الأعفَر (سلسلة المُهرع)

البارت السابع

الأعفَر (سلسلة المُهرع)
حوراء ال جعفر🤎

- كالميناء المهجور،
كالصفحة المزدحمة
فِي منتصف كتاب
لا يقرأه احد،
كنافذة صغيرة تختنق
في ظلام زنزانةٍ
مكتظة بالمساجين،
  هكذا انا"

_____♕_______♕_______♕_____

- باعي لج هواي تماديتي اكول خبله عوفها بس تره روحي طافره اذا سمعتج مره ثانيه من صدك تتندمين

يعفور- يلا شوفني شلووون اتندم شوفني لوو بس حجي

-اي ليش لا

يعفور- طلع بره وره خمس دقايق رجع وبيده سلاح مسدس اسود رفعت انضاري اله

گال وهو يسحب اقسام المسدس

- هسه تمام اگتلج واخلص اصلا اني مابيه حيل نهائيًا

يعفور- يلاااا شبيك شكوو واگف يلا اضربني الله ياخذك وياخذ امثالك حقير دمرتونه

- احد ضربج على ايدج وگالج تعاي لهيج اماكن

يعفور- لو ما انتو الكلاب جان ما اجينه انعل ابوكم لابو الرباكم .

بعدني ما مخلصه شهگت بقوه صوت الطلقه والحراره الي بمعصمي نار احس نزلت انضاري لايدي ادم يجري واحس گاعد يتسابق يا قطره تنزل اسرع جانت الطلقه فوگ عكسي بشوي شفت كمية الدم الي بلگاع كومه غمضت عيوني وراسي شوي وينفجر ماعرف شصار
حتى ألم ماكو بس حراره عيوني من كيفها غمضت

حسيت على وجع بأيدي فضيع صحت متألمه
-ااخخ الله ياخذكم ان شاء الله حسبي الله ونعم الوكيل عليكم

گمت شوي شوي ايدي بس ملفوفه صحت بصوت عالي
-حيوان ضربتني شكو تلفها

رحت للحمام ايدي توجعني حيل فليت الشاش مااعرف شنو ابيض جان وعرفت الطلقه ما داخله ايدي بس شاحطه لكن حافره الجلد واللحم شفت المنظر نزلت دموعي واحجي بصوت خافت

- ليش هيج عفتني انتَ وامي الي اصلا ماذكرها زين وجديتي محد بقالنه عفتولنه بس سمر هي الي دمرتنه الله ياخذها

غسلت ايدي مكان الطلقه وجان يوجعني كلش اغسله ودموعي تجري ورجلي منه گوه اسحلها هذا هو تكسرت حتى طلعه ماگدر اطلع رجعت للغرفه ورجعت لفيته لان يلتهب
راسي منا مصدع كلش احس راح اموت بعد شي قليل خليت راسي على الحايط وماعرف اذا غفيت اذا نمت فزيت عله صوت الباب ينفتح سويت نفسي نايمه اصلا مابيه حيل اشوف وجه للشيطان

گال بصوت عالي- بلكي ماتت واخلص

يعفور- موت اليطمك ان شاء الله ولو حتى حرامات يصير الك گبور

حجيت واني نفس مكاني

- سدي حلگج وانخرسي

يعفور- يعني شتريد تسوي تكتلني يلا انتظرك