رجعت لكم بارت جديد بقلمي ريمه الشباني
شاركوني رأيكم بالكومنتات وصوتو اذا عجبكم البارت
......
يكول الشاعر التعب عاشر كلايدنا وصفت صفره النهر ضيك ومامش حيل ونعبره
شبعد ونعاشر التابوت مو متنا الف مره
___________
دخلت للصاله واسمع الجد وهزار يحچون عني بس حچي صدمني ذوله بكيفهم يمشون رأيهم عليه لعبه بأيديهم أنه
بس كلت مالازم اتسرع خل اكسبهم ومابين شي الحجاب اني عاجبني ومقرره البس بعد الزواج نفس اخواتي من اتزوجن يلا لبسنه بعد ليش اعاند
چان الكلام هو
الجد : هزار شبيك اني هيچ ربيتك اولا ماشاورتني وتزوجت بكيفك ورضينه بس مالت تخلي مرتك مفرعه وتتفتل بالبيت هيچ ما اقبل حاچيه وفهمه انته زوجه لازم حجاب وملابس تستر
هزار : بس جدي اصبر اني افهمها اطباعنه وحده وحده مو من اول يوم سطرتهن اله وتعاي امشي بيهن صعبه
استاج : اعتذر قاطعتكم بس لان الكلام يخصني اني ماعدي مشكله البس حجاب اذا هيچ تتقبلوني تددلون گلشي لعيون هزار يهون
الجد : احسنتي بنيتي هسه بلشتي تعجبني
استاج : ضحكت وغمزتله واشرتله لان شفت الحجيه معصبه اضنه غارت
الجد : ها عيني ام سلمان خيرچ كصتج معگمشه
الحچيه : اي خيري كل الخير بيه چا غير احنه مانعجب بس مرت حفيدك هاي من اول يوم تمدح بيه واني لا
الجد : مايحتاج امدحچ اعيوني انتي كلبي كفيل بس يطرب من يشوفج
هزار : ها جدي هاها شنهاي مشتاك الشبابك
الجد : اسكت انته زعلان وياك يلا تعالو اكلو
استاج : كمت كعدت بصف هزار على السفره وصرت افكر كلوبهم طيبه هسه بس طاوعته لجدي ضحك بوجهي وحبني أنشأ لله كلهم يتقبلوني
هزار : شبيه شعلتي صافنه المأخذ عقلچ يتهنه بي
استاج : جان يحچي بصوت خافت بدون وعي مني گلت انته گلهم اتباوعولي واني بودي تنشك الكاع وتبلعني على الفشله چان هزار يدارك الموقف
ويضحك ضحك اول مره اشوفه هيچ يضحك
هزار : اي هههه شعلتي صحيح أنه أنه ههههههه اي ولله انه
عاد كملنه اكل وصعدت عفتهم جوه هزار وعمامه يتناقشون عن طلايب وسولف الديوان
كعدت بالغرفه طلعت كتبي وبلشت أقره
شويه ودخل راجعلي شنو قريت وفهمني كم شغله مافاهمتهن وجان شرحه حلو وبعده ضلينه نسولف عن مغامراتنه واحنه اطفال لما غفيت
كعدت وكعدت هزار بدلنه اني لبست صدريه نيلي كلوش لان ميقبلون البس بينصل عليمن اجيب الاهانه الروحي واصريت على هزار يلبس نيلي وما زعلني وكال اي
وصلت للحجاب ماعرف البسه
__هزار عيني هذا ماعرف البسه
__طيني شعلتي اني البسچيا
ولفا صدك طلعت حلوهه
__شعلتي بطلت ماريدچ تلبسينه نزعي
__ يا ليش مو حلو
__ لا طلعتي أحله من قبل تجذبين النضر
__ يله بعد احسن هيج المهم بقيت لابسته ونزلنه سوه
استاج وهزار : صباح الخير
البعض رد والبعض ماعاجبه
تريكنه جنت احجي وي مروه علمود الخطوبه مالته وكف هزار واردف
__رايح اطلع السياره استعجلي
__ اي عيوني جايه وكفت شلت الجنطه وكلهم صافنين عليه نضراتهم ما تتفسر وهذا ابن عمه ابد نضراته مو راحه
مشيت صعده السياره وباطريق مشغل قران عجبتني علاقته بربه
وصلنه للمدرسه كال اوكفي
فتحلي الباب واردف : تفضلي يا كحل عيني ونضرها
