روايه احببت منقذي (داعش)
(بقلم) : اساور احمد
قمرات لاتنسون التصويت ومتابعه للحساب وتعليقاتكم الحلوه ع كل فقره 🖤
.....................
صرت ويه الشجر شجرة
نص جسمي اندفن بالكاع
والباقي امن اديه اغصان
وسموني بوكتها
شجرة النسيان
ويمر الوكت بسكوت
واكعد من منامي
ولني مامكتول !
اثاريني جنت حلمان
_______ _
مشهد من البارت السابق (للتذكير)
- والله شنو اكصلج ايدي إذا ماطلعت ملعوب بيها شهرين يم داعش وتريدين لحد الان تكون بنيه والله تلكين داعش شبع بيها وشمروها وراها اجت يم ذوله الضباط ال ع كولتها حسبوني من عائلتهم
عائلتهم شنو حسبوج ني**** مو شفتيها كالت متونسين بوجودي واني متونسه يعني الاخت جان عاجبها الوضع بس حرامات هجوم داعش ماخلاها تضل يمهم وتونسهم
- هههههههههه اي والله هسه باجر عكبه تلكينها حامل بتوم ولد ابن العساكر وولد ابن الدواعش هههههههههههههههه
-هههههههههههههههه هوه هيج
________
بسم الله الرحمن الرحيم 🌹
دنيا:- بقيت مصدومه من كلامهن رحت للغرفه واكيد ماعندي غير دموعي وعتابي ل اهلي :- يا الله ارحمني يا الله شفت شلون يحجن ويتهمن واني اشرف منهن هسه عرفت راهب شجان يقصد راح يتهموني بشرفي وهاي صارن يحجن ويتهمن بشرفي ليشش هيج يااربي ليش ونبي تعبت ونبي ارحم بحالي يتيمه وهيج يصير بيه شمسويه بحياتي شمسويه
ماما شفتي بنات اختج شلون يتهمن ويحجن بشرفي والله والله جذب كل كلامهن ولا احد قربلي داعش من جانو يحاولون جنت ادفعهم وتصير شغله ويبتعدون وحق الله ماكو هيج شي وعباس بالشقه جان يحضني اعرفه غريب عليه بس حاسبني مثل اخته ويحظني بالشقه وراهب
كلت اسم راهب وناشغت وراهب صح صح كل مره جان يحظني لو يبوسني من راسي أو خدودي بس ماما وروح ابوي مايوم حاول يتعده حدوده وجانو هيج يعاملوني معتبريني جاهله حتى ميحسسوني بغيابكم جانو مهتمين بيه وحنونين وياي
والله ماكو هيج شي ومحد لمسني اني طاهره ونظيفه والله العظيم ليش هييج يتهمون بدون ميشوفون أو يسمعون انو اني طاهره والله حرام عليهن ميخافن من رب العالمين ميخافن حرام
وانتو انتو رحتو وعفتوني بهاي الدنيا وحيده هاذ اليحجي هاذ اليتهم هاذ اليمد ايده عليه اليبقه بدون اهل كلشي يتوقع من هالناس الماترحم بابا لو هسه انتو وياي جان ماتجرأن يحجن بشرفي والله جان ماتجرأن
بقيت بالنص ساعه ابجي بمكاني واذكر كلامهن تذكرت كلام راهب من كال واجهي العالم واوكفي بوجهه كلمن يجيب اسمج بشين وحققي احلامج وطموحاتج
مسحت دموعي وكمت وكفت كبال المرايه واحجي ويا روحي بالمرايه:- كافي دنيا كافي بس تبجين صارلج سته اشهر تبجين وحابسه روحج رجعو اهلج شفتي راهب وعباس صح كلامهم البجي ميرجع لا ميت ولا يفيد احد رجعي لحياتج ادرسي وانجحي وصيري احسن منهن ذني اليحجن بشرفج
