الأعفَر (سلسلة المُهرع)

البارت الثالث

ألاعفَر (سلسلة المُهرع)

بقلم: حوراء ال جعفر

شـلون آنطـآگ گلبك
هيـج تكسـرنـي
آنآ آلعفت گُلشـي
آلخآطـر رضـآگ
وآنــتَ بگــل برود
بگلبي تطـعني

_____♕_______♕_______♕_____

يعفور- كعدت احس نفسي غركانه من العرگ جان حلم حلم كلش يخوف جان رجال كلشي بي اسود بس عيونه كلها بيضه حتى البؤبؤ الي يصير اسود هو لا كله ابيض خفت حيل تعوذت الشيطان الف مره ورددت چم سوره قصيره ونمت

ريم- مرت الايام وسمر ماجت ولا وصلت
بس المشكله مانعرف نطبخ بس يعفور تگلي بيض بتيته طماطه يعني الريوك تعرف بس الغده ولعشه ابد مانعرف ابويه يجيبلنه من المطعم ويوصي بينه

سلمان- بنياتي لا تتقربن على الطباخ خوش

يعفور- اي بابا... مرت الايام ويوم اخذنه ابويه لعمه روح من زمان مرايحين الها شفناها جانت كما هي بس مبين كبرانه بس هي هي وبيوم كاعدين العصر جان ابوي موجود بلبيت وكلنه كاعدين بلحديقه

سلمان- اكلجن باجر نروح للنجف وكربلاء ازورجن ونزور امجن وامي وابوي ها

يعفور- بابا خاف عندك شغل اذا تريد من ماعندك شي نروح

سلمان- لا انه هسه ماعندي شي دخل اخذجن من زمان ما رايحات

ريم- اي بابا والله اني حيل ضايجه

سلمان- هذا هوَ تحضرن باجر بلسته الصبح نروح مو تنسن

يعفور- لا مننسه راح احضرلك قميصك وبنطرونك حتى باجر بس تبدل... نمنه تلاثتنه وجنه حيل متحمسات لباجر لان مارايحين تقريبا من ثلاث سنين وكم شهر هيج گعدت الصبح شفت الساعه جانت بوگتها بلخمسه الا ربع كمت توضيت وصليت رحت للمطبخ طلعت بيض واجبان وچاي حميت وصمون موجود بلخمسه وربع گعدت البنات بين ما صلن رحت لابويه على كيف كعدته هم كام توضه وصله وتجمعنه بلطبخ اكلنه وريم وسل مطفيت ولا يمنه

سلمان- من تخلصن كلشي صيحلي راح ابدل

يعفور- هزينه راسنه بمعنى اي... غسلت ماعين عزلت المطبخ كمنه بدلنه جان فساتين طوال بوكتها اني لبسته لون اسود وريم فستان ماذكر لونه ورس بنطرون وتيشيرت  احنه ما متحجبين بوكتها واخذت عبايات لازم من نزور نلبسن رحنه بلطريق نمنه بقه ابويه كعدنه وصلنه بلدعش ونص الضهر رحنه تغدينه ورحنه زرنه الامام علي صارت العصر رحنه للمگبره جانت امي ريحانه وجدو وجديتي جنه حيل مهزوزين اربعتنه مالنه غير بعض

سلمان- يلا بنات حجزت غرفه نام بيها اليوم وباجر نروح لكربلاء

ريم- بابا ليش منام بلأمام علي مثل قبل

سلمان- بعد حجزت مره الثانيه ان شاء الله

ريم- ان شاء الله... رحنه نمنه كعدنه الصبح تريكنه وزرنه الامام علي اخر شي ورحنه لكربلاء هم نمنه كلنه بلطريق