🔥🌘 The Eclipse 🔥🌘 💚 YZ ❤️ Complete

🌘🔥 29.🍁 මිනී මරුවා..! 🍁 🔥🌒

"මහත්තයො....ඇස් අරින්න....ඔබතුමා ඇහැරිලා නේද.."

මූණට දැනුණ සීතලත් එක්ක zhao පියවෙලා තිබුණු දෑස් ඇරියේ අමාරුවෙන්. ඇස් වලට වැටුණු එළිය නිසාත් ඇස් දෙක පිච්චෙනවා වගේ ගතියක් දැනුණු නිසාත් එකපාර ඇස් අරින්න බැරි වෙද්දී නැවතිල්ලේ හෙමිහිට ඇස් ඇරපු zhao කටහඬ ආපු දිහාට දෑස් යොමුකරා....

"ඔයා..."

"ඔව් මහත්තයෝ... මහත්තයා කන්දට යන්න නේද ආවෙ...මං මේ කඩේක ඉද්දී මහත්තයා ව දැක්කේ...කතාකරන්න කියලා ළඟටම එද්දී කලන්තෙ දාලා වැටුණානේ..."

ළඟ තිබුණු කඩේක ඇතුල් පැත්තෙ තිබුණු තට්ටුවක zhao දිගා කරලා තිබුණා වෙද්දී ළඟ හිටපු කෙනාගේ වාරු ඇතිව zhao හෙමින් වාඩි උණා.තමන්ගෙ පසෙකින් ඉඳන් කතාකරන බස් එකේ කොන්දොස්තර දිහා zhao බලන් හිටියේ ස්තුතියි කියන්න වගේ බැල්මකින්.zhaoට දැනුණේ කතා කරන එකමත් වෙහෙසක් වගේ.

"මහත්තයා පැය භාගයක් විතර ඔහොම හිටියා.මහත්තයට හොඳටම උණ.ඇඟ ගිනි කබල වගේ...යනකොට හිටියා වගේ නෙමෙ මහත්තයා හොඳටම ඇදිලා ගිහිල්ලා."

" ම්ම්..ඇඟට අමාරුයි.."

"ඇයි මේ අද තනියම...අනිත් මහත්තයා කෝ.."

"......"

කියන්න දෙයක් හිතාගන්න බැරි වෙද්දී zhao දුක්බරව හිනා උණා.

"මහත්තයට එන්නම ඕනා කමක් තිබුණා නම් ඒ මහත්තයාටත් එන්න තිබුණානේ...ඒ මහත්තයට යුතු කමක් නෑ තමන්ගෙ සැමියව මෙහෙම තනියම එවන්න.."

"ආහ්.."

Zhao පුදුමයෙන් බලන් ඉද්දී කොන්දොස්තර තමන්ගෙ බෙල්ලට අතින් තට්ටුවක් දාන ගමන් zhaoගේ බෙල්ලෙ සලකුණ ඇහෙන් පෙන්නුවා.

"ආ මං ඔය ලකුණ දැක්කා...ආපහු යන්න ආව දවසෙ ඒක දැක්ක ගමන් මං දැන ගත්තා.ඔබතුමන්ලා ගෝත්‍රික ගමේදි විවාහ වෙලා කියලා.ඒ නැතත් මං දැන ගත්තා මුලින්ම ගිය දවසෙ ඔබතුමන්ලා එකට නිදන් ඉන්න හැටි දැක්කම..."

ගෝත්‍රික ගම්මානේ අය කෙසේ වෙතත් මේ තරම් දියුණු යුගයකත් චීනෙ තියෙන තත්වෙත් එක්ක කදුකරේ නගරෙක කෙනෙක් මේ වගේ සම්බන්ධයක් ගැන සැහැල්ලුවෙන් කතා කරද්දි zhao බලන් හිටියේ පුදුමයෙන්.