الفتايات المشاغبات

البارت السابع❤

الفتايات المشاغبات
البارت السابع
بقلم /رحمه محمد

"يرى الأنسان نفسهُ عجوزًا حينما ينظرُ لأشخاص من نفس عمره يتراكضون في ربيع الحياة يملأهم الشغف، وهو مُنطفِئ .. مُنطفِئٌ جدًّا"

الجُمله لـ احمد خالد توفيق🤍

.................................

نظروا جميعا له ببلاهه لما يرتديه
روما بغمزه:-ايه يسطا القمر ده انت اهلاوي ولا ايه
لكزها يوسف بغضب لتنظر له بتذمر
شيري ببلاهه:-اهلاوي ايه ده شكله رايح يتعدم ياستي
سيف وهو يوافقها الرأي:-الفنان عليه حكم اعدام باين
مولا بتقييم:-الاوتفيت يجنن يافنان
عدي بحده:-مين حضرتك وازاي تقف قصادنا كده
نظر لهم الشخص بغموض ثم خلع جاكيته الاحمر والقاه داخل سيارته واخرج سلاحه والقاه ايضا داخل السياره ليرفع يداه للاعلي ويردف:-انا لا جاي اذيكم ولا جاي تأذوني انا جاي في سلام
روما وهي تطلق صفير عالي:-يبواااااااي ايه يولا العضلات دي
يوسف بغضب وهو يقف امامه:-متلمي نفسك بقي بدل مديكي قلمين
روما بغباء وهي تدفشه من امامها:-يا عم اصبر بس لما نشوف مستر ايجيبت ده بيقول ايه
جذبها يوسف بحده خلف ظهره لينظر للفتي بغضب شديد:-معرفناش انت مين برضوا
الشاب بغرور:-انا ادريس المنشاوي
سيف وهو يخرج سلاحه ويرفعه في وجهه ادريس:-جتلي برجلك يابن المنشاوي موتك علي ايدي
ادريس بزعر وهو يختبئ خلف مولا:-ياجدع بقولك جايلك في سلام واحد الله في قلبك
سيف بغضب شديد:-وانت اللي زيك يعرفوا السلام ياشيخ ربنا ياخد امثالك ياحقير
عدي بغضب مماثل:-انا مش هيكفيني فيك اعدام وبعدين متذكرش اسم الله علي لسانك القذر ده
طارق بهدوء:-وانت بقي تعرف ربنا ازاي وانت ماشي تقتل في خلق الله ومش بس دنتا بتخطف اطفال وتتاجر فيهم اسلحه وبتاجر برضوا بنات وبتبيعهم ومخدرات وبتدمر بيها الشباب ناقص ايه تاني مبتعملوش
ادريس بحزن:-والله انا معملت اي حاجه من دي ثم انزل رأسه في خزي:-ابن عمي اللي ماسك كل الشغل ده بأسمي
يوسف بشك:-وانا ايش ضمني كلامك ده
ادريس بلهفه:-وحياه المزمزيل اللي وراك دي مليش دعوه لو عايز تاخدني تتحفظ عليا خدني والله مهمانع ع الاقل هبعد عن ابن عمي ومش هيعرف يطولني ثم نظر خلف يوسف واشار:-انتوا كده بالنسبه لابن عمي ميتين بس مش هيهدالوا بال الا اما يتأكد عشان كده انا بعت رجالتي يجيبوا جثث من المشرحه يحطوها مكانكم
عدي وهو يمسكه من لياقه قميصه:-اعتبر نفسك مقبوض عليك ياحلو الملامح لحد منتأكد من كلامك
طارق وهو يخرج سلاحه الابيض من سترته:-طلع بطاقتك ياض
روما وهي تصفر بحماس:-اوعا ده معاه مطوه ياولاد
مولا بفرحه:-الولا ده معلم وربي
شيري وهي تسقف بمرح:-عليه فتحه مطوه احسن من احمد عز والله ثم غمزت له بمرح:-لو بتدور علي عروسه انا موجوده علي فكره
روما وهي تغمز له هي الاخري:-خدها وعليها صحبتها هديه
نظر لهم الجميع ببلاهه عدا يوسف الذي اغمض عيناه بغضب وذهب بتجاه تلك المعتوهه وجذبها من لياقه ما ترتديه:-قدامي ياحيوانه
