رنا الي دخلت وسلمت على ام ميساء وتجاهلت ميساء لسبب ما وجلست بين امها وأم الهام ، همست لها ام الهام وهي تقول بقلق: وين الهام؟ ما اشوفها دخلت !
رنا بابتسامه تطمن زوجه عمها: مع رعد راحت تجيب فستانها
قاطعت حديثهم سوال ام ميساء :ابك يا ام فهد وبن بنتس لايكون تركتيها بهلمدن وجيتي
ام فهد : لا شويات وتجي راحت مع ولد عمها تجيب ملابسها
ميساء الي انحرقت غيره وهي تدري ان ولد عمها هو رعد
عند الهام الرعد
الهام وهي تمسح يدينها من بواقي الميكب الي بيدها وتطالع نفسها ومشت باتجاهه الباب وكانت بتفكه الا وهاذا رعد داخل رفع عينه وشاف الهام وما رمش يخاف يضيع هالجمال من وسط عيونه الهام الي كانت لابسه فستان احمر ضيق وشعرها الويفي الأشقر المنسدل على كتفها و ميكبها الخفيف بعد مده صحى رعد ع نفسها وقال: جيت اخذ ميكياج مدري ميكب حق رنا
ضحكت الهام ومشت تجيب ميكب رنا وعطته اياه وقالت : انتظرني بس بلبس عباتي
ابتسم رعد وهو يحس بشعور غريب
لبست عباتها و حطت الطرحه ع راسها وكانت بتمشي بس قاطعها سوال رعد : بتفتشين؟
الهام : بحط الطرحه ع وجهي مابي البرقع يخرب شكلي
مشى رعد و ركب السياره وجنبه الهام
عند ميساء الي قامت ومشت تشوف اذا رعد جا ولا لا فكت الباب الا وتشوف رعد وهيام بالسياره ورعد يضحك حست بشي يحرقها و مشت وفكت باب الهام وقالت : امتس تنتظرتس استغربت الهام ورعد الي اختفت ضحكته وقالت الهام : اعرفك انا؟
ميساء: بنت عمك ميساء انزلي خلصيني
الهام الي نزلت ونزلت الطرحه من وجهها وقالت: احترمي نفسك لا احطك هنا وادوسك هاذا الي ناقص وحده مابيني وبينها شي تهاوشني وجع
انقهرت ميساء والي قهرها زياده جمالها وكيف انها تكشف على رعد وممكن رعد يحبها قاطع تفكيرها الهام وهي تقول لرعد : ان خلصت بخلي رنا ترسل لك تجيب الأغراض ، سكرت الباب بقوه وقالت : من بدايتها كذا كيف نهايتها ودفت ميساء بكتفها ومشت دخلت الهام وهي مبتسمه وسلمت على ام ميساء وما عجبها ترحيبها ونظراتها و جلست جنب امها وهي تتصنع الابتسامه
عند ميساء ورعد
رعد : وشذا الي سويتيه انتي متى تعقلين ابوك علمك تستقبلين ضيوفكم كذا ؟!
ميساء : ماهي بضيفه ذي حيه جايه تخرب
رعد: اقضبي لسانتس يا ميساء
ميساء: رعد تعرفني انت وتعرف حُبي لك
رعد تجاهلها ودخل عند الرجال والقى التحيه بصوته الجهوري
وجلس بصدر المجلس وتفكيره بهيبه الهام
قاطع تفكيره تدخل انس: حي رعد حيي
رعد ابتسم وهو يحب أنس لانه الوحيد الي صاحي فيهم :هلا ب انوسسس
وجلس أنس جنب رعد وجلسو يسولفون
عند الهام
قامت و وقفت بالحوش وهي ترسل لفهد وناصر يجونها بالحوش
عند ناصر
شاف جواله ولقى اشعار بقروبهم واشر لفهد يجي وراه ومشو للحوش واول ما شافها ناصر حط يده ع صدره وقال : اه ياقلبي اه الهام بتذبحه يناس
فهد وهو يبوس راسها ويضمها :تحصنتي وانا اخوك؟
الهام هزت راسها ب ايه وجلست تقولهم الي صار
ناصر: ابك واضح انها مهيب بعاقله
فهد : انتبهي منها يا الهام ولا تقربين لها كافي هواش
الهام بوزت وقالت : فوفي انا حقت مشااكل؟
فهد: انا الي حق مشاكل والله انا
ضحكو ثلاثتهم و ما حسو برعد الي سمع كل شي ومشى وهو حاب علاقتهم ببعض
قاطع حديثهم دخول بنت عمتها لورا الي جت تنادي الهام كانت قطعه من القمر جمال شعرها البني وفستانها الاسود الماسك والشال الي عليها وفهد الي حس نفسه بيطيح من جمالها قاطع تفكيره الهام وهي تقول: ما تتغطين يا لورا؟
لورا : امم لا تراني مثلي مثلك توي جايه من الرياض
ضحكت الهام وكملت لورا : ابيك تعدلين لي حاجه عادي ؟ وكانت منحرجه من نظرات فهد لها وناصر الي ما انتبه حتى وهو يطقطق بجواله تنحنحت الهام ونغزت فهد وقالت : توكل توكل عندي كلام معك بعدين
ضحك فهد وقال بصوته المبحوح : حصني نفسك مره ثانيه و زي ما قلت لك وتقدم وباس راسها ومشى وهو مروق ويستهبل مع ناصر وكل واحد دخل لمكانه
أنت تقرأ
انتِ مطلبي
General Fictionدلوعه العائله يتزوجها ولد عمها القاسي البدوي لظروف مجهوله والأكبر يقع لها و يحبها ويحب دلعها خلونا نشوف كيف صارت حياتهم
