في بيت صغير هادئ تستيقظ بطلتنا الصغير جميلة ،
جميلة : صباح الخير يا تيتة
الجده : صباح الخير يا جميلة كل زمان
جميلة : يا صباح البكش يا تيتة ?
الجده : بس يا بت يا قليلة الأدب أنا غلطانة
جميلة : متزعليش يا تيتة ياحبيبتي بهزر معاكي امال احمد فين ، يا سي احمد تعالي الفطار جاهز
احمد : ايه الصوت ده علي الصبح انتي رايحة الشغل ولا ايه
جميلة : اه يا سيدي ربنا يريحني من الشغل ده بس اهو احسن من مفيش يلا اتاخرت سلام يا حبايبي
نزلت جميلة وقابلت صديقتها في الطريق للذهاب الي الكافية التي تعمل به جميلة وندي
ندي : بسرعه اتاخرنا يلا البسي لبس الشغل
ارتدت جميلة ملابس العمل وربطت شعرها ثم توجهت لتلقي طلبات الزبائن
علي الصعيد الاخر في فيلا ريان يستيقظ بطلنا من النوم يذهب للاستحمام ثم ارتدي بذلة سوداء تظهر عضلاته
ريان : صباح الخير يا دينا جهزتي الفطار بتاعي
دينا : اه يا فندم وكمان مواعيد الشغل بتاعك ، واه يا فندم أنا لقيت كذا بنت تنفع مكاني هعمل معاهم مقابلات واللي ينفع هبعته لحضرتك
ريان وهو يتحرك بعد تناول الإفطار : تمام
يذهب ريان لمقابلة حبيبته السابقة سيرين في كافيه التي تعمل بيه جميلة
ريان : وبعدين يا سيرين كفايه اسطواناتك البايخة دي كل واحد راح في حاله ارحميني ، أنا مش بتاع جواز
سيرين : حرام عليك يا ريان ده انت حب عمري واحنا مناسبين لبعض ليه كده بس أنا مستعده استني لحد ما تبقي جاهز
تدخل جميلة لتاخذ طلباتهم : مساء الخير ، تحبوا تطلبوا ايه
ريان دون النظر لها : قهوة ، وعصير لسيرين هانم
جميلة : تمام
تتحدث جميلة مع نفسها وتلاحظها ندي
ندي : ايييه خلاص بتكلمي نفسك
جميلة : الراجل اللي هناك ده بجد حاجة قلة ذوق البنت عماله تترجاه ميسبهاش وهو زي الصنم أنا عارفة هي متمسكة بيه ليه
ندي : الواد مز بصراحة
جميلة : جتك نيلة ، ودلهم انتي الطلبات بقي يا خفيفة
تذهب جميلة الي الخارج لعمل مكالمة لأخيها ، في نفس الوقت يذهب ريان غاضب من سيرين والذي كذب عليها بانه عاشق لفتاه اخري ، يصطدم ريان في جميلة ويقع هاتفها علي الارض تنظر لها واذ يقوم ريان بتقبيل جميلة فجاه وينقض علي شفتيها في حين تحاول جميلة ان تتخلص منه وتدفعه في صدره فيمسك يديها يكبلها وبعد فتره يقطع قبلته لتتنفس جميلة ويتأكد ان سيرين تنظر له ورأته يقبل فتاه آخري
وفي نفس الوقت يتلقي صفعه علي وجهه من جميلة ، ينظر لها نظره طويلة ويتأمل في عيونها الزقاء ثم يتحرك دون اي حديث موجه لها في حين جميلة تشتعل من الغضب
تلحق بها ندي وهي تقول : ايه اللي حصل ده يا بنت المحظوظة
جميلة : انتي اكيد اتجننتي فعلا أنا لو اعرف هو مين كنت بلغت عنه أنا ماشية
تعود جميلة الي منزلها وتجد أخاها يتحدث في ريبة في الهاتف
جميلة : احمد في ايه مالك ، خايف كده ليه
احمد : أنا في ورطة يا جميلة
جميل :ورطة ايه انطق حصل ايه
احمد : في ناس ورطوني معاهم وعليا فلوس حوالي ٢٠٠ الف جنيه
جميلة تلطم علي خدها : يا لهوي يا لهوي هنجيب الفلوس دي منين بس، يارب اعمل ايه يارب ساعدني
تقص جميلة ما حدث لندي وهي تبكي لا تعلم ماذا تفعل لإنقاذ اخيها
ندي : بقولك ايه أنا شوفت اعلان لسكرتيره بمبلغ رهيب لو قبلتي تقدري تجزئي المبلغ لأحمد
جميلة : بجد يا ندي طب هروح اقدم بكره ان شاءالله يارب اتقبل
ندي : سيبك بقي هقولك علي حاجة علي صاحبنا اعترفلي بحبه انهارده ليا
جميلة : علي يا ندي ده احنا متربين سوا
