انتِ مطلبي

Bart " 1 "

بالرياض
_______

ألهام جالسه بغرفتها وتقراء كتابها المفضل كالعاده ، قاطع قرائتها دخول امها وهي تقول: الهامو بنروح الديره نستقر هناك لان عمك يحتاج ابوك بالاشغال رتبي شنطتك ونزليها عشان نويصر يحطهن بالسياره
ألهام: يعني بنروح نقعد عند رنااا!؟
نوير: ايه بنقعد عندهن لين ينظفون البيت وطلعت ، قامت ألهام وهي تحط من البجايم و من التيشيرتات والفساتين العاديه وفساتين السهرات وكريماتها ومكياجها وكلهذا تطلب منها شنطتين
نزلت ألهام وهي تقول : نويصر وينك فيه
ناصر وهو يجي عندها: هاه وش بغيتي
ألهام: نونو حبيبي ممكن تنزل شناطي من فوق ناصر : هبك كم مره قايلتس لاتقولين لي نونو أسمي ناااصر ناصر ألهام وهي تقوس شفايفها بزعل : شفيك ترا مجرد دلع
ناصر: همشي قدامي وعلميني وينهي شناطك مشى والهام خلفه دخل وانصدم من شاف شناط الهام الكبيره وقال: أخووو فهد هبك هذي كلها لتس؟ ، هزت راسها تجيب ب اي ، ناصر : ذول كثار يبنت تكلمت وهي تدفه من قدامها : ما يخصك وشيلها
تحرك يشيل الشنط ويحطهم بالسياره

تسريع الأحداث :

بالسياره ، متعب قدام وفهد يسوق والأم وناصر و الهام قدام

ألهام : فهود فهود امانه ابي السوبر ماركت
فهد :مابقى شي ونوصل مايحتاج
قوست شفايفها بزعل ورجعت لورا
متعب : وقف خلها تشري الي تباه
وقف فهد و نزل ناصر والهام للسوبر ماركت وجلست تاخذ الي تبيه ودفع عنها ناصر ورجعو للسياره و ابتسم متعب يوم شاف ابتسامتها

تسريع الأحداث

عند بطلنا :
قام رعد من نومه ولبس ثوبه وحط شماغه ع كتفه و عقاله ع شعره المنتثر و شكله كان يجنن و طلع ع صوت ابوه وهو ينادي

