وقتاها كامل تعدى مابين لورق... ولكيسان تع القهوة يفرغ واحد تزيد تعمر اخر.... كانت لخدمة بزاف وكانت لازم تكملهم اليوم وتنقل كلش في فلاش ديسك وترتبهم على شكل ملفات وتكمل تعدل كامل لحسابات الشريكة وتنظمهم في جداول....
غير وصل وقت لغدا... وهيا صونات باه خدامة كامل ينزلو يفطرو.... من غيرها لي كانت حابة تكمل ماعينهاش تتغدى... حتى صونا تليفونها...
لقاتها عايد غير، هزت عليها جاها صوتها....
عبير: ماتبدلتيش... ديما خدمة... خدمة....
نظن اذا ماخدمتيش مش راح تفلس الشريكة...
انزلي هانا نستناو فيك... واش ماتوحشتنيش
فلك:عرفتها غير من صوتها... جاوبتها بفتور... اوكي راح ننزل
كوبات عليها... وتنفست... لوكان في هذا الوقت يخيروها مابين تنزل تقابل عبير ولا خدمة اكيد راح تختار انها تخدم 24/24
فرزت بيروها.... هزت صاكها خرجت منو لمرايا تشوف في روحها.... لقات كل شيء تمام.... رشت شوية من عطرها... وعادت عدت على شواربها بالغوج... رجعت كل شيء، لبلاصتو... وخرجت قفلت لباب... ونزلت لتحت... غير دخلت للمطعم وهيا تشاورلها بيديها... كانو في نفس الطاولة لي يجلسو فيها ديما....كانو صاي بداو يتغداو وحتى منها هيا طلبولها معاهم... راحت ليهم غير وصلت نطقت...
فلك: السلام...[كانت راح تجلس... حتى جبدتها عبير من كتافها]
عبير: سلام هكاك... ايجي نبوسك... سلمت عليها عاد جلست...
بقات لمياء وعايدة يشوفو في بعضاهم و تحول عبير مع فلك
حتى نطقت لمياء مغيرة الموضوع
لمياء: كيف جاك العرس... على حساب مانشوف بدلك... ولعريس واش بيا معاك
عبير: اه اكيد رياض بيا معايا... و معرفتش تحس بكل حاجة تبدلت في حياتي بين ليلة ونهار... اكيد مش كي تكوني وحدك كيف ماتكوني معاك حد... ومتشاركين في كل شيء...
كانت تنقب من بلاتو لي قدامها وساكتة وغير تسمع فيهم حتى حطت الفرشيطة ونطقت.. بصحتكم نخليكم مزال تابعتني خدمة لفوق..شافت مع عبير..وكملت تحكي...كل شيء مبروك عليك مرة اخرى وتتهناي ان شاء الله...
عبير: استناي... ارجعي اقعدي... مزالت عندي هدرة معاكم...
عبير: المهم لبنات حبيت ندير لمة صغيرة فالدار وحابتكم تكونو معايا توحشتكم... هزت عينيها مع فلك ونطقت توحشت مناڨرتي مع فلوكة
عايدة: بتسال نحنا
عبير: اه انتم علاش انا عندي صحبات اخرين خلافكم
اومولها براسها ان شاء الله...
لمياء: المهم مايكونش الوقت ونحنا خدامين على بالك بلي قريب اخر العام وضغط علينا
عبير: نعرف انا اصلا حبيتها وقت الويكاند باه نقعدو في راحتنا...هزت عينيها في فلك مرة اخرى ونطقت لازم تجي وراح نستناك...
شافت عايدة مع فلك.. اكيد راح نجو ان شاء الله.... كملو حكياتهم كل مرة يجبدو على موضوع حتى فاتت ساعة لغداء ورجع كل واحد لخدمتو... وعبير حتى هيا روحت.... يتبع
أنت تقرأ
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
