မနေ့ညက အိပ်တာနောက်ကျသောကြောင့်
မနက်ကျမထနိုင် ...
ခုတော့...သူ ရုံးနောက်ကျလေပြီ။
ကား ကလဲ သူငယ်ချင်းဖြစ်သူငှားသွားသောကြောင့်
Taxi နှင့်လာရသည့်အပြင် ကားလမ်းပိတ်သောကြောင့်
အခြေအနေကမကောင်း။
ရုံးရှေ့ရောက်တော့ ဓာတ်လှေကားလူပြည့်မနေ
စေရန်ဆုတောင်းကာ အပြေးအလွှား......
⚔️"ခဏလေးစောင့်ပါဦး !!!!! "
ဘုရားသိကြားမကာ ဓာတ်လှေကားအတွင်း
ဖုန်းပြောနေသော လူတစ်ယောက်သာပါသည်။
⚔️" ကျေးဇူးတင်ပါတယ်ခင်ဗျာ "
သူ ပြောလိုက်တော့ ထိုလူက အပြုံးတစ်ချက်ဖြင့်သာ
တုန့်ပြန်ကာပြောလက်စဖုန်းကိုဆက်ပြောနေသည်။
ဒီနေ့အစည်းအဝေးရှိပါတယ်ဆိုကာမှ
နောက်ကျနေသော ကိုယ့်ကိုယ်ကိုယ်သာအပြစ်တင်ရင်း .....
_________________
သူ ရောက်သွားတော့အစည်းအဝေးမစသေး။
ဟူး... တော်ပါသေးရဲ့...
နေရာမှာဝင်ထိုင်ပြီး အမောဖြေနေစဉ်
CEO နှင့်အတူပါလာသော လူတစ်ယောက်...
" အားလုံးကိုမိတ်ဆက်ပေးစရာရှိပါတယ်။
သိပြီးသားလဲဖြစ်လောက်မှာပါ။
ရှေ့နေကြီးကိုယ်စား Company ရဲ့ ဥပဒေရေးရာကိစ္စတွေကို ဆောင်ရွက်ပေးမဲ့သူ ပါ
ရှေ့နေကြီးတုန်းက ဒီမှာ ရုံးမထိုင်ပေမဲ့ သူ ကတော့
ဒီမှာ ရုံးတက်မှာပါ...."
" ဟုတ်ကဲ့...Hong Jisoo ပါ
ရှေ့လျှောက် အကူအညီတောင်းပါတယ် "
အပြုံးတစ်ခုနှင့်မိတ်ဆက်စကားကို
လိုသလောက်ပဲပြောကာ
နေရာတွင်ပြန်ထိုင်လိုက်သော ရှေ့နေ ဆိုသည့် ထိုလူ
သူ လို ယောက်ျားလေးတစ်ယောက်တောင် ထပ်ပြီး
မြင်တွေ့ချင်သွားရလောက်အောင် အပြုံးတွေက အေးချမ်းလွန်းလှသည်။
သူ့ ဘဝတစ်လျှောက်မှာ ဘယ်သူတစ်ဦးတစ်ယောက်ကိုမှ စိတ်ဝင်စားခဲ့ဖူးခြင်းမရှိခဲ့ပေမဲ့
မြင်တွေ့သူတိုင်းကို အေးချမ်းမှုပေးစွမ်းနိုင်သော အပြုံးမျက်နှာပိုင်ရှင် ထိုလူသား ကိုတော့
မျက်တောင်မခတ်တမ်းပင် ကြည့်ချင်နေမိသည့်
သူ့ စိတ်တို့အား သူ ပင် နားမလည်နိုင်...