رنا: يا رنا هبك جيبي القهوه الناس ع وصول جا رعد وحب راس ابوه وجلس وقال : منهم الي ع وصول
ابو رعد: عمك متعب وعياله بيجون يقيلون عندنا ان زان وضعهم راحو لبيتهم
رعد : اهاا الله يحييهم
ابو رعد: بتطلع لدوامك؟
رعد: لا اليوم مانيب برايح
ابو رعد اكتفى بالصمت وجت رنا ومعها القهوه :هاذي احلى قهوه لاحلى اب وقربت حبت راس ابوها وجلست ابو رعد: هسمعي وانا ابوتس عيال عمتس بيجون يقيلون هنيا يعني مارح تاخذين راحتس واجد وخليتس لابسه البرقع دايم هزت راسها رنا ب طيب وقامت و راحت غرفتها فز رعد ع صوت الباب و قام وشاف عمه وعياله وقام يرحب فيهم بصوته المبحوح : أرحب ياعم تو مانور البيت ابو فهد: هلا برعد هلا وقرب رعد وحب راس عمه ودخل عمه وزوجة عمه نوير اما بالجهه الثانيه نويصر و ألهام يتهاوشون وفهد الي ينزل الاغراض جا رعد ورفع صوته وهو يقول:السلام عليكم
ردو السلام و ألهام الي فزت و تخبت ورا نويصر وقالت منذا نويصر: ولد عمتس يالخبله ضحك رعد وسلم عليهم و شال الاغراض مع فهد ودخلت ألهام و ودخلو الرجال وجلسو بالحوش ويسولفون ، طلعت ألهام بعد ما سلمت ع زوجه عمها و رنا
دخل رعد المطبخ من الباب الخلفي وشاف الهام واقفه وتسولف مع رنا وتقول: رنوي الله يخليك مارح نطول ياخي بس نروح ونجي بسرعه خاطري اشوفهم
رنا بإصرار: انا قلت لا يعني لا حشى متفهمين الهام قوست شفايفها بزعل وراحت رعد دخل وقال : ذي شفيها وين تبون تروحون رنا: عطني جوالي بالأول يالسراق
ضحك رعد وعطاها و قالت :تبي تروح لللعزبه المجنونه ضحك رعد وقال: روحي ناديها جت الهام وقالت : تكفين رنو تكفين وسكتت يوم شافت رعد واقف تكلم رعد وقال : روحي البسي عباتس وخل رنا تعطيتس برقع مانيب ماشي معتس بشكلتس ذا زعلت الهام وقالت: مايحتاج دامك متفشل من شكلي يا استاذ رعد وتركتهم ودخلت داخل رنا الي كاتمه ضحكتها ورعد الي منصدم من كلامها
رعد: حاولي تطلعينها لي
رنا: انت مجنون وش تبي بالبنت
رعد بحده:طلعيها لا اطلع روحتس انتي وياها دخلت رنا وقالت لالهام : الهامو اخوتس يبيتس بالباب الخلفي مشت الهام بتجاهل لرنا وطلعت وما حست الا بالشخص الي يسحبها من معصمها وقالت بألم: اهه أوجعتني ابع... بترت كل حروفها لما شافت رعد وملامحه الحاده وقال وهو يلفح أنفاسه ع وجهه : كلامتس الي قلتيه بالمطبخ عيديه
الهام: م ماكان قصدي خلاص فكني
ضحك رعد وجت رنا وعطته العباه والبرقع
ودخلت استغربت الهام وقالت : يعني باقي تبي تلبسني ذا رعد : ايه بتلبسين ولا والله
قاطتعه الهام: خلاص بلبس بلبس
لبست العباه وحطت حجابها ومعرفت تلبس البرقع وكانت بتروح ل رنا سحبها رعد وجلس يلبسها البرقع وعيونه ع مبسمها توتر رعد بس مابين وقال بينه وبين نفسه : عيب يارعد ارفع علومك
تنحنح وقال: تسذا انتي هطلق بنوته بالديرة
ضحكت من قال بنوته وابتسم ومشى وهي خلفهم وصلو لوسط الحوش كان فاضي وقالت : وين بابا و عمو ضحك رعد من كلمه بابا : ابوتس راح المحل مع ابوي واخوانتس بالعزبه راحو يشوفونها تحمست وقالت : يعني بنروح لنوني؟؟
تغيرت ملامح رعد وقال: من نوني ذا
قالت بغباء: ناصر اخوي وشبك
