عندما تتشابك خطوط القدر

الثاني عشر

الثاني عشر 

👑سبحان الله وبحمده سبحان الله العظيم 👑

يزن خرج وهو شايل يوسف.   كريمان قالتله هتجيب حاجه من الاوضه وترجع

دخلت اوضه يوسف  وقفت قدام ناديه

؛  كنتي بتعملي ايه هنا في اوضه يوسف .   انا مش حذرتك يا ناديه.   قولتلك متقربيش من حفيدي.  

ناديه : براحه علي نفسك يا كريمان .  كنت ماشيه سمعت صوته بيعيط . صعب عليا خالص  قولت ادخل اشوف ماله الصغنن.   

كريمان : انتي كدابه   يزن قال إن المخده كانت علي وش الولد.  انا مش هسكتك  ده حفيدي ولو حصله حاجه

ضحكت ناديه : ها يا كوكي.  هتعملي ايه لو حصله حاجه اوعي تكوني هتعملي حاجه تزعلني.   بجد هزعل اوي منك وممكن الورقه اللي معايا تتبعت كدا وله كدا.  شكلك هيكون ازاي قدام  اولادك .. مش بعيد  يتصدمو في امهم

كريمان :  انتي شر .. متختبريش صبري عليكي . عشان في الاخر مش هيهمني اي حد.    ووقتها هيكون عليا وعلي اعدائي. 

ناديه : اهدي يا حبيبتي.  صحتك  غاليه . مش كدا يا كريمان   ..    معقول هتيجي في اخر ايامك وتخيبي.  والولاده يعرفو السر ..مش بعيد يتبرو منك
لو انا منهم اعملها .   خليكي ساكته وهاديه زي عادتك .  كلنا  بنخاف عليكي يا كوكي . اسمعي الكلام وخليكي هادئه ومطيعه.  عشان مقلبش عليكي.      اخرجي يلا.  اتحركي

....

يامن خرج من اوضته. وشاف يزن وهو شايل يوسف

يامن : في ايه يا يزن . بتول حصلها حاجه.  الداده قالت  إنها شافتك شايلها وبتجري بيها

يزن : الموضوع يطول شرحه.  المهم هي دلوقتي بخير وقاعده مع ادم وعايزه ابنها.   فين نبأ تيجي معايا

يامن ؛ نبأ ايه اللي تيجي معاك.  لا هي مش هتتحرك من هنا.   ازاي سمحت ل بتول أنها تبعد.  اللي اعرفه انك بتحبها 

يزن : عشان بحبها لازم تبعد.     هطمن علي يوسف الاول وبعدين. هفهمك علي كل حاجه

يامن : ماله يوسف.  تعبان وله ايه.  اتصل بالدكتور يجي يشوفه.   

يزن  رد عليه وقاله علي اللي حصل وانه رفض المربيه بتاعت يوسف عشان مش بتهتم بيه .. 
جت كريمان وخرجت مع يزن يروحو  للدكتور وبالمره يوصل يوسف ل بتول  

.....

  في الوقت ده كان ادم مع بتول في فيلته

ادم : ايه رايك يا قمر.  تحبي اغير اي حاجه في الفيلا.   وله اشتري واحده تانيه.  شاوري وعليا انفذ

بتول : دي حلوه ما شاء الله . اقعد ي ادم  نتكلم مع بعض.   ياريت متقاطعنيش وانا بكلمك.      انا اسفه عشان  اللي حصل.  مكنش قصدي اتكلم . بس في لحظه حسيت أن الدنيا اسودت في عيني وافتكرت اللي حصل ووقتها مقدرتش اتحمل وانهرت.