الفصل الثالث
رامي صحي من النوم لقي ناديه هي اللي قدامه رجع لورا بخضه و صحي من النوم مخضوض و بياخد نفسه بصعوبة روح لسه لسه بحبها مش عارف ابطل انسي بقي يا رامي انسي اتجوزت خلاص
.........
عند روح صحيت علي نور الشمس بتبص لقت نفسها لسه مكانها في البلكونه قامت وهي تعبانه و حاست انها عيت بس مهتمتش و قامت حضرت الفطار علي طول و قررت انها تتعامل مع ايهاب عادي و متبينش اي حاجه لحد متشوف اللي هيحصل معاها عملت الفطار و غيرت هدومها و دخلت صحت ايهاب
ايهاب صحي بصلها بنعاس ايه في ايه
روح بهدوء حضرتلك الفطار
ايهاب بصلها بتركيز انتي فيكي اي متغير حاطه حاجه علي وشك
روح لا مش حاطه حاجه
ايهاب استغرب ماشي طيب انا هقوم اهو ايهاب قام وخرج بره لقى السفره عليها اكل كثير وشكله حلو ويفتح النفس
ايهاب ايه الاكل الحلو ده السفره شكلها حلو قوي انت عملت كل ده امتى
روح شكرا انا طباخه شاطره أوي
ايهاب ابتسم بسماجه اكيد باين جدا
روح احم طيب اتفضل تحب تشرب قهوه قبل الاكل ولا بعده
ايهاب لا بعد الفطار
روح ماشي و قعدوا ياكلوا بس روح مكنتش بتاكل تقريبا
ايهاب ايه مش بتاكلي ليه
روح مليش نفس هعمل القهوه عن اذنك روح كانت جعانه جدا بس كانت خايفه تاكل عشان ايهاب ميتريقش عليها مع انها اكلت قبل ما يصحي بس حاست انها جعانه تاني و بسرعه مكنتش عارفه تعمل ايه حاولت تاكل من التلاجه بهدوء عشان ميسمعش صوتها فضلت واقفه في المطبخ يس ايهاب دخل و هي بتاكل
ايهاب ابتسم بسخرية والله كنت متاكد استحاله تبقي مش جعانه مش ممكن بجد طيب اما تخلصي حفله الاكل دي ياريت تجبيلي القهوة و سابها و مشي
روح دموعها نزلت منها و قعدت تلوم نفسها غيبه يا روح غيبه مانتي كنتي كلتي ايه لزمته تاكلي تاني روح خلصت القهوه و راحت توديها لايهاب
ايهاب متشكرين مامتك اتصلت و قالت انها جايه دلوقتي و امي كمان
روح طيب انا هدخل اغير
ايهاب ماشي
روح دخلت غيرت هدومها و سمعت الباب بيتفقل خرجت لقت مني جت
روح ابتسمت ازاي حضرتك يا طنط
مني ابتسمت و حضنتها ازيك يا عروسه عامله ايه يا حبيبتي
روح الحمدلله اتفضلي يا طنط هجيب لحضرتك حاجه تشربيها
مني اتفضلي يا حبيبتي