شد ع معصمها وهو يقول: اسمه ناصر ، ناصر بن متعب ، نوني هاذي هناك بالرياض يا بنت بابا وماما سكتت وطلعت وراه وركبت السياره معه و حركو للعزبه و وصلو وقالت : شي مايخصك اقول نوني او ناصر هو اخوي وراضي وايه انا بنت ماما وبابا ومالك دخل يالغثيث ونزلت و ركضت لناصر الي من شاف السياره جا ركض لعندهم فتح يدينه لها ضمته و قالت : نونييي اشتقت لك
ناصر: يليل ي الهام كم مره قايلتس لا تقولين نوني وقدام رعد بعد بعدت عنه وقالت: هالوحش لعد تطريه عندي واحد غثيث ومشت لفهد الي كان بين الابل ناضر رعد وقال : وشبكم رعد: عطني اختك بس يومين اعلمها الأدب تكفى
ناصر ضحك : انتبه تراها دلوعتنا
كشر رعد وقال: هو ذا الواضح
وطالع فيها وهي تحارش فهد وفهد الي يصارخ عليها وهي تزعل ويرجع يراضيها وترجع تحارشه و تضحك صرخ فهد باسم ناصر:ناااصر تعال فكني من ذا الورع ولا قسم فكيت عليها الابل مدت بوزها و قالت : بعلم عليك بابا اصبر علي وراحت تتمشى حاول رعد ينسحب من عندهم ولحقها : اجل انا غثيث
فزت الهام وقالت : وحركتك ذي تأكد انك غثيث
ضحك رعد وقال: تصدقين انتس جايبه راس رعد
انصدمت وردت عليه وهي تقول: من زين راسه عاد زفر رعد و مسك معصمها وقربها له وقال بحده : ان ما تزوجتك وعلمتس الأدب ما اكون رعد وقال بستهزاء: يا بنت المدن ودفها ومشى
طاحت تبكي و هي تتألم لانها طاحت ع خشبه صغيره ودخلت برجلها حس رعد فيها ولف ولقاها تصيح وحاول يمسك كبريائه ومايرجع لها مشى ونادى ناصر وقال : نويصر شسمه الهام طايحه هناك تصيح شفها فزو فهد وناصر
ناصر: اخو فهد اخوه و ركض لالهام وقال: وشبتس وشبتسسس
شهقت الهام شهقه كسرت خاطر رعد وندم ع الي سواه وهمست: ن ن نويصر رجلي ت تعورنيي
شالها ناصر وقعد يحاول يشيل الخشبه وشالها و عبال يوصلون ععقم الجرح ولفه وهي نامت بحضن ناصر و رعد الي يسوق وتفكيره كله بالي سواه ، وصلو وشالها ناصر وكان بيدخل داخل و وقله رعد وهو يقول : فيه حريم بالبيت ترا
خزه ناصر وقال: شدعوه شدعوه وش بقز بالحريم بدخل اختي
حس رعد ع نفسه وقال : خلاص بشوف لك طريق ودخل وتنحنح وقال: يولددد وتغطو الحريم ودخل ناصر و بيده الهام و دخل لغرفت رنا والهام وسدحها و طلعت رنا وهي تقول : الهام ويينك تأخرت.. بترت كل حروفها من شافت ناصر ورعد والهام بالسرير فزت من صرخ عليها رعد : ادخلي داخل يالملعوننه دخلت رنا وهي ترتعد
تنحنح ناصر وطلع و دخلت ام الهام وهي تقول : بنتي وش فيهااااا
رعد: طاحت ع رجلها ودخلت خشبه صغيره وناصر شالها وعقم الجرح
جلست ام الهام وهي تمسح ع راس الهام وتسمي عليها حس رعد بالي سواه وطلع ومشى لأمه وتنحنح وقال : يا ام رعدد
جت ام رعد وقالت : هلا بولدي أمر أمر
رعد : يمه ابيتس تخطبين لي الهام
شهقت ام رعد وقالت : انت يارعد تبي تتزوج؟؟؟
ضحك رعد وقال وهو يمسح ع دقنه : ايه يا يمه ايه
ابتسمت ام رعد وقالت : خلاص اكلم لك ابوك مشى رعد وهو حاس انه زودها مع رنا
وقاطع تفكيره رنين جواله رد وكان صديقه نواف: أرحب رعد
رعد: البقى
نواف: اسمع ترا شسمه الرقيب يبيك بكم شغله تقدر تجي؟
