بين قبضتي عاشق

البارت الثاني عشر

هلوو حبايب شلونكم اخباركم رجعتلكم برتوت صاك وطويل ومليئ بـ احداث وبعض الاشياء حـ تتوضح
الكم وطبعاً البارت كامل من امس بس
خلصته بوقت متأخر فـ منشرت واليوم عساس انشر العصر بس وربي مريضه كُلش
والي داخل بقناة التلي شافت التغشوشات الي نشرتها
لتنسون التصويت والتعليق بين الفقرات
اتمنى لكم.... قراءة مُمتعه
بِـ قلمي.... الكاتبه نور
_____________________

‏الحمد للَّه على كل فترة استصعبنا مرورها ومرت.

_____________________

هُدى بـ استغراب.... خوش نكته

إسماعيل.... داحجي صدُگ

هُدى.... اكو سبب لو هيج طباگات

إسماعيل.... نجبي ومثل مگلت واريد اشوفج بنت امج وابوج تعاندين

ابويه وهوَ يدخل للغرفه.... ماشالله مراجل وتغلط ع اختك وتأمرها بسبب منو؟
مرتك جايه هسَ وتريدنه نصدگ وهيَ تربيتنه

إسماعيل.... يااابه البنت حلفت بالعباس وبالقرأن شنو عدها علمود تحلف جذب

هُدى.... اشتد الحديث بين ابويه واخويه إلى بلش العياط وابويه ضرب إسماعيل واني جان
كُل وبالي دراستي مستحيل اتخلى عنها لو مو اخويه إلى أن شفت ابويه وگع من طوله صرخت
خايفه واني اركض اله

اجه إسماعيل ودزيت ماسه على عمي تصيحه ويا إسماعيل يشلونه
اجه هوَ والولد شالو ابويه وطلعو للمستشفى بقيت بـ مكاني صافنه شنو الي صار كُلها
بـ مجرد ساعات قليله قبل شويه جنت جايه من المدرسه وفرحانه جايبه درجة كامله بالعربي

بـ هاي الأثناء دخلت مرت اخويه والشر يتطاير من عيونها گالت وهيَ تحاول تستفزني

....امممم شنو رئيج بلي صار قَبل شويه

هُدى....حقيرااا اكيد الج ايد بيها احجي شسويتي من جديد

أريج.... امممم نگدر نگول حجيت حقيقتج

هُدى.... اي حقيقه شنو دا تحجين أنتِ

أريج.... ليش مو هاي الحقيقه أنتِ تطلعين ويا ولد

هُدى.... لا مُستحيله أنتِ ياولد

أريج.... مدام تطلعين للمدرسه

هُدى.... الي تدرس صارت تطلع ويا ولد

أريج.... شعرفنه أنتِ تطلعين للمدرسه مترحين ويا ولد واني مستعده احلف وحتى اروح
للأمامين واحلف

هُدى ضحكت ضحكه رنانه وجاوبتها.... عليج الحمزه زين شلون الج القابلية تحلفين جذب

أريج.... الحقيقه هاي

هُدى.... الله ياخذج ولو من شوكت ربي يأخذ العارات

....اخذت بنتها وطلعت بقيت صافنه شنو الي صار معقووله والي يحرگ الگلب أكثر
هيَ بنت خالتيي مو غريبه عود صدُگ تحجي بقيت صافنه ماعرف شگد مر وقت إلى أن
سمعت صوتهم طلعت اركض حضنت ابويه وبسته