" لو البعد يجي على قد الاشواق
كان شوقي تعدى بعدك وجابك "
بعد مرور ساعات - المطار
نايف : اشوفك مبتسم
الجد : وشلون مبتسم والحبيب على وصول
نايف : اف اف حبيب مره وحده وين رحنا
الجد : مكانكم القلب لكن ساير غير
نايف : الله لو ادري سر هالحُب بس
الجد : هذا هوو ؟
نايف : ايوه هذا هو
الجد وخطواته تتسارع اتجاه ساير : يامرحباااا اي والله يامرحبااا تو ما نورت السعوديه
ساير وهو مصدوم ما يعرفه : الله يبقيك ياجد منوره بوجودكم
نايف : مرحباا مليون
ساير وهو يسلم : الله يبقيك ، نايف صح ؟
نايف : اي نعم وهذا جدي الفيصل
ساير : تشرفت بشوفتك وجيتك طال عمرك
الجد بلهفه وحُب : ياعيون جدك ، الا كيفك وانا ابوك وكيف اسرار عساكم بخير
ساير برسميه : نحمد الله
الجد : شكلك ما عرفتني ؟
ساير : العذر والسموحه ما عرفتك
الجد : ما هقيت ان فهد ما علمك عنّي انا جدك فيصل والد امك
ساير وهو يحضنه بفرحه كان شاك بحكم انه ما يعرف بقرابته لنايف وما يشوف جده الا صور قديمه : اعذرني اعذرني والله قال لي بس ما توقعت تستقبلني
نايف : وانا مالي شي من هالحُب ، اقول شكلك ما تدري اني ولد خالك
ساير يلتفت بصدمه : تمزح ؟؟
نايف : لا والله صدق معاك نايف بن احمد الفيصل
ساير : ونعممم
الجد : تفضل معانا ترتاح اليوم وبكره شف لـ اشغالك
ساير : اعذرني الله يطول بعمرك وراي شغل لازم اخلصه وارجع لهلي
نايف : خلص شغلك وعشاك وممساك عندنا
ساير : العشاء ما عندي مشكلة مع ان ما ودي اكلف عليكم اما الممسا فلا والله
الجد : والله ان ممساك عندنا تردني ؟
ساير بحرج : والله ما ودي اردك لكن
الجد : لا لكن ولا غيرها امش الحين معانا تتعشى وترتاح وبكره تشوف شغلك
ساير : الله يكثر بخيركم ويطول بأعماركم
في قصر الفيصل
ليال : وش فيكم وش الاستنفار هذا
ام خالد : ساير جاي نبغى كل شي على اكمل وجه
ام ليال : اي والله بعد هالغيبة ما يليق له اي استقبال
سهام : مين ساير ؟
ام خالد : ولد خالتك يا امي
البنات بصدمه : اي خاله
الهنوف : وييتت عندي عمه ما اعرفها ؟
ام خالد : يابنتي ساير ولد المها اختي الله يرحمها
سهام : خالتي عندها ولد منجدكم
ام ليال : وبنت بعد
سهام : ليش ما نعرفهم
ام خالد : سالفه طويله بعدين نقولها
ام ليال : ليال امي روحي جيبي البخور من المطبخ
ليال : ابشري
الجده والدمع بعينها : رايحه للباب في احد بيروح معاي
ام خالد : جايين يمه معاك جايين
في مكان اخر - فيلا الفهد
الفهد : اطمنكم انه وصل واستقبله فيصل
اسرار : الحمدلله يارب
الجده : عقبال رجعتنا كلنا
اسرار : يوههه يا امي احس مالي احد هناك
الجده : وشلون مالك احد فيه خالاتك وبناتهم
اسرار : خايفه معرفهم
الجد : بتتعرفين عليهم ان شاء الله وبتحبينهم
اسرار : ان شاء الله
الجد : باقي لك عن التخرج الفاينل صح
اسرار : اي واخذ الوثيقه الحمدلله كلها شهر واتخرج
الجده : اللهم لك الحمد جاء اليوم اللي اشوفك فيه متخرجه
في منزل عائلة جديده
نوادر : هذي القهوه جاهزه
سيف : الله يسلم يدك وانا ابوك
مهره : يازينهاا من قهوه
نوادر : حبايبي الا يبه دريت حفيد عمي فيصل يقولون رجع
سيف : اي حفيد ؟
نوادر : ولد بنته المتوفيه
مهره : ايييهه ولد المها
سيف بلهفه : وفهد ؟
نوادر : والله يبه مدري بس ليال تقول ولد خالتها رجع
مهره : الحمدلله الحمدلله اكيد ان جده معه
سيف : ودي اتصل واسأل
مهره : يارجال اصبر لبكره ويجيك العلم
سيف : بصبر بصبر
* عائلة السيف
سيف ، مهره
- نوادر 25 بنتهم الوحيده
