احببت ما حرم عليّ

part 11

البارت هذا راح يكون خاص بمؤيد

هلو شلونكم اسمي مؤيد عمري 28 ولحد الان ممزوج اني تارك الدراسة من المتوسطة بس اشتغلت مبقيت كاعد مع العلم حالتنه مادية كلش زينة نعتبر اغنياء والحمد لله والدي عده معارض سيارات وعنده مطاعم 3 واني عدي عملي الخاص حبيت شغل ملابس وفتحت محلات ملابس شبابية ورجالية ومحلات للملابس النسائية محلات الملابس النسائية اني اشتغل بيهن ومحلات الملابس الرجالية والشبابية مخلي بيهن شباب يشتغلون واحسبلهم راتب شهري اني من جان عمري 21 حبيبت بنية بس للاسف مصارت من نصيبي واني شلت فكرة الزواج من بالي جنت احبه هواي وشكد تاذيت من تزوجت هية مجانت قابلة بزواجه بس اهله غصبوهه وكلت مدام هية مصارت من نصيبي ماريد بنية غيره راح ابقة احبه طول عمري بالاظافة اني بشغلي عدي تواصل يومي وية البنات وشفت انواع البنات الي ماعده مانع تنزعلك علمود تنزل اله من السعر ولي تتموع ولي مدري شلون تباوع نضرانه مال وحدة كحبة وهواي سوالف بعد فقدت الثقة بالبنات من كد مشفت هيج بنات كلت بعد ماكو بنية تصلح للزواج واهلي يلحون علية علمود ازوج واني ما مقبل واكول الهم ماريد ازوج لحد مصار عمري 28 سنة وامي كلتلي اريدك تزوج اريد اشوف جهالك قبل لا اموت وكامت تبجي اني انقهرت على امي كلتله يمه اني ما اريد ازوج وشايل فكرة الزواج من بالي بعد تعرفون ليش ماريد ازوج ذكرت الاسباب الكم كلتله يمة بس علمودج راح ازوج وانتي وابوية كالتلي امي انت عدك وحدة بالك كلتله لا كالت شوف ابني عدي بنية الك اني من اروح لخالتك ام حسين دوم تحمد بيت جيرانه بيت ابو كاظم وتكول خوش ناس صارلي اعرفهم 20 سنة مطلع منهم شي مو حلو ناس حبابين وكلهم اخلاق وكلتلي ولدهم وبناتهم مؤدبين يرحون بطريقهم ويرجعون بطريقهم وخالتك كلتلي عدهم بنات 2 والجبيرة اسمه نرجس عمره 17  كالتلي خالتك خوش  بنية وشريفة ومؤدبة وحلوة وهية صف خامس اعدادي كلتلي ليش متخطبينه لمؤيد ميلكي احسن منه شتكول يمة اروح لخالتك ونروح لبيتهم وانشوف البنية كلتله يمه بس اني عمري 28 وهية 17 يعني اني اكبر منه بهواي وشي ثاني اني ما احب البنية الي تدرس كله تباوعله وتنحارش بيه بالشارع كلتلي امي  يمة انت ربيهه على ايدك صح زغيرة بس كل ما انت تكبر هية تزغرك وانت مو جبير عليه كلش واني لان خالتك حمدت باهله وبالبنية وانت شوفه وترى يمة مو كل البنات الي يدرسن ينطن مجال ترى اكو بنات لو شنو يصير ماله علاقة بهاي السوالف واذا معجبتك نشوفلك وحدة غيره ونشوف ابوك هم شنو يكول كلتله تمام يمة واجة ابوي وحجتله امي عن نرجس وكال اله مدامهم خوش ناس واحنة ندور الناس زينه شوفي البنية وامي ثاني يوم وصلتله لبيت خالتي لان خالتي جيرانهم قريبة عليهم واني بقيت بيت خالتي انتضر امي ورى ساعة او اكثر خابرتني امي كالت تعال يمه وصلنه اني وخالتك للسوك واني اجيت يم بيت نرجس وأخذت امي وخالتي للسوك وتسوكن وصلت خالتي لبيته ورجعنه اني وامي للبيت وامي كالتلي يمة البنية كون تصير من نصيبك اهله خوش ناس لكيت امه خوش مرة وحبابة واخته الازغر منه هم مؤدبة وبنية عبالي بته طلعت جنته كلهن خوش بنات ونرجس حبابة ومؤدبة وحلوة كلش البنية متتفوت راح تعجبك كلتله يمة وشنو كالت امه كلتلي امي امه كالت اذا ابوه واخوته موافقين اني موافقة وهمة راح يرجعونه الجواب واليوم يجي ابوك واكله واجة ابوية وكلتله امي نفس الكلام الي حجته الي وكال خوش لعد ننتضر جواب منهم واني هم راح اسئل عليهم ثاني يوم ابوية سئلة عليهم وطلعو خوش ناس العالم تدمح باخلاقهم وابوية كال النه سئلت عليهم والناس تمدح بيهم وباخلاقهم وراح ننتضر جواب منهم واذا وافقو والبنية وافقت نزوج مؤيد بسرعة منتعطل كلشي جاهز ومتوفر لمؤيد بقت بس العروس لمؤيد
ورى شكم يوم رجعونه جواب وكالو موافقين وابوية كال لعد نروح نخطب البنية ونمشي عليهم واني عدي سفر لتركيا 15 يوم راح اسافر ورى منخطب لمؤيد ونمشي عليهم اني اسافر ومن اجي راح نقرر موعد الزواج

اهل مؤيد ومؤيد صح شبعانين فلوس واغنياء بس جانو ناس متواضعين وماعدهم طبقية او يعاملون بقية الناس بحقارة لانهم اغنياء والدليل ابو مؤيد شكد عده علاقات واصدقاء اغنياء نفس وضعه ويكدر يخطب اي بنية من ذولة الي بمستواه بس قبل هوة وزوجته ومؤيد ياخذون من ناس اقل منهم من الناحية المادية والعلاقات