اسر قلبي🌻 ♾متى يلين قلبك لي♾ 🌼تيما مبارك بالدارجة المغربية مكتملة

الجزء العاشر

❇الجزء 351 ❇️
🌻 العودة اسر قلبي🌻
♾متى يلين قلبك لي♾
🌼بقلم فاطمة الزهراء مبارك 🌼

هزات عينيها بانت ليها صاحبتها لي هذه 8 سنين مشافتها ولو انهم كانو كي هضرو في التيلي لكن مشي بزاف ناضت و عنقاتها فرحانة و حتى صوفيا

نوران:الحب توحشتك
صوفيا:عليها صونيتي ليا و سولتي فيا او قلتي اجي نتلاقاو شي نهار
نوران:اجي جلسي بعدة

جلسو:عارفة راسي غير سمحي ليا والله غير الخدمة و الدراري لي دارو ليا هكدا
صوفيا:مشي مشكيل الآلة
نوران:تزوجتي درتي شي وليدات
صوفيا:باقى على الله
نوران:اوا فين شاداها
صوفيا:والو غير يالله بديت الخدمة هنا
نوران:هنا هنا
صوفيا:اه صرحة راجلك لهلا يخطيه هو لي هاوني
نوران:ولكن شهادتك تخدمك في اكبر مشفى في الامريكا
صوفيا(حنات راسها ):صرحة مكملتش تما
نوران (شدات يديها):شنو وقع اصوفيا
صوفيا:انت عارفة انني دخلت الجامعة بالمنحة دارها ليا عمي
نوران:اه
صوفيا(عينيها دمعو):منين مات حيدها ليا ومقدرتش نكمل تما و نخلص و هما يخرجوني
نوران(بقى فيها الحال من جيهتها):شنو وقع مكملتيش
صوفيا:رجعت لهنا و دفعت الجامعة ديال الطب هنا فكازا و قدرت ندخل ليها تما كملت و منين تخرجت شحال و انا كنقلب لكن ملقيتش حتى تلاقيت راجلك و عودت ليه شنو وقع و خدمني هنا و هذا اول نهار ليا
نوران:وعلاش منين هضرت معاك مقلتي ليا والو
صوفيا:مقدرتش نقول ليك
نوران:و علاش انا صاحبتك الا كنتي معتقولي لا والو
صوفيا:صافي دابا كلشي فات
نوران(عنقاتها):صافي نوضي معايا باش نبداو يالله
صوفيا(وقفات بفرح):يالله

وقفات معاها نوران غير وقفات شداتها الدوخة شداتها صوفيا :نوران مالك
نوران:مشي شي حاجة غير الدوخة يمكن وقفت بالزربة
صوفيا:اجي رجعي جلسي
نوران:لا يالله راه فاتتني

خرجات صوفيا و تبعاتها نوران كتمى غير بشوية عليها حتى فاتها الحال توجهات المكتب الاجتماعات هي و صوفيا باش يعرفو رئيس الاطباء و صوفيا تلتحق بالخدمتها❇الجزء 352 ❇️
🌻 العودة اسر قلبي🌻
♾متى يلين قلبك لي♾
🌼بقلم فاطمة الزهراء مبارك 🌼

في تركيا كانت مرام خدامة و كتمشي فيلا ديال جدها غير باش تشوفو لكن ملقاتوش

مرام :ماما فين هو ولد خالي
عايدة:معرفتش ابنتي يمكن رجع بحالو
سيف:لا راه مشى لمغرب
عايدة:اويلي ياكما تبعها
مرام(تعصبات لكن مبيناتش ):اممم مزيان
سيف:غدي نمشي المغرب في العشية
مرام (ودنيها تقلشو):بصح صافي عنمشي معاك
سيف:واخا و الاوطيل
عايدة:اه و الاوطيل ابنتي
مرام:اصلا كنت عنمشي الاوطيل ديال مرات خالي الله يرحمها لي فكازا عنشوفو
سيف:لي بان ليك المهم سيري الدار بدلي و جمعي وحوايجك راه غندوز من موراك باش نمشيو
مرام(بفرح):اوكي خويا

خرجات كتجري ركبات الوطو ديالها و مشات الدار دوشات و خرجات لبسات حوايجها و جمعات لي عتدي معاها و هي تسمع الصوت تيلي كي صوني هزات و هزات شانطتها و هودات بالزربة عندو ركبات حداها و ديمارا نيشان المطار نزل و نزلو شانطتهم و زادو بيها قداو اجراءات السفر و طلعو الطائرة جلسو حدا بعضهم حيت سيف قطع ليها حتى هي حداه
بعد ساعات كان الطائرة حجات في الاراضي المغربية نزلات و نزل معاها سيف توجهو الوطو لي وصى عليها ركبو بجوج و مشاو نيشان الاوطيل نزلو و كل واحد طلع البيتو❇الجزء 353 ❇️
🌻 العودة اسر قلبي🌻
♾متى يلين قلبك لي♾
🌼بقلم فاطمة الزهراء مبارك 🌼