سكت رعد وهو يطالع الهام الي واقفه بالحوش تلعب مع القطوه رغم تعبها تكلم رعد : لا والله مقدر عندي ظروف
نواف: خلاص تمام
رعد : فأمان الله وسكر وتوجه لهيامه
و وقف قبالها وسحبها له بحنيه وقال: أسف يهيام الرعد أسف
ناظرته هيام و هي تحس بمشاعر كبيره له حاولت تبعده عشان تروح بس شدها له كأنه ينتظر جواب منها تكلمت الهام وقالت بصوت مبحوح : رعد امانه فكني مابي اتكلم معك كثير ، تجاهل كلامها و قرب منها وقال : ترا زواج بنت عمي قريب ماودتس تروحين سوق الديره ؟
ضحكت الهام وقالت: لا تحاول تغير الموضوع ابعد يا رعد
رعد: خليني شوي بس
الهام: رعد تبيني اخطبني تراني ما احل لك صح ما اتغطى عنك بس مو يعني تلمسني وتسوي الي تبيه ودفعته وكانت بتمشي وسحبها رعد وقال : ناديلي رنا وتعالي معها
مشت و دخلت تنادي رنا الي كانت حايسه تدور فستان لزواج بنت عمها
الهام : رنو رعد يبيتس ويبني امشي
مسكت الهام يد رنا و مشو لرعد الي كان واقف بوسط الحوش انتبه لهم و توجه لرنا وقربها لحضنه وضمها وباس راسها وقال: أسف ياروح رعد ما كان قصدي اهاوشك بس والله تعرفين غيرتي
ضحكت رنا وقربت وباست خده وقالت : ما ازعل ع رعودي
اما الهام الي حست ان وضعها غلط و كانت بتدخل بس قاطعها رعد الي ناداها وقال : رنو بكرا انتي والهام اجهزو باخذكم لسوق الديره عشان تقضون لزواج ميساء
التفت الهام وقالت: مين ميساء
رعد : بنت عمنا يدلخه
قاطع كلامهم دخول ناصر اما رنا الي نزلت برقعها بسرعه والهام الي ركضت ل ناصر تضمه وقالت : نونييي اشتقت لككك
ناصر: يليل ذا النوني
عبست الهام و قالت: نوني كم مره قلت لك يوم اقولك نوني ما تتحلطم
ضحك ناصر وهو يمسح ع شنبه
الهام : وين فهودي
ناصر: بالمجلس تبين اسحبه لتس؟
الهام : لا خله حبيبي واضح تعبان
رعد وهو من سمع كلمه حبيبي تنحنح وقال : شكلكم نسيتونا
الهام الي مسكت يد ناصر ورنا الي غارت وتنحنحت وقالت : الهامو شرايتس تجين ندخل
الهام: لا بروح لفهود
ناصر الي شال الهام بحركه سريعه وصارت فوق ضهره رعد ورنا الي كلن كان غيران ع حبيبه وتكلم ناصر وهو يمشي : كلمو امي ان إلهامي بتنام معنا انا وفهد
ضحكت الهام وقالت وهي متقصده الكلام لرعد: زي ما كنا نسويها بالرياض حس رعد بالغيرة و رنا كذالك ولف ع رنا وقال: زي ما سمعتي روحي علمي زوجه عمي

في المجلس

الي مافيه غير فهد نقزت الهام لفهد وجلست تلعب بخدوده و هو يضحك
وجلسو يسولفون ويضحكون دخل رعد وتنحنح يوم شاف الهام حاطه راسها بفخوذ فهد و نايمه جلس رعد وقال: وراه تخلون الهام ترق.... وداهمتهم ام الهام و هي تصارخ: الهااااام
نقزت الهام وتخبت ورا فهد وهو يضحك
ام الهام : كم مرههه قلت لتس لااااا تنامين مع اخوانتس يوم نكون بالديرة هااهه
ناصر كان بيتكلم وصفقته امه بالخيزرانه ضحك رعد ولفت عليه ام الهام :تضحك انت هاه تضحك كتم ضحكته رعد وتقدم وباس راسها و قال : هدي ياعمه السبب من ناصر هو الي جابها هنا كتم ضحكته من شاف تعابير ناصر وكملت ام الهام تسفيل فناصر طلعت الهام و هي تضحك وكانت بتروح الغرفه بس مسكها رعد الي طلع لها من حيث لا تحتسب وقال...

ودكم تعرفون وش قال ؟ أنتظرو البارتات القادمه ❤️‍🩹