ضحكت الهام بانتصار وهي جالسه قدام وناصر ورا فتحت الشباك وهي تطالع المرايه و تعدل برقعها وما انتبهت للعيون الي تتابع كل حركه تنحنح رعد ووجهه نظره المرايه يشوف ناصر ورنا الي كان كل واحد صاد عن الثاني وقاطع الصمت الهام وهي تقول: رعد مو بنروح بيت ابو ميساء
رعد: ابوتس وابوي قايلين ودهن السوق ثم جيبهن هناك لان بنقيل عندهم ما بقى للزواج شي ، شهقت الهام وقالت : خيرررر ما قلتو ليييي ماجبت اغراضي اففف
فز ناصر وضرب كتفها وقال: صوتس يبنت عششان لا العنتس الهام وهي تلتفت لرنا وتقول: يالخسيسه ما قلتي لي هاه !
رنا: حبيبتي مالي شغل فيتس جبت اغراضي موتييي حرههه وضحكت و
ناصر الي ارتخى من ضحكتها الي جابته من أقصاه
الهام الي قوست شفايفها بزعل و جلست وهي ضامه يدينها وتطالع بالطريق
اما رعد الي تنحنح وقال وهو مايبيها تزعل:
خلاص بعد السوق بنزل الاغراض وبنزل ناصر ورنا ونروح نجيب اغراضتس زين كذا؟ ابتسمت الهام و قالت وهي قاصده ناصر : يليت بعض الناس يتعلمون منك بسس
ناصر : اقول اقضبي ارضتس احسن لتس
الهام: والله لأعلم بابا عليك اصبر بسسس
ومن بعد كلمه الهام التزمو الصمت ووصلوا ونزل رعد ومسك يد رنا ومشى فيها للمتجر الي دايم تشري منه فساتين
الهام : شوف شوففف وتعلم بس
ناصر : ماني ب فهد عشااان اسوي لتس كذا
الهام : اكرهك ومشت تتجول بالأسواق وناصر الي جذبه محل ودخل يشوفه
عند رعد ورنا
رعد دخل وتكلم بصوته الجهوري: أرحب يبو علي
ابو علي: هلا برعد هلا
رعد : ابيك تنزل لي افضل فساتين لخيتي
ابتسمت رنا بحياء وهي تحب حنيه رعد الدايمه له
ابو علي وهو يأشر ع خشمه : على ذا الخشم
ونزل له كل الفساتين الحلوه و اختارت الي تبيه وطلعت هي ورعد وناصر الي متجه لهم وهو يدندن :
وشلووٌون مغلَيكّ وانتِ الذي علمتنيَ حُبك ياهَاجسيِ عشقيِ عيوُنكِ
رعد وهو يكمل معه: وشللونن مغليكك
ناصر وهو يناظر وراهم :وين الهامو؟
رنا : هاو مو كانت معك؟
ناصر: لا يبوي مو معي
رعد وهو يفور : تستهبل انت وش هالبرود الي فيك وين البنت!!
ناصر : معرف ياخي امش ندورها
رعد دف ناصر ومشى يدورها بالسوق وناصر الي تنحنح وقال لرنا: خلتس بمكانتس لا تضيعين انتي بعد
ومشى يدور وهو متوتر ولايعرف يتصرف
اما رعد الي لمح عيون الهام الي حافظها وشافها واقفه بمحل فساتين وتنبش بالفساتين وهي مروقه
ومشى لها رعد الي نسى عصبيته ومن شاف عيونها استسلم لها
الهام : افففف وشذا كلهم خياس ليتني جبت وما كملت كلامها الا وتذكرت الفساتين الي جابتها
وقالت : ابههه جبتها والله جبتها وضحكت رعد: وش الي جبتيه
فزت الهام وقالت : مالك شغل ورجعت الفستان بمكانه وكانت بتطلع من المحل
الا ورعد يمسكها ويقول: لنا نص ساعه ندور فيتس وتقولين مالي شغل؟
الهام وخرت يده وقالت: انا ماني ضايعه وايه مالك شغل
ومشت لناصر الي يلتفت ومهو مركز
الهام : نونيي
ناصر الي اول ما لف و شاف الهام حضنها و قال بنبره مهزوزه: ابك وينك وينك
الهام وهي تمسح ع راسه: نوني بس رحت اشوف ونسيت اعلمك اسفه
ناصر بعد عنها وتنحنح وقال : يويلتس تعودينها
اما رنا ورعد الي اول مره يشوفون ناصر كذا
الهام الي مسكت يدك ناصر ومشت فيه للسياره صح انه اكبر منها بس كأنه هو الصغير اما رنا ورعد الي مشو وراهم و هم ساكتين واستغرب رعد يوم شاف الهام ورا وناصر راسه بكتفها
ركبت رنا قدام وتحرك رعد يسوق لبيت عمه
وصلو ونزل رعد ينزل الاغراض ونزل ناصر يساعده
رعد: بك شي ناصر؟
ناصر: لا ابد ابد هات الاغراض وانت رح ود الهام دخل ناصر ومعه الاغراض
رنا: رعودي مكياجي بغرفتي بالدرج
رعد: ايه خير خير ان شاءالله
رنا: ياويلك يارعد ما تجيبه
مشى رعد وركب وشاف الهام الي ركبت قدام وجالسه تلعب بسيارته
صرخ رعد وهو كلشي الا سيارته : لااااا ابعدي يدينتس
الهام الي فزت وقالت: وجع وجع خرشتني
رعد الي سكت ومشى و وصل البيت ونزلت الهام تاخذ أغراضها ودخلت الغرفه تشوف الفستان الي تبيه
والى هنا انتهينا حاولت اعوضكم عاااد
أنت تقرأ
انتِ مطلبي
General Fictionدلوعه العائله يتزوجها ولد عمها القاسي البدوي لظروف مجهوله والأكبر يقع لها و يحبها ويحب دلعها خلونا نشوف كيف صارت حياتهم
