هبطت ندور فالحرم جامعي اليوم كان نشيط الكل رام يسجلوا فالنوادي انا والله حكمني الفضول ، شفت من بعيد عنوان واحد النادي اسمه نادي كتب كنت رايحة ليه حتى يخبطوا فيا مجموعة من بنات برهوشات كانوا رايحين يتجمعوا عند واحد طونوبيل انا مديتهاش فيهم الصراحة لميت الخريطة و كنت حنمشي فيلوا حتى نرقا سنسلة طاحت كان عليا نرفدوا دنيتوا على طريق و هبطت نسقم فالسنسلة تاع الفيلوا كانت تضرب فيا واحد الشمس فتاكة حتى وين حسيت بظل تاع عبد جا و وقف طلعة راسي زعما مدلي سدوا باش نوض درتلو 🙅🙌 و نظت قابلتوا .
لو شي : هاي ، انا لو شي .
كاتيا: اه هاي انا كاتيا.
لوشي : نتي داركم معلموكش بليك كي يعاونك كشما واحد مترديهش .
كاتيا: صرى سوء فهم.
لوشي: فهميني.
كاتيا: ديني ميسمحليش نمس يد راجل غريب.
لوشي: نتي مسيحية.
كاتيا: نو مسلمة.
و قبل ما يكمل كلاموا قاطعاتوا.
انا دك سمحلي راني مشغولة.
راحة ماركات و دارة فالحرم الجامعي حتى شبعة موراها و لات و رقدت كالبيبي صغير.
............
نولوا للور لاحداث بنظرة لوشي.
غوا: يا وليدي دك علاه راك تبقى فالسكن الجامعي عندكم داركم الله الله
لوشي: بما انا راني رايح و هو يبقى يكسرلي فراسي حياتي و انا حر فيها، ديجا بقاولي ثلث سنين و نفحتلكم .
غوا قبل ما تكمل خرج.
لوشي كان هدا وين لحق لحرم جامعي غارا طونوبيل و كان رايح لنادي كرة السلة كي العادة يسجل جاو ليه حشد من البنات كونه الوسيم المعروف بالجامعة قاهر القلوب مهم الجيش تاع المعجبين كانوا يهرسوا اخضر و اليابس لاحظ لوشي بليك برهوشات قلقوا واحد طفلة ( عندها خلفية بنسبة ليه)بصح متفكرهاش مليح راح يهدر معاها وصرى وش عرفتوا مور ما راحت كاتيا للكشك تاع نادي .
لوشي: وي ناصر وينك.
ناصر هذا صاحب لوشي عربي.
ناصر : راني جاي من محطة تاع الباص.
لوشي اجري عندي معاك هدرة .
ناصر وين نتلاقاو.
لوشي : غدوى صبح نتلاقاو فالكافي تاع الجزء الجنوبي لي قدام السكن تاع لبنات .
ناصر : ايا اوك .
لوشي طلعوا لراسوا الدم تقلق شكون هذي طفلة شجاعة تجاهلاتوا مع أنواع غاع الجامعة تعشق فيه .
......
