اسر قلبي🌻 ♾متى يلين قلبك لي♾ 🌼تيما مبارك بالدارجة المغربية مكتملة

الجزء السابع

❇️الجزء 201 ❇️
🌻 العودة إلى الماضي 🌻
♾متى يلين قلبك لي♾
🌼بقلم فاطمة الزهراء مبارك 🌼

طلعات نوران لبيت لي كانت فيه من قبل غير دخلات تفكرات شنو دار فيها آسر بقات كتبكي كيفاش وصلها لهذا الحالة مشات لبلاكار تهز شي حاجة تلبسها لقات تما حوايجها كاملين مستفين هذا باغي يسكنها معاه بزز
تنهدات خدات بيجامة خفيفة و فوطة دخلات الحمام لقاتو مجهز بكلشي حتى من شمبان ديالها و البان دوش تما عمرات الجاكوزي و تخشات فيه و رجعات راسها الور كتفكر حتى حسات براسها رتاحت عاد ناضت تحت الرشاش غسلات شعرها هزات البان دوش و دارتو لكن غير تفكرات شنو وقع ليها خدات كيس و بقات كتحك راسها حتى تضبرات بقات كتبكي بجهد و كتشهق حتى تفشات ولات كتحس براسها مسخة
شلات داتها و مسحاتها نشفات شعرها لبسات حوايجها و خرجات لقاتو جالس كي تسناها تجهلاتو كيبحال الا مكاينش تخشات في البلاصة و خلاتو كي شوف فيها

عيا صابر و هو ينطق :سمحي ليا على شي لوقع قبيلة مكنتش عارف عتجي
نوران:صمت
آسر:مبغياش تهضري معايا
نوران:الصمت
آسر:اوكي عنخليك تنعسي الخدامة لتحت انا نقول ليها تجيب ليك تاكلي انا عنمشي المشفى نجيب ليك دوسي ديال سطاج ديالك تسنيه
نوران:صمت
ناض بغا يبوس راسها و هو يتراجع خرج و خلاها طلب من عصام يجي عندو و يجيب ليه لي  وصله عليه داكشي ليدار آسر مشى المشفى وجد ليها دوسي جا عصام و عطله الورقة خشاها وسط من دوك اوراق و خرج هو وياه الوجهة ديالها الفيلا❇️الجزء 202 ❇️
🌻 العودة إلى الماضي 🌻
♾متى يلين قلبك لي♾
🌼بقلم فاطمة الزهراء مبارك 🌼

وصل عندها لقاها مزالة في بيتها جالسة في الباركو مشى عندها و جلس حداها

آسر:دوسي خاصك تسنيه باش تصيفطيه لافاك

نوران خداتو من عندو بلا متشوف فيه سنات على لوراق كاملين و مداتها ليه في حين هو فرح وخى عارف انه مسولهاش و دار غلط لكن هذا الغلط من مصلاحتها هود عند عصام عطاه الورقة بعد ما صورها بتليفون و رجع طلع عندها لقاها مزالة في بلاصتها حط قدامها دوسي

آسر: غدي نخلي ليك الدوسي تقرايه على خاطرك و من بعد راه بيسي صيفطيه لافاك ها هما امراتي لعزيزة (بلعاني نطقها باش تهضر)
نوران(شافت فيه بصدمة)
آسر: اه مراتي دابا وليتي بشرع و القانون دابا نخليك انا راجع
نوران:كيفاش وليت مراتك كيفاش سنيت على ورقة ديال الزواج
اسر(فرح سيمانة مسمع صوتها): كيف سمعتي دابا وليتي مراتي
نوران:كيف ديرتي ليها
آسر:عاد سنيتي عليها دابا
ناض بغا يخرج و هي تشدو:لياش باغي توصل
آسر: ليك
نوران:باغي تاسرني عندك هنا حياتي كلها
آسر:ياك كتبغيني فين كاين عندك المشكيل
نوران:انت راك ضمرتيني و انا مستحيل نسامحك
آسر:حتى هذه عنلقى ليها الحل
نوران:وليت كنكرهك ا آسر بسبابك مبقيتش كنحمل راسي عفتو عرفتي شنو معنات عفتو وليت كنشوف راسي في المراية كنشوف وحدة مسخة شوف شوف مزيان كيف رديتيني و دابا سنيتيني على ورقة الزواج بلا منعرف حرام عليك ا آسر شنو درت ليك شنو دنب لي درت في حياتي حتى جزاني الله بيك شنو شنو شنو