بتشبه عليا 2

560 60 3
                                    

.......................
(2)- ذكريات🎞️🎞️📷
.......................

وسام...غزل حبيبتي أنتي عارفه أنك غاليه عندي أنتي مش بس صحبتي أنتي أختي وأقرب حد ليا و واجب عليا لما أشوفك بتأذي نفسك أنصحك ومش عيزاكي تزعلي مني بس صدقيني يوسف مش هينفعك يا غزل هتتعبي معاه جداً.

غزل...أنا نفسي أعرف بس انتي ليه واخده موقف من يوسف مع أنك بتحبيه؟

وسام....غزل أني أحب يوسف كاصديق وأخ وزميل لينا في الجامعه حاجه وأني أشوفه غير مناسب ليكي حاجه تانيه انتي و هو صحابي و زمايلي من أيام ثانوي ومحبتكم في قلبي واحده بس لو هتتحطوا في مقارنه مع بعض أكيد هختارك انتي يا غزل عشان اللي بيني وبينك أكبر بكتير من صداقه.

غزل...بس يوسف بيحبني يا وسام !🥺

وسام....بآماره ايه يا غزل ؟ بآماره أنك كل كام يوم في مشاكل معاه ولا بآماره الحاله النفسيه اللي هو مسببهالك ديماً.
يا غزل يوسف يمكن يكون بيحبك فعلاً بس هو أناني و مريض بيحبك بطريقه غلط لا مراعي حبك ليه ولا بيحافظ على شعورك و كرامتك كل يومين مع بنت شكل يسيب دي و يكلم دي ويخرج مع دي طيب و أنتي فين من كل ده يا غزل؟
بس عارفه أنا مش هقدر ألومه أنا هلومك أنتي عشان أنتي اللي راضيه على نفسك يحصل فيكي كل ده .

غزل...بحزن🥺
بس أنا عمري ما شوفت عليه حاجه كل اللي بيوصلني عنه إشاعات وكلام مشوفتش بعيني.

وسام....إشاعات ؟ ومن مين من اقرب أصحابك طيب أمال ليه عامله في نفسك كده يا غزل لما هو كلام و إشاعات ؟

ومين اللي كان بيعيط من طريقه يوسف و تغييره مش انتي؟

غزل....بدموع يا وسام أفهمينى يمكن فعلاً أنا حاسه أن يوسف متغير بس مش شرط يكون في حد في حياته يمكن مضايق مني عشان مثلاً بشك فيه أو عشان بصدق عليه اللي بيتقال.🥺

وسام...أنتي بتضحكي عليا ولا على نفسك يا غزل أنتي عارفه ان يوسف لعبي و بتاع بنات بيحبك ؟
أه مش هقدر أنكر ده بس أنك تقبلي ده على كرامتك أكبر غلط لما هو بيعمل كده الوقت أمال لو أتخطبتوا ولا حتى أتجوزتوا
و بقيتوا في بيت واحد هيعمل فيكي ايه؟
ياغزل افهمي اللي تتنازل عن كرامتها مره و أتنين و عشره بأسم الحب بتفضل طول عمرها تتنازل وديماً بتكون قليله في نظر الراجل و عمره ما هيعمل حساب لزعلك أو لشعورك انا خايـ ـفه عليكي يا غزل خايـ ـفه عليكي من الوجـ ـع لأني أكتر واحده عارفه أنتي بتحبي يوسف قد ايه.🥺

غزل...طيب أعمل ايه يا وسام؟
انا فعلاً واثقه في حب يوسف ليا ولو على كلامك أزاي قابله على كرامتي كده ماهو أنا بردو مشوفتش بعيني أي حاجه🥺

وسام....في حجات يا غزل مش لازم نشوفها أو نسمعها عشان نصدقها كفايه احساسنا بيها و أظن لو أنتي مش حاسه باللي بقوله ده مكانش زمانك الوقت قاعده قدامي  بتعيطي و بتشتكى
شوفي يا غزل أنتي مفيش قدامك غير حاجتين يا أما تسكتي وتعدي ليوسف زي كل مره وتقبلي على نفسك الوجـ ـع ده وتتمادي في التنازل عن كرامتك.
أو تواجهى يوسف و تخيريه بين انه يمشي عدل و يتقى الله فيكي لانك متستاهليش منه كده أو تسبيه خالص يعك ويعمل اللي على مزاجه ويبعد عن حياتك و يسيبك تعيشي حياتك في هدوء من غير وجـ ـع وحزن و خناق ونكد

بتشبه علياحيث تعيش القصص. اكتشف الآن