الفصل الرابع عشر
روح بلعت ريقها بخوف من اللي هتسمعه ايهاب
ايهاب بص لروح بتحدي اقدملك يا منه روح مراتي روح منه مراتي الجديدة
روح عنيها دمعت و معرفتش ترد
منه مدت ايدها تسلم علي روح ازيك يا روح
روح فضلت بصلها و مش بترد
منه ضحكت باستفزاز و اتعلقت في دراع ايهاب ايه ده يا حبيبي هي مش بترد عليا ليه
ايهاب ايه يا روح مش بتردي ليه صحيح روح بصت نحيته بكره و لفت و رجعت اوضتها
ايهاب اول ما روح دخلت الاوضه زق منه بعيد عنه
منه بصتله بغيظ في ايه يا ايهاب بتزقني كده ليه
ايهاب بقولك ايه انتي هتعيشي الدور انتي عارفه اللي فيها طول ما روح مش موجوده ملكيش دعوة بيا خالص فاهمه
منه ايهاب هو انت بتعمل كده ليه مش احنا بنحب بعض وانا خلاص اخيرا بقيت مراتك في ايه بس
ايهاب بصلها بقرف انتي عارفه في ايه و عارفه ابوكي وافق علي الجواز المره دي ليه فا فكك مني بقي
منه اوووووف ماشي يا ايهاب براحتك ممكن تقولي انا هنام فين
ايهاب شاور لها علي الاوضه و سابها و دخل لروح
ايهاب روح
روح رفعت عينها له بصه هو مفهمهاش بصه عتاب و حزن كره قرف
روح نعم
ايهاب ايه انا كنت قايلك
روح ابتسمت بالم امممم كنت قايلي فعلا طيب عاوز ايه دلوقتي
ايهاب اتعصب من طريقتها بقولك ايه متحسسنيش انك مثلا بتحبيني و غيرانه بقي والكلام ده انتي بتحبي رامي فالمفروض ان الموضوع مش فارق معاكي في حاجه
روح فعلا مش فارق في حاجه انت كنت جاي عاوز حاجه
ايهاب بصلها بغيظ و خرج و سابها
.............
منه ندهت علي ايهاب ايهاب انت رايح فين
ايهاب نازل
منه نازل فين في حد يسيب عروسته يوم الفرح و ينزل
ايهاب انتي هتصدقي نفسك بقي منه اطلعي من دماغي ماشي سلام و نزل منه بصت ناحيه باب اوضه روح بغل
منه خلينا نشوف هنعمل معاكي ايه يا ست روح
...............
ناديه كانت مستنيه ايهاب تحت بيته
ايهاب اول ما شافها اتعصب انتي بتعملي ايه يا بت انتي هنا
ناديه خطيبي فين
ايهاب ضحك خطيبك اه امشي يا بت من وشي بدل ماخليكي تحصلي خطيبك غوري
ناديه انا مش همشي من هنا غير لما تقولي خطيبي فين
