Ep 15
"စာသင်ရတာအဆင်ပြေရဲ့လား"
"ပြေတယ်"
ရတုက မူပိုင့်ကို ကျောင်းသို့ညနေဘက်လာခေါ်ရာမှမေးလိုက်ခြင်းဖြစ်သည်။ရတုကမူပိုင့်ကို အငယ်တန်းတွေပဲသင်စေချင်၍ မူပိုင့်မှာရတုစီစဥ်သမျှကိုသာဘာမှမပြောတော့ဘဲငြိမ်နေလိုက်ရသညိ။
ပြီးတာနဲ့ရတုက မူပိုင့်ကိုတစ်ချက်ကြည့်ကာ....
"ဘာစားအုံးမလဲ"
"မစားတော့ဘူး"
"နေမကောင်းဘူးလား"
"ကောင်းပါတယ် ဒါနဲ့ ပြောစရာရှိတယ်"
ရတုက ခြံရှေ့သို့ရောက်သည်နှင့်ဟွန်းတီးလိုက်တော့ တံခါးလာဖွင့်ပေး၍ ခြံထဲသို့ မောင်းဝင်ခဲ့လိုက်သည်။ပြီးတာနဲ့ မူပိုင်နဲ့အတူကားပေါ်မှဆင်းကာအိမ်ထဲသို့ဝင်၍ အပေါ်ထပ်သို့တက်ခဲ့ကြသည်။မူပိုင်ကလက်ထဲတွင်ကိုင်ထားသော ပစ္စည်းတွေကို အခန်းထဲက ဆိုဖာပေါ်တွင်တင်လိုက်ကာ.....
"ပြောစရာဆိုတာထက် တောင်းဆိုတာ "
"အင်းပြောကြည့်လေ"
"ငါကျောင်းပိတ်ရက်တွေမှာ အရင်လိုပဲ မာတာရဲ့ကျောင်းကိုသွားပြီး ကလေးတွေကိုစာသင်ပေးချင်တယ်"
"ကျုပ်အဲ့ကျောင်းအတွက် ဆရာငှားပေးလိုက်မယ်"
ရတုကမူပိုင်နဲ့ပြောနေရင်း ရေချိုးဖို့အတွက် အင်္ကျီကြယ်သီးတွေကိုဖြုတ်နေလေသည်။မူပိုင်ကလိုချင်သောအရာမရ၍ ရတုအနားသို့လာကာ ကြယ်သီးကူဖြုတ်ပေးလိုက်ရင်း....
"ခွင့်ပြုပေးပါ ငါအဲ့ကလေးတွေကိုတကယ်သံယောဇဥ်ရှိလို့ပါ"
"မူပိုင်ရှင်"
ရတုက မူပိုင့်အားမျက်မှောင်ကြုတ်၍ကြည့်လိုက်တော့မူပိုင်က အကြံရသွားသည့်နှယ်...
"အဲဒါလေးတစ်ခုပဲလိုက်လျောပေးရင် မောင် လို့လည်းခေါ်မယ် စကားလည်းနားထောင်မယ်"
"မူပိုင်ရှင် ကျုပ်ကိုဒီလောက်နဲ့လိုရာပုံသွင်းလို့ရမယ်ထင်နေတာလား"
ရတုက အင်္ကျီကိုချွတ်ပြီးသည်နှင့်ရေချိုးခန်းထဲသို့ဝင်သွားဖို့ပြင်လိုက်ချိန်...
"ဒါဆိုဘာလုပ်ပေးရအုံးမလဲ"
"မလိုဘူး မောင် လို့မခေါ်လည်းရတယ် ခေါ်ချင်တဲ့သူတွေမှ တပုံကြီး"
YOU ARE READING
မောင့်ရဲ့မူပိုင်ရှင်(Complete)
RomanceIntro (Uni) "ရတုမင်းခန့်မောင်...." "ဟော....နာမည်ကိုအရှည်ကြီးခေါ်ပြန်ပြီ မောင်လို့ပဲခေါ်ပါဆို" "တောက်...ရတုမင်းခန့်မောင်... မင်း...." "ဟုတ်ကဲ့ပြောပါ မောင့်မူပိုင်ရှင်" Intro (Zg) "ရတုမင္းခန႔္ေမာင္...." "ေဟာ....နာမည္ကိုအရွည္ႀကီးေခၚျပန္ၿပီ ေမာင္လို႔ပဲေ...