روما بعصبيه:-اايدك كدهه هتكرمش الشاكتت
يوسف وهو يخرج سلاحه ويضعه علي رأسها:-يمين بالله ان لو لقيت عينك اترفعت في راجل وانا واقف لفرغه في نافوخك ده واخلص البشريه منك يا ام شاكت ثم مال علي اذنها واردف بنبره اخافتها:-سامعه يابطه؟
روما بخوف ونبره مهزوزه:-سامعه ياباشا
يوسف وهو يعتدل في وقفته:-اتفضلي قدامي علي العربيه ثم نظر لعدي:-هاتو حلو الملامح ده واربطه واركب انت وسيف وطارق هيسوق وانا البنات معايا
ركضت روما سريعا جهه السياره وهي تتذمر بكلام غير مفهوم
يوسف بنبره مخيفه:-متبرطميش بدل مجيلك
روما بصراخ:-تعالي يحبيبي وريني هتعمل ايه يعنييي
يوسف وهو يذهب جهتها ويخلع حزامه:-انا هوريكي هعمل ايه.
روما بصراخ وهي تختبأ خلف عدي:-انا عيله والله خلاص انا اسفههه
عدي وهو ينظر لها بسخريه:-جرا ايه يا معلمه مشوفتش منك لا بوكس كده ولا قلم يعني تعلمي علي يوسف بيه ولا هو عنتظتك علينا احنا بس
روما وهي تنظر له بخوف:-والله ياعدي نفسي بس للاسف ممكن يسقطني وانا عايزه اعدي صافي
يوسف بغضب:-ابعدي عن عدي كده عشان مجبش راسك الارض
روما بندهاش:-هو انت غيران علي صحبك مني ولا ايه
يوسف بحده:-اسمعي الكلام
نظر لهم ادريس بصراخ:-ياجماعه اخلصوا رجلي وجعتني خلونا نغور
روما وهي تندفع ناحيته وترفع سبابتها في وجهه:-لا بقولك ايه اوعا تفكر عشان انت مز وبعضلات هنسكتلك دنا افرمك هنا
شيري وهي تقف بجانبها وتنظر لادريس بشر:-صوتك ميعلاش يافنان والا وقسما بربي هسيب عليك مولا
مولا بشهقه قويه:-ليييييه ياختي كنت كلب ولا ايييه.
سيف وهو يلطم وجنتيه:-يمراريييي خلاص يخربيتكم
شيري بحزن وهي تستند ع السياره:-الاكل كله راح يا سيف ملحقتش اكل حاجه من الطواجن حتي
سيف بحزن وهو يربت علي كتفها:-متزعليش يا شيري اوعدك اول منوصل هناك هعملك انا اكل ب ايدي في السحور
شيري وهي تنظر له بحماس:-بجد ياسيف؟
سيف بمرح:-عيب عليكي يابنتي دنا محدش بيطبخ زيي
شيري بفرحه:-طب وربنا انت اجدع من اخويا ياجدع
مولا بسخريه وهي تنظر لطارق:-اهي عندك الاستاذه دي مثلا ممكن يتضحك عليها بسندوتش وتتخطف عادي
روما بتفكير:-غالبا طنط مقالتلهاش وهي صغيره اوعي تاخدي حاجه من حد
عدي بملل:-يلا عشان نروح طيب عشان نلحق نجهز جوازات سفركم ونشوف الخطه اللي خربت ع الاخر دي
بعد مرور بعض الوقت وصلوا الي وجهتهم
روما بصفير عالي:-اوعا ايه الجمال والحلويات دي
يوسف بغباء:-منتي جيتي هنا قبل كده يا رحمه
روما بزهق:-يا دكتور الله لا يسيئك اسمي روما ثانيا لما جينا معاك هنا كنا صايمين ومش شايفين قدامنا الله
يوسف بنظره عبثيه:-اسمك رحمه وهناديلك رحمه بعد كده علي طول فريحي بقي ثم اشار لهم بالصعود
شيري بإحراج وهي تنظر ليوسف:-ياترا بقي صلحت الاسانسير ولا هتطلعنا 9ادوار زي المره اللي فاتت
يوسف بأسف:-للاسف لسه متصلحش
عدي بصدمه:-9ادوار ايه دنتوا اطلعوا ودلدلولي السبت اسهل
مولا بسخريه:-جرا ايه ياحضره الظابط اومال لو مكنتش جته بقي وتمارين وبتاع
