احببت ما حرم عليّ

part 6

ثاني يوم الصبح

نورة ام كاظم: نرجس ولج شوفي منو بالباب لا ابوج ولا اخوتج موجودين علمود يطلعون للباب جاي يندك

نرجس: كلتلي امي روحي الباب يندك ورحت وفتحت الباب وذني نسوان ثنين جارتنه ام حسين ومرة وياهه معرفه واستقبلتهن ودخلتهن للاستقبال واجت ماما سلمت عليهن واني جبت مي وعصير الهن وكعدت يمهن واجت آيات سلمت عليهن وكعدت يمي وكامن يحجن وية امي

ام حسين: عيني ام كاظم هاي اختي ام مؤيد وعده ابنه مؤيد يريدله مرة صح هوة تارك دراسة بس هوة عده محلات ملابس وحالته مادية زينة وعده سيارة حديثة اي بنية يزوجه راح يوفرله الي تريده وميلوحه عوز واحنة جينه نحاجيج علمود بنتج نرجس  وسمعتكم الطيبة واخلاقكم جابتنه الكم

ام مؤيد: ام كاظم ابني مؤيد خوش ولد وحباب ومؤدب وراد يزوج واحنة بناتنه هواي بنات عمامه وبنات خالاته هواي بس هوة ميحب يزوج من كرايبه واختي ام حسين حجتلي عنكم وعن اخلاقكم وسمعتكم الطيبة واجينه نشوف رايج ام كاظم وراي ابوهه اذا قابلين علمود نخطب البنية لمؤيد

نرجس: اسمع جارتنه ام حسين واخته ام ايمن يحجن واني احس روحي اختنكت لان عرفت جايات علية يخطبني لمؤيد منين اجاني هذا كبل تذكرت زيد حبيبي وكبل باوعت لآيات

آيات: سمعت كلام ام حسين واخته ام ايمن واباوع لنرجس اشوفه تباوعلي وخطية بينه ضايجه ومقهورة لان تريد زيد واني ضجت عليه خطية

نورة ام كاظم: والله احنة نتشرف بيكم يا ام مؤيد وجيتجن على راسي ولي سمعته عن مؤيد الله يحفظه الج كلش فرحني واني بنسبة الي اذا ابو كاظم واخوته موافقين على زواجه اني بعد عتبريني وافقت وبيج خير ام مؤيد وانشاء الله نردلكم خبر بأقرب وقت

نرجس: ضلن قريب ساعة يحجن وية امي واني ضايجة حيل ومقهورة واحس نفسي اختنكت ومادري شنو بية

آيات: راحن ام حسين واخته ام مؤيد ونرجس راحت لغرفته احسه تعبانة كلش رحت وراهه لغرفته واشوفه تبجي بغرفته واجيت عليه وحجيت وياهه وكلتله نرجس بلا بجي وبلا كلشي راسلي زيد وكليله اذا تحبني تعال تقدملي لان اجوني خطابة وحددي اله ٣ ايام اذا اجه وجاب اهله او امه اجت بعد هوة تقدملج وانتي وافقي كبل وبعد تلغي سالفة زواجج من مؤيد واذا لا والله رفض يتقدملج واذا كلج مو هسة لو بعدين عرفيه هو بس يضحك عليج لان انتي كلتيلي حالته مادية زينه بعد وهوة متخرج ماعده دوام جامعة بعد ماعده عذر علمود ميجي يتقدملج وكليله انت شفتني من تجي تاخذ اختك من المدرسة وشفتني حلوة وانعجبت بية وصارك من بداية السنة تشوفني وحبيتني كليله هيج كول لاهلي اذا سئلوك او كل لامك هيج اذا اجت هية وسئلوهه من وين عرفتوني واذا مقبل يتقدملج خلاص حظريه وطلعيه من حياتج لان جاي يضحك عليج وشوفي مؤيد تعرفي عليه اذا ولد حباب وحلو وعجبج وانتي سمعتي هوة حالته مادية زينة قبلي بي لان مو كل مرة تجي القسنة زينة اوك نرجس