وتعدي الايام عليهم وفي فتور كبير بينهم
ميرا بتتعامل مع عاصم ببرود، تجنب، مش ناسيه اللي عمله معاها.. وعاصم زهق من الوضع دا هو مكنش عايز يعمل
كدا والوضع بينهم يوصل للبعد دا... مشتاق ليها جدا خناقاتهم هزارهم مشاكستها ليه حس بفراغ كبير من صمتها الدايم
هو افتكر انها مش طيقاه ومش عايزه تشوفه
وبقا يروح الشغل قبل متصحي ويرجع بعد نص الليل
يلقيها نامت يقرب منها يقبل جبينها وينام هو كمان..
والغريب انه بقا يوحشها هي كمان مبقتش بتشوفه عايزه تقرب بس مش عارفه... استغربت نفسها جدا هو ازاي بقى يوحشها كده وهي كانت بتكرهه الاول وفجاه اجى في بالها سؤال هل هي حبيته فعلا؟؟
فضل السؤال متعلق في بالها مش لاقيه ليه اجابه او مش عايزه تعترف لنفسها بده !!
وفي يوم جاسر وبدر وناديه راحو لميرا
ومحمد كان عازمهم و بلغ عاصم يرجع من الشركه بدري علي الغداء....
ميرا فرحت انها هتشوف عيلتها وكمان عاصم اللي مبقتش تشوفه..
عاصم رجع من الشغل وطلع أوضه يجهز..
دخل كانت ميرا قدام المرايه بتسرح شعرها
كان نفسه يتكلم معاها وحشاه جدا طب ليه بتوحشه بعد دا كله لسه مش قادر يعترف لنفسه...
سابها ودخل الحمام وبصتله بطرف عين واتنهدت بحزن وخلصت ونزلت تستناهم...
عاصم خرج لقيها نزلت لبس تيشرت وبنطلون وسرح شعره ونزل هو كمان...
كان كلهم متجمعين في الرسيبشن
بيتكلموا ويضحكوا انضم ليهم عاصم بعد
السلامات.... وجاسر كان مبسوط انه قابل نور..
جاسر بضحك: بس والله ياميرا البيت هادي من غيرك
ميرا بتخبطه بهزار: بقا كدا يارخم دانا نسمه ماكانش ليا صوت
جاسر: نسمه ولا ميرا ههههه انتي كنتي بطلعي عيني
من المقالب بتعتك ياشيخه
ميرا بغيظ: بس ياظريف عشان مقولش علي اا
جاسر: خلاص ياقمر انت ياعسل هو انتي في زيك
ميرا: ايوا كدا
جاسر: طب انا هقولك ميرا بتخاف من اي
نور: بجد اي
ميرا بغرور: مبخفش من حاجه
جاسر بضحك: لا في كنا نتفرج علي التلفزيون سوا
وانا اشغل فيلم رعب وهي متستحملش وتعيط
ولما ننام تخاف وتجي اوضتي وتنام في حضني
انا خايفه ياجاسر انا خايفه ياجاسر هههههه.
ميرا بتضربه: يارخم يابارد بس دا كان وانا صغيره بس
جاسر: هههه وانتي كبيره كمان لسه بتخافي عليا انا
اما عاصم رغم انو حس بغيره انها كانت بتنام في حضنه
بس ابتسم بخبث
بدر: مش هتبطلو ناقر ونقير مهما كبرتو
ميرا: اتلم بقا عشان مفضحش كل حاجه وانا اصلا فتانه
هااا
جاسر: دي ميرو دي حبيبتي
ناديه.. ههه ههه وارتاحنا من المشاكل بتاعتها
ميرا..انا
جاسر بضحك.. اه انتي فاكره الراجل اللي فتحتي راسه ورحتي القسم يا لهوي انتي مفتريه
ميرا.. ده انا برده انتم دايما ظالميني كدهون
نور بزهول.. انت بجد روحتي القسم قبل كده وكمان ضربتي واحد
ناديه.. يوووه واحد بس دي كانت كل يوم لازم تضرب لها واحد كل يوم مصيبه
جاسر كمل.. الراجل يا عيني خبط فيها من غير قصد وميرا ازاي تسكت نزلت سوحته وفتحت راسه وراحت القسم مش بس كده لما رحت اطلعها لقيتها ماسكه في الظابط هناك وشتمته كان يووم
أنت تقرأ
عشق العاصم
Romanceتدور أحداث الرواية حول بطلٍ مغرور يتصف بالعناد والكبرياء، وبطلة مشاكسة لا تخشى مواجهته في أي خلاف. كانت علاقتهما مليئة بالصراعات والخلافات الحادة التي لا تنتهي، وكأنهما خُلقا ليكونا خصمين دائمين. ورغم ذلك، تضطرهما ظروف العائلة إلى الزواج القسري، حيث...
