احببته فهل سيتزوجني (باللهجة الجزائرية)(قيد ااتعديل)

نكملووو 😌😍

معتصم قد ما هدرت مانقدر نكمل واش من الزين واش من الكور واش من الحطة الله الله. عندو باباها يخدم في شركة كبيرة يماه شوية واعرة مي قلبها بيض. عندها شوارب المسمومات هاذوك الرقااق 😂😂😂😂
المهم انسان ماعندي ما نقول (لوكان ايصحلي واحد كيما هو نتوب لربي ديراكت😂)
انفال وصلت للبلاصة الي كانت حابة تروح ليها. هبطت من البيس او هبط هاذاك الجان معاها. خوس يهدر معاها مي هيا ماقيماتوش. راحت ديراكت. تبعها حتا شافها دخلت الجامعة او راح
انفال قالت في قلبها (اوووف يا ربي بعد عليا هاذ الجناس من النهار اللول يا عاجابة 🤦‍♀️بصح شباااااب زل يا قسامك علاه ماهدرتيش معاه...  اييي انفال بلعي جيتي تقراي ماشي تتمسخري خلاص) 
هههه ماتتخلعوش هاذي غير انفال تهدر معا روحها
راحت للادارة جابت المفتاح تاع الشومبرا تاعها او طلعت. كانت شوية موسخة مي نيطواياتها رجعتها تهبل ❤😍
عيطت ليماها قالتلها وصلت او هناتها عليها حتا تسمع تطبطيب فالباب تفتح تلقا طفلة شريكتها فالشومبرا. دخلتها او ريحو قالتلها: اييي شاطرة ديجا نقيتي الحالة رجعتلها انفال: هههه وي مرحبا بيك
هاذي صحبتها هيا شابة مي انفال خير خاطيها طريق المعوجة مي تديرهم ملتحت للتحت مغامرة او زهوانية. يون بعد يوم تعارفو و تقربو لبعضاهم. اميمة حكات لأنفال بلي اون كوبل معا واحد تحبو او وعدها بلي راح يخطبها كي تكمل قرايتها
واحد النهار كيما كامل نهارات انفال او اميمة خرجو يشرو واش خصهم حتا شافها هاذاك الي ركب معاها فالبيس او جا يجري ليها مي ماحلباتوش.قالتلو:خويا روح الله ايسهل عليك.قاللها:اقسم. بالله ماني خاطيك حتا تحكميه .. دخلت للحانوت تشري او تبعها او قاللها ا بنت الناس احكمي ماتبهدليناش اومبعد ساهل. حشمت او حكماتو او ولاو للاقامة. بعد 15ن يوم قالتلها اميمية: ايي انفال عيطتليو. ردا عليها: هههه منيتك
اميمة: علاش واش خصو ايبان هايل زل يا محاينك
انفال: و انا واش دخلني
اميمة: معليش اسيدي واش رايك نعيطولو ماسكي
انفال: ههههه فكرة مليحة مي مانهدرش انا
اميمية: صحا انا نهدر . خلي كي توصل لل00.00 نعيطولو اذا كان اوكيپي حلاااب ملكبار اذا رفد نورمال 😂
انفال: ستووتة ياااه
كي وصلت 00.00تاع الليل حكمو تيليفونهوم #31#و عيطو حتا يسمعو صوت خشين
السيد: الو شكون
اميمة بدلت صوتها: الو مسلخير
السيد البقلازة قصدي : واش من مسلخير الناس راقدة و نتي تعيطي ديجا شكون عزرينك ضوك نتي
اميمة: ياااه انا حبيبتك ماعرفتنيش
البقلاوة: رووحييي ق***
حبااااايبيييي باي مرة ثانياا
او باش تكملو للقصة لااازم عليكم جام كومونتار بارطااح باااش نحبكم. يااادرا واش راح يصرا معا اميمية او انفال او البقلاوة. تبعو القصة تعرفوو بااي 😍😂