Ziddi Dil Hai ~ Maanta Hi Nahi

Wajah?

Beta hai ek uska, Nikhil. Par us letter me usne apne hi bete ko aise chhupa kar rakhne ki wajah nahi batayi. Likha tha "kisi wajah se". Aakhir.. kya wajah ho sakti hai?

Hume.. wo letter.. nhi padhna chahiye tha. Jante hain. Par phir bhi humne padha. Kyunki humne uski ankho me dar dekha tha. Dar jo ki bohot bada ho. Jo shayad, humari samajh ke bahar ho. Jis tarike se usne hume wo letter pakdaya tha, uski aankhein - jo humesha jazbaaton ko daba kar rakhti hai - wo kuchh kehna chahti thi, bohot kuchh. Un emotions ka ek chhota sa tukda is letter me hai, jo humne padh liya. Lekin baki ke hisse? Wo kahan hai? Wo kaise jaanenge hum?

Kuchh to bohot badi wajah rahi hogi jo use aise apne hi bete ko lekar kisi se bhagna padh rha hai aur wo kisi se madad bhi nhi maang rhi, na legal help le rahi h. Wo.. hume bata skti hai hum uski poori madad karenge. Lekin wo batana nahi chahti. 

Nikhil. Chasma pehenta hai, mendhak ki tarah uchhalta rehta hai aur bohot tez hai. Kabhi na kabhi is dodo se bhi milenge. I'm excited. Use humse milkar kaisa lagega? Ab ye to waqt hi batayega... Ek baat to hai, ye bacha bohot hi samajhdar hoga, aur sath hi understanding bhi. Jald hi milenge, aur ye humara waada hai ki tumhe ek normal life dene me humse jo ho sakega, wo karenge!

Koel tum bohot strong ho. Ek single mother ki life kaisi hoti hai, usse behtar kaun janega jiski ammi ne use akele paala hai? Jaise tum uss raat pareshan lag rhi thi, humne apni ammi ko waise hi pareshan hote hue dekha h. Hum ye to nahi jante ki tumhari story kya hai, par hum jaan-na chahte hain aur tumhe ye batana chahte hain ki tum humse bina dare bina hichkichaye sab share kar sakti ho, I won't judge. Hum tumhara comfort place ban-na chahte hain jahan tumhe sukoon mile where you'll find peace. Hum yakeen dilate hain tumhe ki tum hum par bharosa kar sakti ho. Hum shayad tumhari zyada madad na kar paye par tumhara sath denge. Promise.🍂

~ Faizi

Word count: 360+ words

Timestamp: 29th November 2023, 0620 hours

✨