َشغَيرني و شغَيرك ؟
چا و الوَعد وينة ؟
نتلاگة مَلگى الغرب
نتسالم و نفترك محَد ترِف عَينه
-------------------_-
برق: شكو مَي بس اسمعيني شكو شصاير
مَي: ماعرف البيت انهدم فوگ راسنااا
برق: خرب بالدنيا كلها
منحس اله طگتها بضحكة اخذت التليفون منه وعطت
شغف: ولچ تضحكين علينه بربوء
مَي: عززهه تضحككون چذب چذب بس الولد يريدون حبيب قلبي يجي وياهم
شغف: ولچ ادب سز
برق: عوفينا انه وبنت گلبي شتردين هسه
مَي: حييل حيلل وابو زايد
شغف: يا فلك خلي اگوم اسبح احسن لي عفنت
برق باوعلي وضحك واني غمزت له جاي اريد اگوم جرني من خصري وهمس: يلا ميوش حبيبي هسه اجيچ
مَي: بلا زحمه ضرتي خليها تشرب ليمون ارتفع عندها الضغط الف
ضحكنا عليها وهي سدته گمت اسبح خلصت وطلعت لفيت شعري وبدلت مثل هذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
برق: احس بروحي مو بشر
شغف: يا ليش
برق: امي قبل يوم ماتت واني هسه اضحك كأن ماكو شي
دمعت عيوني تقربت يمه لزمت ايده وهمست: حبيبي انتَ شخص ميحب يشارك حُزنه مو مثلنا احنا نبچي ونلطم انتَ تكبت بقلبك وتكبت الى ان بووم تنفجر وشوكت راح يصير الـ بوم من تخلص الفاتحة وگول ما گالت شغف
برق: اريد اصير مثلچ اريد اصير اضوي مثلچ يانور عيني انتِ اريد اصير مجرد بياض مابية نقطة سواد بس شوكت؟
چان يحچي بكسرة وغصة گام اخذ ملابس ودخل للحمام ورة شوية رجع چنت مرتبة الصالة ومنضفة ابتسم واجه بصفي خلة راسة بحضني وصفن
شغف: منو گلك ماعندي ذنوب واني شخص مبية نقطة سواد برق اني كلشي بية وكل الذنوب بية من ناحية زوجي وبنتي برق اني عندي اقتراح
برق: كلامچ ماعجبني، المهم وهوه؟
شغف: نبتعد عن بعض ومانلتقي اله بيوم الاربعين ولا اتصال ولا ايي شي ابد ماريد منك لا تحاچيني ولا احاچيك اريد اضبط اعصابي اريد تصير عندي شوي انوثة اريد اتجنب المشاكل اليوم مشكلتين صارت من وراية والثالثة هم من وراية اريد اتعلم الصبر واصير حبابة واريد اصير انثى ورح ابيع سيارتي القديمة ابقي بس الهدية مالتك وراح ابطل من الشغل الى ان يصير عمر ايليا سنة او سنة ونص وبالزايد سنتين يلا عود افكر ارجع اشتغل متفقين؟
أنت تقرأ
نَـيران حُبـي
Romanceاجوچ خطااابة اجووچ خطااابةةة تحچي وتصفگ كفختها وگمت اتسمع من باب الصالة سمعت صوتها وراي جايب خواتة و امه وخالتة عززهه دروحي بدلي
