قراءه ممتعه 🤍🤍
لايك/كومنت
لبس فارس ملابسه وطلع من البيت متوجه للمطعم
ووقف سيارته وطلع العطر وجلس يتعطر واخذ نفس عميق
ونزل من السياره واخذ جواله و دق على ناجي و رد الثاني بسرعه:
اي
فارس: وينك ؟
ناجي: انت اللي وينك من اول وانا جالس انتظرك في المطعم
فارس انصدم: ها انت في المطعم ! دوبي ارسلت لك الموقع
ناجي: اي ادري كنت جاهز انتظر رسالتك وجيت بسرعه
عشان مااتأخر عليك ماقلت لي وينك انت ؟
فارس: يلا يلا شوفني برا الحين داخل
ناجي: تمام انتظرك
قفل فارس جواله ودخل للمطعم وتوجه للطاوله اللي جالس
عليها ناجي وقرب منه : مساء الخير
طالع فيه ناجي وابتسم: اهلا اخيرا جيت
فارس: اسف ماتوقعت توصل قبلي
ناجي: مو مشكله ودك نطلب
فارس: اي
قرب النادل منهم واخذ الطلب وفارس ساكت للحين
وهو حاس بإحراج وطالع ناجي فيه وضحك وصب له مويا
ومد له الكاس: اشرب
فارس اخذ الكاس وشرب شوي : شكرا
ناجي وهو يطالع فيه: ايش فيك ؟ حاس بإحراج مني؟
فارس: احراج ؟ لا طبعا
ناجي: للحين تفكر باللي صار امس؟
فارس طالع فيه: بصراحه اي وحاس بإحراج عشان ذا الشي
ناجي: انت حاس بإحراج وانا مبسوط انك دقيت علي
فارس: كان ببالي ادق على اياد بس مادري ايش صار انا اسف
ناجي: يمكن شفت اسمي وماحسيت بنفسك
فارس: للحين ماغيرت اسمك بجوالي يمكن عشان كذا بس خلاص
بسميك الشرطي عشان اذا جيت ادق اعرف انه انت
ناجي: لا تغيره قلت لك اني مبسوط عشانك دقيت
فارس: انت حتى مو راضي تعطيني اسمك عشان اسجله
ناجي: مايحتاج تعرف اسمي
فارس: اهم شي في الشخص اسمه كيف اطلع معاك واكلمك كل يوم
وانا حتى اسمك مااعرفه
ناجي: ليه تخاف !
فارس: لا مو خايف بس اللي مطمني انك شرطي يعني
ناجي : اجل اتركني كذا راح تعرف اسمي من نفسك مايحتاج اقلك
فارس: تمام اللي يريحك
