...........
(3) - صدمه💔
(حادث)🚑
...........
عدت الساعات بسرعه غزل قابلت وسام راحوا على مركز تجاري كبير وهما قاصدين محل معين فيه ديماً يوسف كان بيحب يشتري منه أى حاجه خاصه بيه.
وبدأوا يلفوا مع بعض داخل المحل كتير غيرت غزل رأيها في الهديه اللي أختاروها كذا مره لحد ما أخيراً استقرت على هديته لفتها لفه شيك وبعدها خرجوا من المحل.
وسام... اخيراً أختارتي تعبتينى حرام عليكي 😒
غزل....تعبتك ايه أحنا كنا بنلف جوه محل واحد 😒
وسام...محل دورين طالعين نازلين نلف لما حاسه اني دوخت أقول عليكي ايه😭 بس يلا الحمد لله انك أشتريتى.
غزل....بضحك وانا عشان أكون جدعه معاكي للأخر تعالي نشرب أي حاجه اختاري يا ستي أي كافيه من اللي قدامك دول والحساب عليا😂
وسام... لا أدام الحساب عليكي يبقى تعالي نروح الكافيه الاخير اللي هناك ده.😂
غزل....يعني سبتي كل الكافيهات اللي قدامك دي واختارتي أبعد واحد فيهم😒
وسام...بضحك عشان قريب من الشارع نخرج نمشي على طول وبعدين ما كل الكافيهات لازقه في بعض 🙈
غزل....طيب يلا يا ستي .
دخلوا مع بعض الكافيه قعدوا في الجزء الخارجي من الكافيه في الهواء وطلبوا نسكافيه فضلوا يهزروا و يضحكوا و للمره الالف سألتها غزل الهديه هتعجب يوسف ولا لأ🙈
لحد ما وسام أنفجرت فيها😂
وبعد حوالي نص ساعه قامت غزل بعد ما دفعت الحساب عشان يمشوا مسكت الهديه و رفعت شعرها بأيدها ومالت براسها للجنب وغصب عنها خانتها عينها
و وقعت على حاجه لفتت نظرها في زجاج الكافيه اللي قصادهم واللي بيبعد عنهم أمتار بسيطه
وكأن في اللحظه دي كل حاجه وقفت من حواليها الدنيا أسودت في وشها عينها فضلت متثبته على مكان واحد رجلها للحظات ثبتت في الأرض و كأن حد ماسكها.
وسام....يلا وقفتي ليه🤨
فضلت غزل تاخد نفسها بسرعه و بتحاول تسيطر على نفسها من شدة الصدمه.
وفجأااه..
حست إن الأرض أخيراً حررت رجلها وخدتها لأخر حاجه كانت تتوقع إنها تشوفها.💔
وسام فضلت تنادي عليها وهى خلاص لا بقت سامعه ولا شايفه أى حاجه وقبل ما تدخل غزل الكافيه إتصدمت وسام😳 من اللي شافته وصدمتها مكانتش تقل عن غزل.
وسام....بصوت متقطع غزل أستني متدخليش يا غزل ارجوكي🥺
دخلت غزل بخطوات ضايعه وتايهه وقفت قدام تربيزه معينه في الكافيه واللي كان قاعد عليها يوسف ومعاه بنت💔
رفع يوسف وشه ليها بصدمه😳
و مقدرش ينطق لسانه أتلجم
غزل فضلت واقفه قدامه دموعها نازله بسرعه لكن في صمت بتحاول تستوعب الصدمه بتحاول تقنع نفسها أنها بتحلم.
