"ရှိန်း မင်းguiterကြိုးညှိပြီးပြီလား"
"အေး ညှိပြီးပြီ"
"လေညှင်းနင်ရော ညကလေ့ကျင့်ထားလား"
"တစ်ညလုံးဘဲ"
"ခေတ်မင်း နင်အငြိမ်နေလို့မရဘူးလားမျက်စိနောက်လာပြီဟာ"
"ဟီး ဟီး"
ခေတ်မင်းနေကြာတစ်ယောက်မကြာခင်သူတို့အလှည့်ရောက်လာတော့မှာဖြစ်သောကြောင့်ဟိုလျှောက်ဒီလျှောက်နဲ့လှုပ်ရွနေခြင်းဖြစ်သည်။လေညှင်းတစ်ယောက်မျက်စိနောက်လာ၍ခေတ်မင်းနေကြာကိုအလိုမကျဟန်ဖြင့်ပြောလိုက်တော့မှ ခေတ်မင်းနေကြာသည် မျက်လုံးများပိတ်ပြီးသွားပေါ်အောင်ရယ်ပြလိုက်သည်။ခဏအကြာMcအမမှ ဖိတ်ခေါ်သံကြားလိုက်ရသောကြောင့်သုံးယောက်သား စင်ပေါ်သို့တက်သွားသည်။စင်ပေါ်ရောက်တာနှင့်စင်အောက်မှ စီနီယာအမများသာမက ကျောင်းသားအားလုံး၏အသံများသည်ဝက်ဝက်ကွဲထွက်လာသည်။ထို့နောက် ခေတ်မင်းနေကြာကိုကြည့်၍ပြောဆိုနေသောအမများမှအသံတစ်ချို့ထွက်လာသည်။
"ချစ်စရာလေးပါကွာ မမရဲ့မောင်လေးသာဖြစ်လိုက်ပါတော့"
"မမရင်ခွင်ထဲကိုလာနားပါမောင်လေးရာ"
အစရှိသဖြင့်အသံပေါင်းစုံထွက်နေလေသည်။ရှိန်းနှင့်လေညှင်းကိုကြည့်၍လည်းအသံအချို့ထွက်လာသည်။
"ညာဘက်ဘေးကကောင်လေးလည်းချစ်စရာလေးပါကွာ"
"မမရဲ့ရင်ခွင်မှာနှစ်ယောက်လုံးလာနားကြပါလားကွယ်"
"ဘယ်ဘက်ကကောင်မလေးက ကျွန်တော့အပိုင်ဗျို့"
"ကိုကြီးရင်ခွင်ကိုသာလာနားပါတော့"
အသံပေါင်းစုံထွက်ပြီးနောက်Mcအမမှစတင်မိတ်ဆက်ပေးလိုက်သည်။မိတ်ဆက်ပြီးလျှင်ခေတ်မင်းနေကြာမှစကားစပြောသည်။
"ကျွန်တော်တို့ သူငယ်ချင်းသုံးယောက်ရဲ့ဖျော်ဖြေတင်ဆက်မှုကိုအားပေးကြပါအုံးခမျ"
"အားပေးမှာပေါ့မောင်လေးရာ"
ခေတ်မင်းနေကြာ၏စကားကိုစီနီယာအမများမှ ထောက်ခံ၍ပြန်ပြောသည်။ထို့နောက်Mcအမမှ စကားစပြောလေသည်။
YOU ARE READING
Accidentally I met my future husband
Random"မထင်မှတ်ဘဲတွေ့စုံတဲ့ဖူးစာဟာ ဘဝအဆုံးထိအတူရှိနေနိုင်ပါ့မလား"