللي حصل من أحمد واوعدك اني هقرصلك ودنه وهخليه ميعملش كده تاني.
شمس :لأ أبدا يا جاسر بيه أحمد زي أخويا الصغير وكده كده أنا واثق أنه مش هيعمل كده تاني.
عمر باستغراب :أيوة بس أنا عايز افهم، هي طتلتهم إزاي ياعني أحمد أوكي من سنها وأطول منها بحاجات بسيطة، بس هي طالت الباقي إزاي.
غيث بغيظ :ما ده اللي هيجنني.
شمس بتوضيح :أنا هفهم حضرتك، أنا مدرب اخواتي كويس اوي على جميع الفنون القتالية حتى قمر علمتها.
سلمى :واو بيدربوا في أنهى نادي.
سهر :لأ إحنا مش بندرب في نادي، شمس هو اللي بيدربنا بنفسه.
حور ورهف :الله انا عايزة ادرب.
غيث :جرا ايه يا بنات اهدوا شوية دي رياضيات كلها خطر وميتعلمهاش غير الرجالة ولا إيه يامهند. مهند وهو نظره مثبت علي سهر :صح ياغيث، البنت ملهاش غير بيت جوزها.
غيث باستغراب :جوز مين، شوف انا بتكلم في إيه وأنت في آيه، فوق معايا.
مهند :والله فايق ده انا اول مره أبقي فايق.
غيث :يشفي الكلاب ويضرك.
سلمي باعجاب وهي تنظر لشمس :أومال حضرتك مجبتش مراتك معاك ليه.
شمس :أنا مش متجوز.
سلمي وحور ورهف بفرحة :بجد، ولا خاطب.
شمس :لأ مش خاطب.
سلمي باعجاب :طب إزاي، ده انت حتى جنتل ووسيم وجميل جدا إزاي مش متجوز.
جاسر :عمر، حسين  لموا البنات شوية انا ابتديت اخاف على الواد انا حاسس أنهم كمان دقيقتين، وهيتستفردوا بيه.
عمر بهمس لوالده :ما ليهم حق يابابا، ده الواد قمور بزيادة ده والله لو كان بنت ما كنت عطقتوا.
جاسر :استغفرالله العظيم، الواد ده قعدتوا معانا هتركبنا ذنوب، بس هنعمل ايه معذورين، اول مره نشوف ملايكة.
شمس وهو ينظر لمليكة التي تجلس على قدم جدتها.
شمس وهو يشاور إليها أن تأتي، ملحوظة (شمس من محبي الأطفال جدا).
شمس :تعالي ياعسولة، تعالي.
ذهبت له مليكة، وشمس اجلسها على قدمه.
شمس :إسمك إيه.
مليكة ;اسمي مليكة.
شمس :الله إسمك حلو أوي، استني هديكي حاجة، وقام بخلع سلسته والبساها لمليكة.
شمس :حلوة السلسة دي.
مليكة :آه حلوة أوي، شكراً ياشمس وقامت بتقبيله علي خده وذهبت إلي إبيها.
سلمي :يابنت المحظوظة يامليكة، أموت وأرجع عيلة تاني.
ريهام :اتلمي ياجذمة اخوكي لو سمعك هيقتلك.
سلمي :ياشيخة اقعدي، هو فاضيلي، كفاية عليه المزة اللي هناك.
مليكة :بابا، شوفت شمسي اداني إيه.
غيث :شمسك، البت لسه عرفته وبتدلعه، وأنا اللي معاها من يوم ما اتولدت عمرها مدلعتني.
مليكة بخبث طفولي :بصراحة علشان هو مز عنك يابابا.
أخذ يضحك الجميع عليهم.
غيث بغيظ ;ماشي يامليكة والله لوريكي بس أصبري.
شمس :استأذن انا ياجاسر بيه.
جاسر :لسه بدري يابني، وبعدين إيه جاسر بيه دي انا زي جدك، قولي ياجدي، وبعدين انت مش هتمشي من هنا هتسهر معايا النهاردة.
شمس باعتراض :مش هينفع والله يا جدي معلش اعذرني.
جاسر :إيه اللي منفعوش.
شمس :اصلي بصراحة عندي ماتش مصارعة حرة النهاردة والماتش قرب وواخد معايا البنات.
جاسر بانبهار :مصارعة حرة، ايوة يابني بس دي رياضة خطر أوي، وهما موافقين على كده، ده حتي باين عليهم أنهم ملهمش في الكلام ده خالص.
شمس :أبدا والله هما موافقين وكده كده هما متعودين على كده وبيجوا معايا كل مره.
جاسر :طب ينفع نيجي نتفرج انا والشباب.
شمس :آه طبعاً.
جاسر :خلاص ماشي، اجهزوا ياشباب.
الفتيات ;وإحنا هنيجي معاكوا.
جاسر :تعالوا يمكن قلبكوا يقوي شوية.
فرح الفتيات كثيرا وتعرفوا علي سهر وزينة وجميلة وقمر.
وكذالك الشباب تعرفوا على شمس.
وذهبوا إلى مكان الماتش أول ما دخلوا لقوا المكان كبير جدا مثل الاستاد ويوجد حلبة واسعة في النص.
ذهب شمس ليتجهز وسهر اخذتهم إلى المكان المخصص لهم للجلوس به وحان وقت البدء.
دخل شخص أقل ما يقال عنه عملاق ذو بنية قوية جسمه يضاعف عشر أجسام فوق بعض وكان أمامه شمس ولكنه ضئيل بالنسبة لهذا العملاق.
(ابتدت الجولة).
انتهى البارت الثالث.
وانتظروا البارت الرابع.
بقلم /"العنقاء"