ايهاب ايوه يا حبيبتي صدقيني انا حته مش قادر اجي جنبها منه انا مبحبش حد غيرك انتي
دي الجمله اللي سمعتها لما كنت خارجه اشوفه فين سمعها يوم فرحي كان بيكلمها وشكله زعلان و مهموم عينه مدمعه
كنت حاسه بيه بس في نفس الوقت بقول ليه ليه اتجوزني و اقنعني اني اوافق و كانت تاني كلمه اسمعها منه
ايهاب لا هي في شكلك و لا حلاوتك و لا روحك حتي يا منه ولا انا طايق ابص في وشها وهي شبه العجله كده بس انتي كمان بعدتي عني يعني مش ذنبي لوحدي وكنت عاوز اغيظك باي شكل بس برضو بعد ده كله بحبك
ابتسمت بالم و رجعت الاوضه تاني وقعدت افتكر يوم ما حددوا الفرح من اسبوعين
فلاش باك
روح بس انا مش عاوزه اتجوز بتحددوا الفرح علي اساس ايه
فايده والده روح علي اساس انوا عريس ميترفضش ولا عاوزه تفضلي في الخيبه اللي انتي فيها دي ماتبصي لشكلك بقي عامل ازاي هو احنا ما صدقنا حد اصلا يرضي بيكي بقيتي شبه البقرة و فاشله شعرك وقع و وشك بقي باهت ولا مهتميه بنفسك بعد ما سابك هو راح شاف حياته وانتي قاعده هنا بتغني ظلموه
روح اتنهدت بحزن وعنيها دمعت استغفر الله العظيم ماما انا مش عاوزه اتجوزه بعض النظر عن اللي انتي بتقوله ده و حكايه رامي الا اني مش هتجوز العريس ده اتجوز واحد مش بحبه ليه انا مش هعرف اسعده كده ابقي بظلمه معايا يا امي من فضلك ده اخر كلام عندي
فايده قامت وقفت و بصت لروح بتحدي وانا بقولك هتتجوزيه يا روح ده اخر كلام عندي و سابتها وخرجت و روح قعدت تعيط
...........
في مكان تاني
ايهاب بعصبية هو انا يعني عيل قدامك عشان تروحي تتفقي علي جوازه ليا لا طمان مشاء الله بتحددي معاد الفرح متتجوزي بدالي احسن
مني زعقت ولد احترم نفسك و وطي صوتك وانت بتكلمني مش هتعمل علي ظابط علي اخر الزمن و تعلي صوتك عليا
ايهاب خبط كف علي كف لا اله الا الله مهو ده برضو مش اسلوب محدش دلوقتي بيتجوز كده
مني لا يا حبيبي كل الناس بتتجوز كده طول عمرها ايه الجديد يعني
ايهاب بصلها و اتنهد و نزل
..........
روح كانت ماشيه علي النيل و بتعيط بعد الكلام اللي قالتها مامتها هي فعلا تخنت و بقت تاكل بشكل صعب بعد ما جالها اكتئاب حاد بعد ما سابت رامي وحياتها بقت فاضيه شكلها بقي بيوحش غمضت عينها وهي بتفتكر
فلاش باك
روح رامي بقولك ما تيجي نخرج نقعد في اي حته
رامي لا معلش يا روح انا مبحبش الخروج ماحنا قاعدين مع بعض اهو
روح ابتسمت تمام مفيش مشكله
رامي علي فكره شكلك حلو اوي
روح كانت لبسه فستان اسود وعليه حزام احمر وروج وجزمه لون الفستان (روح قبل ما تسيب رامي كان جسمها شبه الساعه الرمليه وبشرتها صافيه وكانت جميله بمعني الكلمه )ابتسمت بجد
رامي بجد زي القمر
روح ابتسمت بفرحه شكرا انا عندي تمرين كمان ساعتين هروح عشان اجهز بقي
رامي ابتسم ماشي خالي بالك من نفسك
روح ماشي باي و خرجت لعمتها
روح عمتو انا ماشيه عاوزه حاجه
امينه سلامتك يا روح بس مش كنتي بتقولي هتخرجوا
روح ابتسمت بحزن رامي قالي انو مش بيحب يخرج
امينه ابتسمت معلش يا روح هو رامي كده طبعه خجول و بيتكسف و ملوش في الخروج والكلام ده
روح مانا عارفه يا عمتو عن اذنك
باك
روح بتمسح دموعها و جت تمشي لقت رامي و خطيبته واقفين علي النيل و ماسكين ايد بعض روح بصت عليهم وقلبها وجعها و حولت تمشي قبل ما يشوفها بس رامي كانت عينه جيت عليها
رامي روح ازيك
روح بتحاول تتماسك احم ازيك يا رامي و ازي عمتو
رامي تمام الحمدلله انتي عامله ايه
روح الحمدلله كويسه ازيك يا انسه ناديه
ناديه بصتلها بقرف اه اهلا
روح احم طب عن اذنكوا و مشيت قبل ما دموعها تنزل قدامهم
وهي راجعه البيت قابلت ايهاب
روح ازيك يا حضرة الظابط
ايهاب ازيك يا انسه روح ممكن نتكلم شويه
روح اه اكيد طب اتفضل
ايهاب لا مهلش افضل نتكلم في حته بعيده ممكن تركبي العربيه
روح ارتبكت ااا مممم طب مهو مانتكلم هنا
ايهاب ابتسم معلش تعالي معايا بس
روح ركبت العربيه معه وراحوا كافيه
ايهاب ابتسم لروح ايه بقي رايك
روح رأيي في ايه
ايهاب انا طلبت ايدك و مستني اسمع رايك
روح ابتسمت بسخريه هو في اختيار يعني مهو انتوا حددتوا الفرح و خلاص هتفرق بقي
ايهاب ابتسم اكيد هتفرق معايا
روح هو حضرتك عاوز تتجوزني ليه يعني
ايهاب انتي بنت مؤدبه و محترمه و متربيه و متعلمه و جميله
هنا روح ابتسمت بخجل شكرا
ايهاب دي الحقيقه كل دي حاجات تخليني عاوز اتجوزك وابني معاكي بيت وانا مغمض
روح ابتسمت وانا اوعدك اني هفكر ايهاب ابتسم بخبث
و روح مكنتش تعرف حاجه عن البنت اللي في الترببزه اللي جنبها بسمع الكلام ده يغيظ و ايهاب قاصد يسمعها كل كلمه
باك روح فاقت علي صوت ايهاب وهو داخل الاوضه بيقولها ايه يا عروسة
......
فكره جاتلي لو حلوه قولولي اكملها ❤️
