قالو: واش دناك ليها. اهدر كيفاش تقرب ليها. لصقو فالحيط اووخنقو. و يحلف فيه. حق ربي و تزيد تديرونجيها غير نقتلك
المافيا: احكم يديك. ديجا شكون نتا
معتصم: انفاال واش داك ليها
المافيا: ههه علاش نتا شكون
معتصم: خطيبها ديجا مادخلكش
المافيا: ههه خطيبها. اوو مي هيا هاي معايا 🙄😂
زدم معتصم باش يضربو. حتا جبدلو السي المافيا الموس في وجهو 😳
ضربو ضربة قاسو قدام عينو تفتح شوية
راحو زدمو ليه او ضربوه ضرب كلاب او ولاو للدار
لنفال ضلت تعيطلو. حرقت التيليفون مي ماكاش . خافت عود كاش ماصرالو
انفال: ياربي واش درت يا ربي.
اميمة: ماتخافيش انشاء الله مايكون غير الخير
حتا دخلت ابال من عند معتصم. او صوتو خشيين
انفال: يااا عمري وين كنت خفت عليك حق ربي
معتصم: نن كنت غير هنا.
انفال: ياك صافا
معتصم: الحمدلله ياربي
انفال: واش درتلو
معتصم: واش نديرلو باينا ضربتو
انفال: ياك مادارلك والو
معتصم: نن والو
اسمعي
انفال: وي
معتصم: تقدري تخرجي غدوا عندي هدرة معاك او ارواحي وحدك مانطولوش
انفال: اه ضوك نشوف معلاباليش
معتصم: اوك باي
انفال فاقت بلي ماكانش مليح. او قررت تروح تخرج غدوا معاه
معتصم توسوس من هدرة المافيا كي قالو هاي معايا. و الشيطان بقا ايوسوس. و تفكر صاحبتو القديمة الس دار فيها مونفيونص معا اللخر خرجت ماتسواش
و قال في بالو "الي قرصو الحنش. ايخاف ملحبل"
جازت العشية هذيك او جا غدوا من ذاك. انفال قرات حتا ل12.00او عيطلها معتصم باش يروحو
كانت لابسة هاك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هههه اما هاذ الخطرة حصلت منين تركب او باينا فتحلها الباب ملقدام 😂😂
طلعت
انفال: سلام
معتصم: اهلا
انفال: كيف حالك
معتصم: صافا و ديمارا او باين كان مقلق
انفال: وين معتصم
معتصم: لبلاصتنا 🙂
انفال: ايه معليش. بصح وشبيك
معتصم: والو مي كي توصلي تفهمي
انفال: خافت مي جامي دارت في بالها ايخمم يضرها
بقات ساكتة حتا وصلو او هبطو. راحو ريحو في بلاصة مقابلة البحر
انفال: اهيه ا سي معتصم واش كاين غير الخير
معتصم: انفال تعرفيني نبغيك او تعرفي معزتك عندي
انفال: وي علابالي
معتصم: و تعرفيني شحال نغير عليك. انا كي نشوف واحد يخزر فيك نقدر نخسرلو وجهو نورمال. انفال افهميني ندير فيك ثقة عميا مي يرحم والديك ماتزيديش تهدري معا حتا ولد.
انفال: مانهدر معا حتا واحد
معتصم: صحا مديلي تيليفونك 🙂
انفال: ااا مالا ماراكش داير ثقة فياا
معتصم: نن داير فيك كونفيونص كثر من روحي مي مديلي تيليفونك نشوفو
انفال: علاش بصح
معتصم: انفال هاتي تيليفونك 🙂
انفال:.....
يتبع *
أنت تقرأ
احببته فهل سيتزوجني (باللهجة الجزائرية)(قيد ااتعديل)
Actionهااااي حبايبي جيتكم بكرونيك جديييد لهبااال تاع الدنيا ❤كرونيك نااااار ايهبل. 😍🧸فيه ضحك تمسخير لعب رومانسيييي احداث غير متوقعة 🤍😌تبعو معانا باش تعرفو قصة معتصم و أنفال واش صرا بيناتهوم. كيفاش حتا صرااا ماهي النهاية 🙄ماتراطوووش ⬇️❤ يحكي علا انف...
