رجعت جلست في بلاصتها حطت الصاك بحداها... وهزت عينيها فيه عاد رجعت هبطتهم في هذيك لبوات لي كانت قدامها...
جواد: مطولة باع تفتحاها ... هزت راسها فيه... وحلت فمها... ها
مدت يدها بتردد كبير حابة تفتحها... وفي نفس الوقت خايفة... لاكن فضولها انها تعرف واش فيها غلبها... فتحتها تشوفها وهيا تشهق... غير طاحت عينيها عليها... وهوما يتسعو.. هزات بيدها في زوج تقلب فيها كانها تحب تتاكد... انها لي ترا فيه صح... وماهيش تتخايل
طلعت عينيه فيه وشافت معاه ونطقت
فلك: هذي... هذي سلسلتي صح
جواد: اوم ليها براسو... هيا
فلك: متعرفش شحال وانا نحوس عليها... هذي سلسلة عزيزة عليا بزاف... معرفتش واش نقول ... شكرا ليك بزاف
جواد: امانة وكانت لابد انها ترجع لاصحابها... ماعندكش علاش تشكريني
فلك: اومت ليه براسها.. وعينيها. على سلسلة تحس كانو روحها لي رجعتلها... عينيها عمرو بالدموع... كانت هذي الذكرة الوحيدة لي بقاتلها من ريحة امها... ياما ناض فيها محمد خوها باه تمدهالو يبيعها... ولاكن هيا كانت تفضل انها توكل طريحة وماتمدهاش ليه.... خبتها في صاكها... وهزات راسها كانت راح تنطق حتى صونا ليها تليفون فوق الطاولة... شافت في تليفونها... رجعت شافت فيه
جواد: تقدري تردي....
كانت ايمان... من نهار لي خرجت من دارهم... واحد ما اتصل لا حوس عليها عايشة ولا ميتة.... ناضت من فوق الفوتاي... وهزت تليفونها تجاوب... وعينيها على الكاس تع ماء حطت يديها راح تهز تشرب.... حتى
يوصلها صوت ايمان لي كان غلبو لبكا
ايمان: بصوت باكي... عمتو فلك... بابي.. بابي عمل حادث
فلك: غير سمعت هذا لكلام تحس في الزمن حبس وكلمت بابي عمل حادث بقات تتعاود في وذنها... بقات غير تردد بشفايفها... محمد خويا عمل حادث... وانا السبة... سيبت الكاس من يديها طاح فالارض حتى تبل حجابها... وهزت صاكها... وخرجت تجري... تمشي وتتعكل في حجابها...كانت قريب طيح حتى حكمها من يدها تكاها عليه وخرجها... وقفها قدام الطموبيل ونطق
جواد: صرات معاك حاجة... احكي وش بيك تبكي
فلك: هزت عيونها فيه حمر و دموعها تجري على طول حنكها ونطقت...بصوت متقطع... خويا... خويا محمد عمل حادث... سيبني عيشك... لازم نروح...
جواد: اطلعي نوصلك...
بقات تشوف معاه... حتى قفزها... مرة اخرى بصوتو
جواد: فتح ليها باب الطموبيل ونطق... اطلعي نوصلك مش راح تلقاي... شكون يوصلك لهنا...
طلعت تجري ماهيش حابة تزيد ضيع الوقت... مسافة طريق كانو وصلو لسبيطار... خلات صاكها في في وسط الطموبيل ونزلت تجري...يتبع
أنت تقرأ
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
