نَـيران حُبـي

بارت 22

احبكم

نيران حبي

بقلمي زينب احمد

........................
شغف

گمت الصبح الساعة بالسبعة برق بعدة نايم وايليا هم متگعد هيچ وكت حسيت بعد مابية نوم گمت سبحت ونزلت بدون شال لان الولد نايمين طبيت سويت لي اندومي وببسي اكلت وگمت غسلت المواعين وعزلت البيت نزلت الصوبات غسلتهن وشغلتهن لان الجو شتاء وباردة ثلج وغسلت الگراج لان صار بس طين من الصوبات وگفت اغسل واغني

شغف: هديتني وردة فرجيتها لصحابي خبيتها بكتابي زرعتها عالمخدة، هديتك مزهرية لاكنت تداريها ولا تعتني فيها تا ضاعت الهدية

اني صوتي حلو بالغناء خصوصاً الاغاني الي هيچ اعشقهن، نشفت الكراج شفت البزازين گاعدات بالقفص مالتهن محبوسات رحت فتحته بعد ما تأكدت الگاع نشفت بس الجو بارد دخلت البيوت مالتهن وصحون الاكل والليتر بوكس دخلتهن خليتهن جوة الدرج جوة الدرج اكو نافورة صغيرة وحشيش داير مادايرها رتبت اغراضهن هناك وشغلت الليتات هنا احسن وادفة رحت للكراج نضفت المكان الي جانو البزازين بيه وطببتهن كلهن للبيت تأكدت محد برة وطبيت وسديت الباب باوعت الهن مطرحات لو عالتخم لو عالطبلة لو بهذا البرج مالتهن البي غرف صغاار لو گاعدات فوگ ميز التلفزيون ضحكت وگعدت يمهن العب وي (نايا) وهي تعض بية عود تشاقة

شغف: يا يا يا يا ولچ هاي تعضيني

شلتها ابوس بيها واضحك صعدت فوگ ملابسي مبللة بدلت ونزلت جوة ضليت گاعدة العب وي البزازين لو اباوع مسلسلات صارت بالتسعة گمت صعدت فوگ شفت برق بالحمام وايليا گاعدة

شغف: صباحو يماما صباحوو شنو هذا الصباح الجمييل، ايلوو حبيبييي شنو هذا الجمالل شنوو منين جايبة جمالچ هذا كله هاا؟ منين يلوحيييييي

شلتها غيرت ملابسها شلت سلة الملابس الوصخة وطلعت للحمام الي فوگ بالطابق الي احنا بيه اكو حمام بي غسالات وكلشي يخص الغسل والكوي والتنشيف والتلميع والخياطة فتحته وشغلت الاضوية خليت الملابس بالغسالة اوتوماتيك وفريتها ورحت الغرفة

شغف: صباح الخير حياتي

برق: صباح الجمال

شغف: لا والله انتَ الجمال كله ولك اني وين وانتَ وين مدري شعاجبك بيه متگلي شعاجبك

برق: روحچ الحلوة عاجبتني وانتِ كلچ عاجبتني

شغف: اوويي فدووة

ضحك واني رحت حضنتة من ضهرة وتچيت راسي عليه وهو يعدل التشيرت بايدة يريد يلبسه ومبتسم

بسته من چتفة وابتعدت فوراً جرني باسني من شفتي بقوة وابتعد

برق: افييشش