قبل مابدأ صلي على رسول الله عليه افضل الصلاة والسلام
-------------------------------
أقفلت أنين مع حور وهدير وبدأت تتمشى قليلا وهي تتذكر ماحصل معها
وبعد ساعه دخلت أنين إلى القصر ببرود وقوة نظرت فوجدت هناك محمد يجلس على الكنبه ويتصفح الهاتف
عندما سمع صوت رفع رأسه فرأى أنين فنظر لها بحنان ابوي حقيقي فهو يرى فيها سيف شقيقه الذي اشتاق له كثيرا
محمد : تعالي هنا يابنتي اقعدي جنبي
أنين في نفسها : لأ لأ مش هضعف قدامو انا هقعد وخلاص
اقتربت أنين وجلست بجانبه
محمد : انتي كنتي فين يابنتي كل دا احكيلي
أنين: مش وقتو يامحمد بيه مش وقتو في الوقت المناسب هحكيلكم
محمد : قوليلي بابا يا أنين انا زي ابوكي
أنين : لأ انت محمد بيه وبس
ثم تركته وذهبت في طريقها إلى غرفتها وجلست على السرير تفكر في كيفيه الوصول إلى الملفات فهي اصلا لا تعرف مكانها
في الليل جائت جميع العائله من أجل العشاء
مروان للخادمه: روحي قولي لانين ان العشا جاهز
الخادمه : حاضر يابيه
ذهبت الخادمه لكي تنادي على أنين وطرقت الباب عليها وقالت من وراء الباب
الخادمه : ياهانم بيقولك مروان بيه ان العشا جاهز انزلي كولي
أنين : مش عايزة
الخادمه : مش هينفع تقولي لأ ياهانم دا هيتعصب اوي
أنين : مايتعصب اعملو ايه يعني انزلي قوليلو أنين مش عايزه
الخادمه : بس يا هانم
أنين: مفيش بس قوليلو وخلاص
نزلت الخادمه وقالت لمروان انها لاتريد النزول
مروان لآسر : انا محدش بعصي اوامري روح جيبها يا آسر انت الوحيد الي تقدر عليها
آسر : وانا مالي ياجدي
مروان بحده : آسر
صعد آسر إلى غرفه أنين وطرق الباب
أنين: مين الي بيخبط
آسر بضيق : انا افتحي
ذهبت أنين وفتحت الباب
أنين : عايز ايه
آسر : انزلي كلي يابنت سيف احسنلك
أنين : لاوالله وانا خفت كدا يعني طير وقول لجدك اني مش هنزل سمعت ولا اغنيهالك
آسر : بقولك انزلي انتي لسه متعرفيش وشي التاني عامل ازاي
أنين: بقولك ايه ماتفك التكشيرة دي لحسن انا مابطقش الناس الكئيبه