نظر لها سيف بسخريه:-احنا ظباط اه بس صحتنا علي الله ثم نظر ليوسف بغضب:-مقولتش ليه ان الاسانسير بتاعكم بايظ كنا روحنا عند عدي البيت او عند طارق
يوسف ببرود:-عشان هنسيب البنات مع ماما هنا انما عندكم هسيبهم مع مين
طارق:-كنا هنسيبهم مع اخويا الصغير
يوسف بحده:-لا اخوك قليل الادب هيشقطهم
عدي بغباء:-يايوسف ياحبيبي الواد عنده16سنه يعني هما اكبر منه اصلا.
يوسف:-ايا يكن اتفضلوا قدامي اطلعوا يلا بطلوا رغي ثم نظر لادريس وجده ينظر لروما وشيري بعبث:-الولا ده معصبني لما تطلعوا احدفوه من الشباك هكون شاكر ثم ذهب بتجاه روما وامسكها من لياقه الجاكيت:-قدامي ياحلوه يلا
روما بتذمر:-يمين بالله يا يوسف مفيش حاجه مسكتاني عن معاملتك دي غير درجات الماده بتاعتك ثم نظرت له بحقد:-وربي لاشتكي لعموا عبدالله يروقك هو وطنط ثم افلتت نفسها من يده وصعدت
عدي بضحك شديد:-البت اعلنت عليك الحرب هتشتكي لابوك
طارق بمرح:-هتتروق يا جو
شيري وهي تنظر لهم بسخريه:-متستعجلوش حتي انتم هنشتكيكم لعموا عبدالله هو هياخد حقنا
سيف بعبث:-حتي انا ياكتكوته دنا حتي هطبخلك
شيري بلهفه:-لا ياعم انت اخويا خلصانه هدافع عنك
مولا بسخريه:-ممكن تبيع امها عشان واحده قطايف والله
عدي بمرح:-علي فكره انا عليا حبه عصير تحفهه فلو تدافعي عنه معاه اكون شاكر ليكي عشان عمو ايده تقيله
ادريس بملل:-شباب رجلي وجعتني والله ممكن نتنيل نطلع
طارق وهو يصفعه علي رأسه:-مسمعش حسك
ادريس بعصبيه:-اقسم بالله انا سكتلك يا معفن عشان عايزه اخلص من ابن عمي غير كده انا كنت دفنتك هنا
شيري بحاجب مرفوع:-تدفن مين ياشبح
مولا وهي تراقص حاجبيها له:-طب جرب كده تيجي جنبهم وشوف روما هتعمل فيك ايه ولا انا هعمل فيك ايه
سيف وهو يهمس لطارق وعدي:-هما مالهم ومالنا وبيدافعوا عننا ليه
استمعت له شيري الواقفه بالقرب منه لترفع يدها تصفعه علي كتفه:-عشان انتوا بقيتوا اخواتنا يا بجره انت
سيف وهو يبعد يدها:-يابت لمي لسانك بدل مجيبك من شعرك انا صبري بينفذ بسرعه
شيري بستفزاز:-اشحنله كارت فكه ياخويا ثم اشارت له علي الدرج:-اتفضل اطلع عشان تجهزلي اكله ارم عضمي اللي اتدغدغ بسببكم يلا
سيف وهو ينظر لها بغيط وهي تصعد:-والله الواحد بيفكر يتجوزك عشان يعرف يجيبك من شعرك بس كله بالحلال
طارق بسخريه:-تجيب مين من شعرها يا حبيبي دي ممكن تعملك مخلل وتبلع بيك جنب سندوتشين كبده ثم دفع ادريس امامه:-قدامي ياخويا
عدي بحماس:-ياترا خالتو عملالنا اكل ايه
سيف بسخريه:-قلب خالتو انت يا كوتي كوتي خالتو قالت نجيب اكل جاهز علي حسابي انا وانت
عدي بتذمر:-هما عارفين اننا قبضنا فحالفين يخلصوا القبض صح!
سيف بضيق:-ياجدع مش فاهم خالتك ام يوسف بتعرف ازاي اننا معانا فلوس وتقوم ضربانا واحده هاتوا اكل جاهز وانتوا جايين تخلص نص المرتب
عدي بغيظ:-وربي اتجوز بس لاجيب مراتي كل يومين هنا نتغدا معاها ونطلع عليها الاكل اللي اشتريناه
سيف وهو يدفعه:-طب يل ياخويا نروح نجيب اي طفح للكل