نوفيلا ترتيل العشق

الفصل الثالث

السلام عليكم ورحمة الله وبركاته

قاطع تلك النظرات فيما بينهم صوت والدته وهي تهتف بأمل قد تم إحيائه برؤيتها لنظراتهم:-"سلم علي ترتيل يا غيث"

ليحمحم بخشونه وهو يردف:-"ازيك يا ترتيل عامله ايه "

-"بخير الحمد لله،حمد الله على السلامه "

-"الله يسلمك"

كانت مجرد جمل يرددها كل منهم علي مسامع الآخر،كما المعلم الذي يطرح الاسئله والطلاب يُسرعون بالإجابة خوفا من العقاب!لكن هم خوفا من السماح لأي مشاعر من أن تفضحهم
ليقطع ذلك الصمت المُفاجئ صوت خديجه وهي تردف بحماس:-"طيب بما إن لسه معاد العشا مش دلوقتي لسه؛ هنزل ألعب كوره مع يزيد والأطفال تحت"

انتبه الجميع لما تفوهت به لينظر لها أبيها بصدمة وهو يُردف:-" يا بنتي هو انتِ ليه مصممه تموتيني بصدمة أو بسكته قلبيه؟!تعالي أقعدي يا ديجا يا حبيبتي وإعقلي"

-"جرا إيه يا بابا؟ده مجرد لعب كوره،وبعدين هو أنا قولت هلعب في إستاد مصر!هي كلها كام رميه للكوره برجلي علي كام شتيمه لبعض أنا ويزيد وفي الآخر أبوظ ليه الكوره ونتعارك ويرجع هو يصالحني ب.."

أردف تلك المره خالد وهو يضع يده علي فمها يمنعها من استكمال حديثها وهو يردف بتشنج:-"بس خلاص، ايه راديو واشتغل!!وبعدين هو أنا مش قولت مفيش لعب كوره ولا أنا كلامي مش بيتسمع؟!"
أنهي كلماته برفعة حاجبه الأيمن بخبث لتردف بتذمر:-" يا خالد عايزه العب وبعدين هو فيه حد في الشارع!!الشارع كله فاضي،نص ساعه بس الهي تنستر"

لينفجر الجميع ضاحكين عقب انهاء كلماتها لتنكمش ملامحها بتذمر وهي تردف:-"طب واللهِ لأنزل ألعب ها"

ثم ذهبت مُسرعه ناحية باب المنزل ليُسرع خلفها خالد وهو يُردف بمرح:-"استني يا هبله جاي معاكِ"

أشاحت له بيدها وهي تفتح الباب وتُردف:-"طب إبقي شوف مين اللي هيجيلك العياده تا.."

ابتلعت باقي كلماتها عندما قامت بفتح الباب لتجد ذلك المدعو بإبن عمها يقف وهو يبتسم بخبث لترتجف وهي تراه أمامها وهو يردف:-"إزيك يا بنت عمي"

قامت بالرجوع عدة خطوات إلي الخلف وهي تهتف:-"إنت ايه اللي جابك؟!"

-"ايه اللي جابك!!أظن عيب أوي يا بنت عمي أخوكِ يبقي راجع النهارده ومحضرش أسلم عليه،ايه مش هتقوليلي اتفضل؟"

توقفت في مكانها وهي تتذكر بعض الذكريات من ذلك اليوم ليُخرجها من تلك الذكريات صوته الذي يُشعرها بالأمان لتزفر أنفاسها بهدوء وهي تستمع له يُردف ببرود:-"خير؟نقدر نخدمك في حاجه!!"

تطلع له الآخر بحقد وهو يُردف بحقد:-"لا كتر خيركم،أنا جاي أسلم علي غيث وماشي"

أمسك بيدها وهو يقف بجانب الباب ويردف بسخرية:"ياه اتفضل ده البيت نور!"