" بنلتقي وأحضن كفوفك في يدي
وأسولف لعينك كيف كانت لهفتي "
بعد اقناع من ليال لجدها وافق بشرط يرجعون قبل 11
بسيارة ليال
الجازي : شغلي لنا الحكم السعودي تكفيين
ليال : تمم بس قبل عندي لكم سالفه
الهنوف: الله يستر من نقالة العلوم
ليال : هذا وجهي اعلمك سالفه مهمه
سهام : اسلمي
ليال : جدي عنده اخ عايش برا وين مدري
الجازي بضحك : كذابه خلصت علومها
الهنوف : صدق ترا كانو مره يتكلم عنه قدامي بس توقعت توفى
ليال : والله مدري هذا علمي لا زيادة ولا نقصان
سهام : غريب ما قد تكلمو عنه من قبل
الجازي : ما اصدق
ليال : لا تصدقين بس تجهزي في الاجازه بنرجع الديره
الهنوف : نقااالة علوم فعلاً وش دراك ؟
ليال : العصفور قال لي
سهام : الله اشتقت لـ امطارها والضباب
ليال : كلنااا
في المطعم بعد اجتماع العائلة وبين صخب حديثهم وضحكاتهم
الفهد بجديه : بنرجع للديار
اسرار بصدمه : وجامعتي ؟
الفهد : ما بقى الا هالترم
شيهانه والابتسامة زادت : واخيراً واخيراً يالفهد اقتنعت
الفهد : خيرة ربي
ساير : المهم حلويني انا بـ ارجع الايام ذي اشوف البيت والشغل
شيهانه: بحفظ ربي
الفهد : ما اشوف اسرار قلبي مبسوطه ؟
اسرار : والله ياحبيبي مبسوطه بس خايفه
ساير : وش تخافين منه وانحن معك
اسرار : معرف احد هناك وصحباتي كلهم هنا
شيهانه : بس ؟ معليك بتتعرفين وبتحبينهم
اسرار : ان شاء الله
الفهد بمزح : ساير تجهز بنزوجك
ساير شرق
اسرار بضحكة : اعترف انك تحب وما قلت لنا
ساير بيتكلم بس مو قادر
شيهانه بضحك : بسم الله عليك اعترف بنوقف معك
اسرار : وانزل ستوري " انتصر الحُب "
ساير : انكتمييي ، بهدوء : جدي انا مو مستعد حالياً
الفهد : بتصك ثلاثين ولا عندك ولد
ساير : معقوله 18 سنة ما كانت كفيله بتغيير افكارك
الفهد : انا احافظ على افكاري ولا احد يقدر يغيرني لا مكان ولا زمن ولا بشر
اسرار : الله قدوتييي
ساير : الله عليك حتى شيهانه ما تغير فيك
شيهانه : ياولد شرايك تسكت عني
الفهد : شيهانتي باقي تستحي اسكت عنها
اسرار : بابي ترا يغير السالفة
الفهد : عارف حبيبتي لكن قلت له كلمتي
اسرار : كفوو
في قصر الفيصل - المجلس
الجد فيصل : نايف وش صار على قصر الفهد
نايف : اشتروه وساير جايي الايام ذي
الجد وهو يتنهد : اي والله يامرحبا ، اول ما تعرف بموعد وصوله قول لي استقبله
نايف : ابشر لكن ما يعرف ان عنده اقارب هنا
الجد : اعرفه بنفسي
نايف : تمام اجل عن اذنك باروح ارتاح شوي واراجع ملفات الشركة
الجد : بحفظ الرحمن
بعد مرور اسبوع - المطار
اسرار : انتبه لنفسك
ساير : ياروحي ابشري وانتي انتبهي لنفسك ولأجدادي
اسرار : لا تشيل هم
ساير وهو يودعها : الله يحفظك
اسرار والدمع بعينها للمرة الاولى تفارق ساير: استودعتك الله
" اتصبر وأقول انّي على البُعد قاوي
والله أعلم بخوفٍ يسكن القلب "
ساير وهو مايدري وش يواجه 18 سنة كثيره مع ان ثقته بنفسه عاليه الا انه هالمره حاس بالغربة راجع للديار لوحده ماله احد هناك
