بالليل
نورة ام كاظم: ابو كاظم اليوم الصبح اجت جارتنه ام حسين واخته ام مؤيد علمود يخطبن نرجس ام مؤيد تريده لابنه مؤيد
محمد ابو كاظم: نورة البنية بعده زغيرة
نورة ام كاظم: لا ابو كاظم يا زغيرة البنية راح يصير عمره ١٨ اذا الولد سئلنه عليه وطلع خوش ولد واخلاقه عالية شكو بيهه خل البنية تزوج وامه كالت هوة عده محلات ملابس وحالته مادية زينه وحتى امه بين عليه الخير بينين ناس طاكين وحتى السيارة الي اجت اخذتهن من راحن سيارة حديثة من ذني عاليات وشفت الولد مؤيد شاب الله يحفظه لاهله شاب حلو ومرتب ومناقصه شي صح هوة تارك دراسة بس اموره كلش زينه بقت بس نسئل عليهم واذا طلعو الولد واهله خوش ناس خل البنية تزوج وتشوف طريقه
هنا ام كاظم استلمت ابو كاظم اكس مربع 😂
ابو كاظم: والله يانورة يا ام لسان خل نشوف نرجس شنو تكول
نرجس: امي تحجي وية ابوي عن موضوع خطوبتي لمؤيد واني اريد ابجي ماريد ازوج اي واحد غير زيد وبالكوة حابسة دموعي يربي اريد زيد اريده هوة ماريد غيره يارب اجعله من نصيبي احبه هواي ومكدر بدونه
ابوية كلي نرجس بابا انتي شنو رايج تقبلين بالولد كلام امج صحيح اذا قابله انطينه موافقتج علمود نسئل عن الولد واهله ونردلهم جوابنه
اني كلتله بابا ماريد ازوج هسة بعدني زغيرة واريد اكمل دراسة واباوع لامي تريد تاكلني
محمد ابو كاظم: بنيتي اخذيلج يومين فكري بيهن ورجعينه جوابج
نورة ام كاظم: ماما نرجس وافقي ترى الولد ميتفوت اني اريدجن انتي واختج فاطمة تزوجن ناس حالتهم المادية زينه وهمة بينين خوش ناس عدهم اخلاق بقت بس نسئل عليهم بنيتي اني من زوجت ابوج جنت حسرة علية كلشي لان حصار جان بوكته من زوجنه اني وابوج وابوج جان ماعده الرجال بلكوة يدبر اكلنه لان جان حصار والناس حسرة عليهم كلشي لحد ورى الصقوط من تعين ابوج الا شوية صارت حالتنه زينه استعدلت وبعده ابوج اشترى هذا البيت الي كاعدين بي احنه بنيتي ماريدج تعيشين نفس معاناتي ومعانات هواي بنات اول مزوجن حسرة عليهن كلشي وهاي الايام مال الزواج المفروض البنية تعيشه بسعادة اقبلي بي بنيتي حبيبتي خالتج حاجتني عليج تريدج لابنه بس مقبلت تعرفين ابنه صاحب مشاكل وطلايب ولا شغل ولا عمل اقبلي بالولد احسلج حبيبتي بنيتي واذا على دراسة نشرط عليهم ميبطلونج من المدرسة
نرجس: بابا ماما تمام يومين وارجعلكم جوابي
ابو كاظم: على راحتج بنيتي
نورة ام كاظم: بنيتي فكري بس اخذي القرار الصحيح
محمد ابو كاظم: وانتم كاظم ونهاد شنو تكولون
كاظم: بابا مبيهه شي اذا الولد حباب واخلاقه عاليه ونرجس قبلت بي ماعدنه اعتراض
نهاد: بابا نفس كلام كاظم ماعدي اعتراض
أنت تقرأ
احببت ما حرم عليّ
Romanceشاب يقع في حب زوجة اخية فيصيطر عليه الشيطان ويحاول التقرب منه باي وسيلة 🔞🔞🔞🔞🔞🔞