__حبيبي ومنقذي باي
سوالي حركه باي واني هم اتباوع البنات صافنات علينه ويتبسبسن بيناتهم ايكلك صاحبي مو زوجي اني اخزر بيهن التفتت بعده موجود متانيني ادخل ويروح
من خبالاتي رحت عليه كمشته من طرف جاكيته واني مخنزره وصاكه على سناني واحجي
__امشي بسرعه ولاتلتفت ضليت واااكف شككوو تريد تباوع للبنات نفس ما يباوعلك
وكتلك امشي شبيك بله تره ماضحك
بالله عليمن تضحك تريد تلفت نضرهن أكثر ويجن يكولن واو ضحكته شكد حلوه
__ههههههه مو على الفت نظر اضحك على غيرتج يأبه انتي عايشه هنا بكلبي وبعقلي يا الشعله خايبه شاعلتهن ثنينهن انتي
بتسمت على كلامه وعفته ودخلت سألني صديقاتي وكللتلهن زوجي وشددت على الكلمه لان تغزلن بي عبالهن اخوي
حاچيت بت عمي الوحيده أحبه اسمه وتر كلتله شنو صار بعد حفلت عرسي الي هيه حاضره بيه وكلتلي عن اخبار عن اهي وابن عمي واخته يحرضون بيهم حتى بعد ما يحاچوني اني هم وصلتلهم رساله انو المايريدني ماريده وهم ششككو بيه وبشرفي ومحد غيرهم خرب سمعتي
والصار من عمايلهم جبروني على زواج ماريده واجاهم الرد وتر چانت الوحيده هيه وأهله احبهم عكس بقيه عمامي تتتتسسسس حيايه وعماتي احب بس وحده وصارلي سنين ما شايفته متزوجه وعايشهه بالسليمانية
__ وتر اتواصل وياچ على الموبايل وما عليچ بحچيهم لاتخربين خوتنه
درس وره درس خلص الدوام طلعت لكيته ينتضرني رحت اله ورحنه للبيت وصلنه لكيناهم يتغدون
__يله نصعد عفناهم وصعدنه
__ بدلي حبيبتي خل نروح نتغده بالمطعم
__اوكي حبيبي بس ماراح البس حجاب مامتعوده علي ضوجني اليوم ما اعرف البسه
__يله ميخالف لا تلبسي
__بدلت لبست كوستم بدي وتنوره تسعين لون سماءي وبي ورد ازرق بلون عيوني طلعت حلوه سويت ضفيره ولبست حذاء وجنطه لون احمر فاجأني هزار يصوفر ويتباوعلي
__ طاله تخبلين شعلتي محتاجه شي حتى يكمل اللوك جاب قبعه سماءيه لبسنياها و سكارف احمر شده على ركبتي
__حتى لو ماتلبسين حجاب بس ركبتچ ماريد تطلع
هو چان لابس ابيض ورباط القميص سماءي لزم ايدي ونزلنه لكيناهم كاعدين يشربون جاي
ابو هزار : خيرر يا طير وين رايحين
هزار : رايحين للمطعم معزومين على الغده
ابو هزاار : منو عازمكم ؟
هزار : صاحبي شنو هي تحقيق لو جاهل اني
خله ومشه واني امشي وياه
صعده السياره
__ حبيبي بس انته ماكتلي معزومين عند صاحبك
__مو صاحبي بس ماردت احجي كدامهم هم ثنين من طيور الحب وضل يحچيلي الغاز لما وصلنا مكان فخم وحيل حلو فتحلي الباب ونزلت اجه النادل كاله طاولتك استاذ جاهزه وضيوفك ينتضروك
تشوقت أكثر اعرف منو طيور الحب
___________________
الى هنا ونختم البارت وياكم حبايبي
استغفرالله لكل ذنب تبت عنه ثم عدت
استغفرالله لكل ذنب يوجب الكفر
استغفرالله لكل ذنب يورث العقوبه
استغفرالله لكل ذنب يوجب السقم
استغفرالله لكل ذنب يورث نسيان ذكرك
استغفرالله لكل نذر لم اف به
استغفرالله لكل عهد نقضته أو نسيته
استودعكم الله
⭐⭐⭐
أنت تقرأ
فطر قلبي لتنبت فيه زهورك (التكمله )
Romanceحتى في حزنها كانت كالزهر كلما تاوهت أيقنت بمولد عطرا جديد
