وعد الإنتقام (طور الكتابة)

الجزء الأول

........أُحُبُّكِ يا ....... وَأُفرِطُ في حُبِّي......وَتُبدينَ لي هَجرًا عَلى البُعدِ وَالقُربِ.......وَأَهواكِ يا .......هَوىً لَو تَنَسَّمَت نُفوسُ الوَرى أَدناهُ صِحنَ مِنَ الكَربِ شَكَوتُ إِلَيها الشَوقُ سِرًّا وَجَهرَةً.......... وَبُحتُ بِما أَلقاهُ مِن شِدَّةِ الحُبِّ........

.....البداية.....

فواحد أشهر الكازينوات كانت حفلة خاصة بالأغنياء لي كتسمى حفلة الأقنعة كيدخلو ليها غير الوزراء والبيزنس مان فداك الكازينو لفوق فين كاينة الحفلة اما لتحت كاينين غير القمارة كيتسمع غير تخسار الهضرة ديال هادوك الاشخاص لي خصرو لفوق كالس كولشي على اعصابو كيتسناو شي حد لي متأخر ومخلي بداية الحلفة تعطل بزاف تسمع صوت طوموبيل وقفات مجهد هبط منها شخص لابس كوستيم كحل داير نضاضر لي زادوه وسامة حبس طوموبيل يلاه ايدخل وهما يديرو ليه التحية الكارد دخل مع واحد الكولوار لي كان بزخارف رومانية طلع من واحد دروج لي كانوا مفرشين ببساط احمر وهو يدخل كولشي كيشوف فلباب شكون من غيرو الذيب كل واحد ونضراتو ليه شي مخنزر شي حاقد شي معجب اما هو واقف بواحد الكاريزما خاشي يدو فجيبو وكايشوف بعيد هو الشخص الوحيد لي مدايرش الماسك معروف معندوش مع داكشي
مؤسس الحفلة:سي اوذيب توقعنا عدم مجيئك شرفتينا
اوذيب: اومأ ليه معاجبوش الحال
مؤسس :كان فرحان وغير ضاحك مكانش كيضن انه ايجي
اوذيب:مشا عند البارمان
البارمان:موسيو اوذيب شنو تشرب
اوذيب:كيف ديما
البرمان:اك موسيو
اوذيب كلس فواحد الفوطوي هاز تيلي ديالو جاب ليه البارمان داكشي لي طلب
هاز بيد تيلي وبيد كاس الويسكي كيشوف شنو الجديد فشركتو .... تخنق فداك الجو خرج برا حيد نضاضرو كيستنشق الهوا النقي

نهار جديد

كالس فوق بيروه وهو سمع دقان
......:دخل
الحارس١:سيدي راه هداك لي كان فديبو هرب
اوذيب::ونتوما فين كنتوااا واش مخدم معايا رعاوين ولا رجال قوددد عليا
غمض عينيه بعنف وهو كيتفكر المشهد لي كيتمنى انه يفقد الذاكرة وميتفكروش ناض وهو يضرب الكرسي لي كان كالس فيه زدحو مع الحيط حتى تفرشخ مشات داكرتو لمشهد الوحيد لي شاغل بالو

⏳فلاش باك⏳
كانت متكية ليه فوق كتافوا وكان اي واحد دايز من حداهم تيشوف فيهم حيت باين انهم سعيدين كل واحد وأش كيضن كاين لي تيقول ازواح كاين لي تيقول احبان وكاين لي تيقول خوت.....
اوديب(جبد واحد الكوليي ديال دياموند باينة فيه غالي وخفيف ):هاكي هدا كنت شريتو....صراحة معنديش اي فكرة واش ايعجبك ولا لا.....ولاكن راه بدوقي...
ريمان:اوووه ايلاك ايت تانكس بيبي ايلوف يو سو ماتش ( ohhh i like it thanks babe ilove you so much)
اوذيب:ميتو هوني نركبوليك ؟؟؟
ريمان:ويي
ضارت كحز ليها شعرها الاسود لي كان كتيفف وحريري ركبو ليها جاها زوين مع عنقها
اوذيب:جات معاك
ريمان:نقدرو نقولو انا لي جيت معاها ههههه...انمشي نجيب العصير
اوذيب:اومأ ليها براسو بأه
مشات وهو مراقبها بعينيه لي كيبينو انه ماشي غير تيبغيها......والإبتسامة كاع ممفارقة وجهو....شافها تادخلات وهو يضور شافها جاية وهازة العصير حتى بان ليه شي واحد موراها لابس الكحل داير قناع مخبي ليه وجهو يده عامين وشام وداير واحد لوشمة فيها عنكبوت فيديه لي كيرمز العصابة ديالهم .....يلاه جا ينوض وشدها من شعرها وذبح ليها عنقها بداك الموس وهرب مابقاش باين الاتار ديالو اما سنسلة ديالها لي عامرة دمم...طاحت على ركابيها ودمايات عامرة فعنقها....بدات الضبابة تملي عينيها ودنيها كيصفرو
اما اوذيب لي مشا كيجري خايف عليها صدرو طالع نازل
اوذيب(كيهضر ويضرب ليها فوجهها):ريماننن حلي عينك شوفي فيااا ريمان نوضي عفاك والله تانتاقم منهم غير نوضي غادي نبكيهم دم نوضييي ياك انتزوجو..
ريمان:(كتحاول دوي ولاكن غير كتخرخر وعنقها مفتوح كيبان لها لحم من عنقها هزات يديها كترعد مداتها لعنقها حيدات سنسلة وحطاتها ليه فيديه وهي تغمض عينيها)
⌛نهاية الفلاش باك⌛
تنهد بصوت مسموع وهو يغوت بصوت مبحوححح بكل جهدو حتى برزو عروقو