احببته فهل سيتزوجني (باللهجة الجزائرية)(قيد ااتعديل)

Part 12

معتصم: مالا ني قاعد فالدار 😂
انفال: ايه كحل ملييح بصحتك 😑
معتصم: علاه هاذيك عبد ايكحلو عليها الناس
حتا زادت دخلت لالة المسمومة بلا ماتطبطب
اللفعة: بصوت رقيق: معتااصم واش نطيبلك العشا 😌
معتصم: ماناكلش. نفطر برا
انفال: ايييي مليحة هاذي. ولات مرتك تشاورك واش تطيبلك. نوووض حق ربي غير تنوض تخرج.
معتصم: هههه غيورة 😂😂😂
انفال: ماتيش غيورة 😑
معتصم: مالا بڨرة 😂🐄
انفاال: نتا البڨرة
زادو هدرو شوية و كوپاو
معتصم راح طلع فطونوبيلتو و ضرب طلة للشركة. دار دورية عالعمال. المرااقب هههه. شاف واش كاين واش ماكاش و خرج.
حصل واش ايدير حكمو الفيد هههه حتا تفكر بلي عيد ميلاد انفال قرب
راح شرالها من كل خير. خدملها كادو ايهبل ❤

شوووفوو لبنات شوفو. هياا نبكي في صمت 😭😂
كان مازالو لعيد ميلادها 15ن يوم
نروحو لانفال •••
انفال كانت مريحة مها اميمة في مطرح واحد مغطيين بالكوات. كانو يتفرجو فلي ريل تاع انستغرام حتا وصللها ميساج لاميمة من الپروف تاعهم
"Bonjour le groupe 5.Le projet dyalkom jiboholi mor lvakons . Bonne courage"
انفال: يااا قرب الوقت
اميمة: وي شتي
انفال: ساهلة ساهلة
اميمة: ضوك نشوفو كيفاش
كملو يتفرجو
انفال: اميمة ضاق خاطري و ثان خصوني صوالح نشريهم
اميمة: نخرجو؟؟
انفال: اياا نوضي روحو ندورو شوية
ناضو بدلو ستيكاو روحهم كي العادة و خرجو
راحو بدلو جو ضحكو تمسخرو و دخلو لواحد السوپر مارشي شراو كللش ماخلاو شوكولا ماخلاو مكسرات اي حاجة كانت في قلبهم شراوها. و شراو ثاني دوزان الپروجي ثاني
كي كملو ولاو للجامعة و طلعو لشومبرتهوم
بدلو تعشاو و ريحو مڨصرين حتا راحت كل وحدة حكمت تيليفونها و مكسلا في بلاصتها
انفال دخلت للفايسبوك و بعثتلو لمعتصم
هاي معتاا كيراك
معتصم: الحمدلله ونتي
انفال: صافاا الحمدلله
معتصم: اهيه وين كنتي
انفال عيطت و قالت لاميمة: اااا اميمة معتصم قالي وين كنتي. زعما ايكون شافناا؟؟؟؟؟. واش نقولووو
اميمة: ماتكذبيش قوليلو خرجنا نحوسو
انفال: مي قالي بالاكي تزيدي تخرجي بلا ماتقوليلي
اميمة: قوليلو و راضيه ونتي شح علاش ماقلتيلوش
انفال: بفففف
ريبونداتلو: اه خرجنا انا و اميمة نشرو شوية صوالح
معتصم: يتسما انا هدرتي راحت خسارة ياك
انفال: لالا والله مي جات مزروبة و ماطولناش
معتصم: يتسما واش حابة نتيا ياك قلتلك و عاودتلك ماتخرجيييش وحدك. المجتمع ماراااهش يرحم. واش خسرتي اذا قلتيلي معتصم ني خارجة. زاد في نص ولا نقص
معتصم كان مقلق بزااف. شغل حس روحو مايڨزيستيش كامل و زيد تقلق كي دابز زوج خطرات علا جالها و هيا رماتو فثقيل و خرجت
انفال: معتصم سمحلي. صايي مانزيدش نخرج بلا مانقولك
معتصم: ني هدرت و اخر مرة نعاود بالاكي تزيدي تعاوديها. نتي علابالك واش صرالك بهاذ الخرجات وحدك. و الطريق الي تجوزي منها ايكونو فيها غير صحاب دعاوي الشر. مانيش مزير عليك ولا. ني خايف عليك افهميي
انفال: سيي عندك الحق اسمحلي وعد و ماتزيدش تتعاود
معتصم: اوكي متفاهمين
انفال: متفاهمين 😌💕
معتصم: صحا
انفال: نقولك حاجة 😅🌚
معتصم: قولي
انفال: توحشتك 🥰😭
معتصم: ااااربي 😍مام انت توحشتك و بزااف يا البڨرة
انفال: عجمي 😹. اسمع نقولك ني رايحة لدارنا فهاذ الويكاند توحشت يما بزااف
معتصم: اوك نوصلك
انفال: و لوكان ايشوفوني
معتصم: ماتخافيش قبل مانوصلو لجيجل نحطك و كملي وحدك
انفال: اوكي . بالخميس ع12.00 نروح
معتصم: اوكي ع12.30نجي نديك. بيسك خدام نخرج ع12مام انا
انفال: اوكي تفاهمنا عمري
معتصم: اوكي حبي 🥰💞
جازو يامات و وصل نهار الخمييس المنتظر من معتصم بزااف 😌😍😹
ياادرا واش راح يصرا. انتظروني البارت القادم. ماتنساوش دعمكم يشجعني 😌🥰