الفتايات المشاغبات

البارت الثالث❤

الفتايات المشاغبات
البارت الثالث
بقلم رحمه محمد

صلو علي من بكي شوقاً لرؤيتنا❤

####################
ركضوا الفتايات سريعا نحو ريهام  واصدقاءها الملتفون حولها
شيري :-ريهام اغمي عليها
نظرت لها صديقه ريهام بسخريه:-لا دي مريحه شويه بس
مولا بغضب:-طب اتلمي ياساندي بدل مخليكي تريحي جنبها
نظرت لها روما بشمئزاز وجلست بجانب ريهام لتحاول افاقتها
ساندي لروما:-اجبلك مخلل
روما بقرف:-سندي ريهام معايا يامولا نوديها مستشفي لحسن الجو هنا مقرف وخطر عليها
 
اوقفت شيري عربه واتجهو بها للمستشفي اللتي تبعد عن الجامعه ب20دقيقه

  ‏الدكتور:-مفيش قلق ده ضغطها وطي شويه بس  وانشاء الله هتخرج اول متفوق
  ‏روما :-شكرا ليك ثم نظرت الي فستانها وقالت بصراخ:-يافضحتك يا دودي
شيري بفزع:-في اي
مولا برعب:-اي اللي حصل
روما بنبره باكية:-الفستان اتخرم.
مولا بضحك شديد:-يخربيت كده اتخرم ازاي ده
روما بنظرات حزينه:-حسبي الله ده لسه جديد
شيري بضحك:-شكلك فظيع والله
مولا بمرح:-ياصلاه النبي.
نظرت مولا لهاتفها الذي يصدر صوت رنين مزعج
مولا بدهشه:-ايدا ده دكتور يوسف.
روما:-ردي وافتحي الاسبيكر.
يوسف بقلق:-انتوا فين واختفيتوا كده ليه ؟
مولا بهدوء:-في المستشفي
يوسف بصدمه:-اي اللي حصل
مولا:-لا دي بنت عمه روما اغمي عليها مش عارفه من اي كده وجبناها هنا
يوسف:-طيب انا هجيلكوا.
روما بتوتر:-لالامفيش داعي يادكتور
يوسف:-لا قولوا بس اسم المستشفي كده كده السيكشن انا أجلته
مولا:-مستشفي*****جنب الكليه.

بعد نصف ساعه وصل يوسف الي المستشفي

يوسف:-اي اللي حصل انتوا كويسين.
روما:-احنا تمام
نظر يوسف لريهام بتمعن وشعر ان وجهها مألوف له وكأنه رأها من قبل كاد ان يتحدث ويسألهم عنها لكن قطع حديثه رنين هاتف روما
روما بمرح:-خالو بيرن ياصلاه العيد
شيري وهي تقلد ايمن:-انتي مبترديش لي.... حصل اي...انتي كويسه... طب تعبانه.. جرالك حاجه.. صحابك كويسين.. كنتي فين وكنتي بتهببي اي بصوت خال روما
مولا بضحك:-لو راجل الحق رد علي السؤال
روما:-هوس مش عايزه صوت خالص
روما بهدوء وهي تجيب علي الهاتف:-خالو حبيبي عامل اي.
ايمن بقلق:-كنتي فين ومردتيش لي.وبتعملي اي.انتي كويسه.حصلكوا حاجه
نظروا جميهم للهاتف وانفجروا في الضحك
يوسف بضحك:-هو فعلا لو راجل الحق رد علي السؤال
ايمن:-انتي مبترديش لي ومين الحيوان اللي بيتكلم جنبك ده ثم صمت قليلا:-نهاركم اسود انتوا خارجين مع شباب
مولا بفزع:-شباب اي بس ياحج ايمن واحد الله في قلبك
شيري:-يعني احنا هنخرج مع شباب في عز نهار رمضان واحنا صايمين
روما بضحك شديد:-ده دكتور يوسف ياخالو اللي انت كلمتوا قبل كده
اايمن:-اه طييب ثم اكمل بعصبيه:-الظابط كلمني وقال انكو اختفيتوا فجاءه
روما بهدوء:-ياخالوا ريهام اغمي عليها وجبناها المسشتفي ثم اكملت بمرح:-وبعدين هو لسه فاكر اننا اختفينا احنا بقالنا ساعتين قاعدين هنا
ايمن:-كان بيدور عليكوا ياختي ثم اكمل ريهام هتخرج امتي
روما:-لما تفوق هي لسه نايمه لحد دلوقتي الدكتور قال ان ضغطها وطي جامد وعلقلها محلول
ايمن:-طيب انا هخلص شغل واجي اخدكم
روما:-انت هتخلص علي الساعه كام
ايمن:-علي 4تقريبا
روما بتنهيده:-متتاخرش ياخالو
واغلقت الخط
جلسوا الاربعه امام غرفه ريهام في جو يشوبه التوتر وبعض المرح التي اضافته شيري
شيري بجدية مصطنعه:-والله ياجماعه كان يعز عليا اقوم دلوقتي بكل شهامه اجيب سندوتشات وقهوه واقولكم اتفضلوا ثم اكملت بحسره:-بس احنا صايمين
يوسف بسخريه:-متاكده انك كنتي هتجبلنا احنا
شيري بإحراج:-سمعتي مسمعه كده
يوسف بمزاح:-طب كنتي قولي رحمه تجبلنا
مولا بمرح:-اهي كده معقوله شويه