ندي : طلع عاشق مجنون
تضحك ندي علي صديقتها وتذهب لتخلد الي النوم علي امل ان يتم قبولها في الوظيفة
في الصباح تستيقظ جميلة لتقوم بارتداء بنطال من الجينز مع بلوزه بسيطة تظهر جمالها وتعقد شعرها ذيل حصان
تذهب الي العمل وتقابل دينا السكرتيره القديمة :
دينا : مؤهلاتك حلوه جدا ، هعلمك الشغل وان شاء الله تبقي سكرتيره ريان بيه ، اولا يا جميلة لبسك لازم يتغير هنديكي سلفة وتتخصم كل شهر مبلغ بسيط تغيري لبسك علشان تليقي بالشركة ، ثانيا مهمتك اول حاجة عمل الفطار لريان بيه في بيته
جميلة : ايه في بيته ازاي
دينا : ده جزء من الشغل متخافيش هقولك كل حاجه عن ريان بيه وأكله وبعدين ازاي تظبطي مواعيد شغله تحركك كله معاه من اول اليوم لحد آخر اليوم وتروحي
جميلة : تمام
دينا : تقدري تاخدي الفلوس من الحسابات وتشتري لبس وبكره ان شاء الله تروحي بيت ريان بيه وتبدأي الشغل
جميلة : تمام ، شكرا ليكي
دينا : ربنا يوفقك
تذهب جميلة للتسوق ملابس مختلفة وتقوم بتصفيف شعرها بطريقة مختلفة ثم تعود للمنزل والسعاده تظهر عليها
جميلة : يا تيتة يا أحمد أنا اتقبلت في الشغل الجديد
الجده : مبروك يا حبيبتي الحمد لله ان ربنا وفقك
جميلة : احمد عايزاك ثواني
جميلة : آحمد أنا هساعدك وفلوس الشغل هنجزاها علشان نسد ديونك ، انت كمان ياريت تدور علي شغل علشان تساعدني
احمد : حاضر يا جميلة ربنا يخليكي ليا
في يوم جديد تذهب جميلة الي منزل ريان وتفتح بنسخة دينا تقوم بتجهيز الفطار له يعود ريان الي المنزل ثم يذهب الي الاستحمام
ينزل الي آسفل وهو عاري الصدر ويرتدي بنطال رياضي فقط
ريان : دينا الفطار يلا
ينصدم ريان برؤية تلك الحورية مجددا ، ويتعمق في لون عينيها الزرقاء
تنصدم جميلة من رؤيته انه هو نفس الشاب الذي قبلها وصفعته
جميلة في نفسها : ينهار اسود ده هو ياربي مفيش في الكون كله مدير يبقي غير اللي رزعته قلم
جملية لنفسها : اهدي اهدي هو اكيد مش هيفتكرك يعني
ريان : انتي مين
جميلة بارتباك : أنا السكرتيره الجديدة
ريان : اسمك ايه
جميلة : اسمي جميلة
ريان : بعد كده يا انسه جميلة تعلي صوتك علشان مش سامعك بلاش صوت الهمهمه ده
جميلة : ممكن حضرتك تروح تلبس حاجة
ريان قد نسي انه عاري الصدر : اه تمام ثواني وهنزل
نزل ريان لتناول الفطار نظر لها : مين اللي قالك علي حاجات الفطار دي كلها
جميلة : مدام دينا هي اللي قالتلي كل حاجة هستني
حضرتك في العربية
تخرج جميلة وكادت ان تقع من الكعب العالي الذي ترتديه ، يحاول ريان كبت ضحكته وهو يقول : اااه وبعدين بقي
يذهب ريان ويركب سيارته : عم مصلحي اتعرفت علي انسه جميلة السكرتيره الجديده
جميلة : اهلا يا عم مصلحي
يصلان الي الشركة تحاول جميلة اللحاق بيه ولكنها تتعثر فيه فينظر لها شزرا
جميلة : أنا اسفة مش متعوده علي الكعب
ريان يدخل مكتبه خلفه جميلة ، حضرتي مواعيد شغلي انهارده
جميلة : اه يا فندم بدات جميلة بقص مواعيد الاجتماعات عليه ثم قالت قبل ان يخرج من الغرفة : هو حضرتك مش فاكر حاجة حصلت
ريان : حاجة ايه
جميلة : يعني أنا وحضرتك اتقابلنا قبل كده ووو...
قبل ان تكمل كان يحاصرها ريان خلف باب غرفته بذراعيه ويميل عليها ويقول : انسه جميلة حضرتك هنا سكرتيره وبس مفيش مجال للكلام الشخصي مفهوم
ردت جميلة وأنفاسها تتلعثم وهي تقول : ممففهوم يا ريان بيه
ايه رأيكم يا بنات ؟
اكمل ؟
انتظروني في بارت جديد ومتنسوش الفوت
