روايه احببت منقذي (داعش) للكاتبه:- اساور احمد
الشاعر مزاحم الفاطمي يكول
مشو ربعي غفل ياريت ماذيهم
كدام الشماته بست رجليهم
لا اعرف عليمن لا عرفت الصوج
شني الغاثهم شنهي المبجيهم
ونوب التكتلك شادلهه حزام
فركتهم جبيره شلون احاجيهم
مشو مني وجفوني حته ماكو وداع
لا حاجي بضهرهم لا ماذيهم
نخيت الله يردلي الراح مني بعيد
حته اعرف شكله ومن رحت شتريد
ابشرك من عفتني الرمش بعدك شاب
وضهري صار قوس وباقي اتانيهم
_____________________________________
مشهد من البارت السابق
دنيا:: اسمعهم وجسمي يرجف ودموعي تنزلن ياربي ساعدني ياربي وين يريدون ياخذوني سوك سبايا شنو ياربي موتني ولاتخليهم يسوولي شي يا الله
اجه واحد صار يتلمس ضهري بطريقه بشعه ضربته بعكس ايدي مادري ع رجله ع بطنه مادري بس وجعته ع الاكيد لزمني من راسي وضربني راشدي وذبني وكعت بالكاع بالسياره وره ودفرني ع ايدي التوجعني هنا احس روحي
ماعت وبعد ماحسيت ع الدنيا تخربطت.....
_____________________________________
بسم الله الرحمن الرحيم
مادري وره شكد بس كعدت اني بمكان ضلمه
::::::مادري احس روحي بين الكاعده بين النايمه مغمى عليه ماعرف
واحس اصوات يمي اصوات زلم واصوات بنات يبجن ويصيحن
وريحه كريها اشم ريحه رطوبه ريحه خياس وريحه دم ايي ريحه دم هاي وريحه شلون البزون من يموت او شي حيوان ويبقه ويصير بي ريحه نفسها اشمها والمكان ضلمه وماعرف اني وين
وايدي توجعني وجع قاتل واحس جسمي كله خدران ويوجعني
كعدت لميت نفسي وابجي وماعرف اني وين ووين جابوني ذول الكلاب
... الله لينطيك حيدر الله ياخذك سمعت صوت ولد صاح بألم بوجع وكأن ديتعذب واسمع صوت ضحك وحجي فصيح مكسر
::: اجل هههههههه هكذا هو التعذيب انتم الروافض انتم كافرون كارهين لرب العباد ههههههههه
اصوات كووووومه وضلمه تخوف صرت اصيح وابجي طلعووووني منااااا طلعوووووني ليشش جبتوني هنااااا كلااااب الله ياخذكم حقراااء الله
يااااخذك حيدر الله ينتقم منك
انفتح الباب وضوه ع وجهي احس عيوني يوجعني جنت بالضلمه لمدت يوم تقريبا والضوء ع عيوني
منوووو انتوووو ليش جبتوني هنااا يااااا جلاااب
::: عاهررره لا اسمع صوتك حقيرررا
::: ماغيركم الحقراا ياجلاب الله ياخذكم ويخلصناا منكمممم انعللل ابوكم لابوم الجابكم صرت اغلط واصرخ بس حتى تبرد نار كلبي المشتعله منهم
اجه دفرني بخاصرتي روحي شاغت ومنا اني جسمي يوجعني كد ماضربوني رفعني من شعري وقرب وجهو عليه
