කොහොමද ඉතිං කට්ටියට ! ගොඩ දවසකින් ආයෙත් කතාවක් අරන් ආවෙ. මේකත් BL ම තමයි ,
කියන්න තියෙන වැදගත්ම දේ මේක තමයි ඔයාල කියවපු " Rio"
story එකේ ආරම්භය !
වරුණ්ව , ධවාන්ව , බෙන්ජිව වගේම සාතන්ව එහෙම කට්ටියට මතක ඇති කියල හිතනව. DOUBLE ඉර කියන්නෙ මේ ඔක්කොම කට්ටියගෙ අතීතම කතාව.
මං මෙහෙම කියන්නං , මේක හරියට The lord of the Rings කතාව වගේ.
මුලින්ම lord of the rings ආවා. පස්සෙ The Hobbit ආවා , ඊටත් පස්සෙ The rings of power tv series එක ආවා. ඉතිං මේකත් හරියට ඒවගේ.
එහෙනං මාත් එක්ක යමුද අවුරුදු ගාණක අතීතයක් කැණීම් කරල ගොඩගන්න. ලොකු ලොකු වාසිනං නැතිවෙයි ඒත් ලස්සන ආදර කතාවක් හම්බෙයි !
*********************************
" ඒයි ආයුෂ් ආං උඹේ ඩබල් ඉර එනව.."
" අනේ මේ කටවහගෙන හිටපන් ක්‍රිෂාන්..!! "
" ආහ්.. මොනවද ඔට්ටු !! ඕං බලපන් තෝ චෙක් පොයින්ට් එක ගාව ඉන්නව දැක්ක ගමන් ඕකා තනි ඉර කපන්නෙ නැද්ද කියල !
ඔන්න කැපුවා !!! කැපුවා !!!
තුනායි !! දෙකායි !! එකායි !!
කැපුවා කැපුවා !!!
ඉර කැපුවා අල්ලපිය අල්ලපිය අදවත් ! "
ක්‍රිෂාන් ඔය මාත් එක්ක ඔට්ටු අල්ලන්නෙ දැන් දවස් දෙකක විතර ඉඳල මගෙ පස්සෙන් එන ලස්සන හැන්සම් කොල්ලෙක්ට. මං deputy police officer පෝස්ට් එක භාර අරගෙන දැන් මාස හතරක් විතර එනව. මේ ඒරියා එකේ සෑහෙන්න ඩ්‍රග්ස් එහෙමෙහෙ ගියත් අපිට තාම මේකෙ චූටි කොන් කීපයක් ඇරෙන්න මුදුන් මුල් අහු උනේ නෑ. ඒ නිසාම මම තීරණේ කලා ට්‍රැෆික් සාජන් කෙනෙක් විදිහට අපේ මිෂන් එකට කෙලින්ම ඉන්වෝල් වෙන්න.
ඩ්‍රග් මිෂන් එකට ඉන්වෝල් වෙන්න ආපු මට කොහෙන්ද මන්ද ඉඳල ආපු වන දෙබරෙක් පන්න පන්න විදින්න ගත්ත එකෙන් මගෙ ඩියුටියත් රෝන්ග් සයිඩ් යන්න ගත්ත.
සිද්දිය උනේ මෙහෙමයි. දවසක් දවල් වාහන චෙක් කරන්න දාපු බැරියර් එක ගාවදි බයික් එකක ආපු කොල්ලෙක් අපි ඉන්නව පෙනි පෙනී කැපුව තනි ඉර. මට ඉතිං මල. ඇයි යකෝ මෙච්චර අපි ඉන්නව පෙනි පෙනී ඉර කපනව කියන්නෙ ඌ නිකං අපිව දෙකේ කොලේට දානව කියන එකනෙ.!
