قراءه ممتعه🤍
لايك/كومنت
وقف اياد سيارته قدام المدرسه ونزل مهند: اشوفك بعدين
اياد: تمام
مشى اياد وجلس مهند يطالع حوله يبغى يشوف دراجة
لؤي بس ماشاف شي ودخل للمدرسه وشاف مسؤول الغياب
قدامه وقرب منه : بسألك عن شخص في ثالث ثانوي اسمه لؤي
المسؤول: اوه تقصد ولد اخ المدير اي غايب اليوم
مهند:تعرف السبب؟
المسؤول: لا مااعرف السبب بصراحه
مهند: تمام شكرا
طلع مهند ووصل لمكتبه وجلس يخلص اشغاله وباله مشغول
بشي ثاني ورفع جواله و دق على لؤي وكان جوال الثاني مقفل
وجلس على اعصابه الا انتهى الدوام وتوجه لمكتب المدير
و دق الباب :ممكن ادخل
طالع فيه المدير:استاذ مهند تفضل طبعا ادخل
جلس مهند مقابله :جاي بس اسألك عن لؤي مو بعادته يغيب
المدير:اه لؤي مريض شوي
مهند:مريض؟ صاير شي؟
المدير:لا لا مجرد حمى بسيطه
مهند:اها فهمت
المدير: ليه تسأل ؟
مهند: مثل ماتعرف لؤي طالب عندي ومو بالعاده يتغيب
عن دروسه قلت اجي اسألك المهم مشكور
المدير: عادي مو مشكله خذ راحتك
مهند قام وطلع من عنده: انا حتى مااعرف عنوان بيته
عشان اروح له ! هو حتى مااعطاني فرصه ابرر له
طلع مهند من المدرسه وشاف كنان واقف قدامه: اركب
قرب مهند منه : ليه جيتني انت؟ وين اياد!
كنان:طلب مني اجي اخذك
فتح مهند الباب وركب بجنبه : خذني للبيت
كنان مشى وهو يطالع فيه: وجهك متغير صاير شي؟
مهند: لا
كنان:ماودك نتغدا مع بعض؟
مهند: لا بس رجعني للبيت ابغا انام
كنان:تمام
مشى كنان ودخل مهند للبيت ورمى اغراضه ع الاريكه
وفسخ جاكيته وجلس ومسك جواله وهو يحاول للحين يتصل
على لؤي : رد علي ارجوك
طلع اياد من الغرفه : مهند! رجعت
مهند: اوه اياد هذا انت هنا معليش مانتبهت انك موجود
